VAKORINZO 7
7
1Valina vaanje va nayaanza, lilaaka yili liosi lialombelwa khutsi. Khulwa yako, chendi khuve vanihu khurula khu shindu shiosi shinyala khulomba mmbili inoho mwoyo khuvula khuva munihu. Chendi khuhe Nyasaye luyali khandi khuchelitsi khuva vatakatifu khuli ye.
Likhoya lia Paulu
2Mukhumanyinyi khuli mwakhuyaanza. Khushili khukholelakhu mundu shindu shitamanu; khushili khusalilitsakhu mundu inoho khuchelitsa khwihonelakhu mundu wosi. 3Shimbolanga ndio khumukhalachila tawe; shichila khuli lwa nali navoolakhu khale, mwakhuyaanzitsa khandi kachilanga khuva na munyi shia khase khosi, khuve khushili mwoyo inoho khwakhutsa. 4Ndi ni lisuuvilitsa linyishi shichila munyi. Nzilolanga muno shichila munyi! Ndinyilitswangwa muno; khali mu vutiinyu vweru vwosi ndi nu vuyaanzi vunyishi muno.
5Khali lwa khwatukha mu lusomo lwa Mekadonia, khuvulakhu vwiyangu vwa khwanyola vu khuhulukha. Khwali nu vutiinyu shia havundu hosi, khwalembana na vandi, nu khuria mu mioyo chieru. 6Navutswa Nyasaye, utinyilitsanga vandu vakhutsa mu mioyo, yakhutinyilitsa lwa Tito yatukhaho; 7khandi shikali khwali khwitsa khwekhwe khwonyene tawe, navutswa khulondokhana khuli mwamutinyilitsa. Yakhuvoolela makhuva khuli muli namahulu khundolakhu inzi, khuli mwavelela mu mioyo, khandi khuli mumbendelanga mwoyo; khali nimba nu vuyaanzi vunyishi muno.
8Khali niiva ibarwa yanje yachila numuvelela, shikali mbendanga mwoyo lwa nachihandika tawe. Khali niiva naheenda mwoyo -- mali khulola ndi ibarwa yanje yamusalilitsa, navutswa hatititi vutswa. 9Navutswa nunundi ndi nu vuyaanzi -- shikali shichila nachila numuvelela tawe, navutswa shichila khuvela khwenyu khwachila numwikanila. Nyasaye neye warumishila livelela lienelo, navutswa shikali khumulomba numusalila tawe. 10Livelela lia Nyasaye arumishilanga lileranga likanila lichilanga nu khuhonyinywa -- liheenda mwoyo livula mu kenako! Navutswa livelela lirulanga khu mundu lileranga likhutsa. 11Lolikhu ka Nyasaye yakhola khurulana khu livelela lienyu: khuli liamukhola numuva nu mwoyo mulala, khuli liamukhola numuva ni lienya liukhwishinga, vurima vwa mwanyola, vuri vwa mwanyola, mahulu ka mwanyola, khuli mwenyanga khukhola ku vulunji, khandi khuli mwenyanga khusalilitsa vindu vitamanu! Mwamanyinya vene ndi muvula vutamanu vwosi khulondokhana khu makhuva kenako.
12Khali niiva namuhandichila ibarwa yeneyo, shikali yali khulondokhana khu mundu wali nakholi shindu shitamanu inoho ukholelwi shindu shitamanu tawe. Nikhali, nachihandika kamanyikhane havulavu khu munyi, imbeli wa Nyasaye, khuli mwenyanga khukhukholela ku vulunji. 13Nako kachila nukhutinyilitswa.
Shikali khwatinyilitswa khwonyene tawe; vuyaanzi vwa Tito yali navwo vwakhulomba nu khuva nu vuyaanzi muno, shichila mwachila liheenda mwoyo lia yali nalio nilikora! 14Nali nu vwichinjililu khu Tito shichila munyi; navutswa shiu mwambakhu tsisoni tawe. Navutswa shichila vindu via khwamuvoolela ni viatoto, khu khwichinjilila khweru khu Tito shichila munyi khulolekhanga khuva khwatoto khandi. 15Khulwa yako, ali nu vuyaanzi vunyishi muno shichila munyi, lwa yitsushitsanga khuli munyi voosi mwirechekha khulonda mivaalo keke, khuli mwamwinjilitsa nu vuyaanzi muno. 16Ndi nu vuyaanzi nunundi, shichila ndi ni lisuuvila liu vuseletse mu munyi!
Currently Selected:
VAKORINZO 7: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
VAKORINZO 7
7
1Valina vaanje va nayaanza, lilaaka yili liosi lialombelwa khutsi. Khulwa yako, chendi khuve vanihu khurula khu shindu shiosi shinyala khulomba mmbili inoho mwoyo khuvula khuva munihu. Chendi khuhe Nyasaye luyali khandi khuchelitsi khuva vatakatifu khuli ye.
Likhoya lia Paulu
2Mukhumanyinyi khuli mwakhuyaanza. Khushili khukholelakhu mundu shindu shitamanu; khushili khusalilitsakhu mundu inoho khuchelitsa khwihonelakhu mundu wosi. 3Shimbolanga ndio khumukhalachila tawe; shichila khuli lwa nali navoolakhu khale, mwakhuyaanzitsa khandi kachilanga khuva na munyi shia khase khosi, khuve khushili mwoyo inoho khwakhutsa. 4Ndi ni lisuuvilitsa linyishi shichila munyi. Nzilolanga muno shichila munyi! Ndinyilitswangwa muno; khali mu vutiinyu vweru vwosi ndi nu vuyaanzi vunyishi muno.
5Khali lwa khwatukha mu lusomo lwa Mekadonia, khuvulakhu vwiyangu vwa khwanyola vu khuhulukha. Khwali nu vutiinyu shia havundu hosi, khwalembana na vandi, nu khuria mu mioyo chieru. 6Navutswa Nyasaye, utinyilitsanga vandu vakhutsa mu mioyo, yakhutinyilitsa lwa Tito yatukhaho; 7khandi shikali khwali khwitsa khwekhwe khwonyene tawe, navutswa khulondokhana khuli mwamutinyilitsa. Yakhuvoolela makhuva khuli muli namahulu khundolakhu inzi, khuli mwavelela mu mioyo, khandi khuli mumbendelanga mwoyo; khali nimba nu vuyaanzi vunyishi muno.
8Khali niiva ibarwa yanje yachila numuvelela, shikali mbendanga mwoyo lwa nachihandika tawe. Khali niiva naheenda mwoyo -- mali khulola ndi ibarwa yanje yamusalilitsa, navutswa hatititi vutswa. 9Navutswa nunundi ndi nu vuyaanzi -- shikali shichila nachila numuvelela tawe, navutswa shichila khuvela khwenyu khwachila numwikanila. Nyasaye neye warumishila livelela lienelo, navutswa shikali khumulomba numusalila tawe. 10Livelela lia Nyasaye arumishilanga lileranga likanila lichilanga nu khuhonyinywa -- liheenda mwoyo livula mu kenako! Navutswa livelela lirulanga khu mundu lileranga likhutsa. 11Lolikhu ka Nyasaye yakhola khurulana khu livelela lienyu: khuli liamukhola numuva nu mwoyo mulala, khuli liamukhola numuva ni lienya liukhwishinga, vurima vwa mwanyola, vuri vwa mwanyola, mahulu ka mwanyola, khuli mwenyanga khukhola ku vulunji, khandi khuli mwenyanga khusalilitsa vindu vitamanu! Mwamanyinya vene ndi muvula vutamanu vwosi khulondokhana khu makhuva kenako.
12Khali niiva namuhandichila ibarwa yeneyo, shikali yali khulondokhana khu mundu wali nakholi shindu shitamanu inoho ukholelwi shindu shitamanu tawe. Nikhali, nachihandika kamanyikhane havulavu khu munyi, imbeli wa Nyasaye, khuli mwenyanga khukhukholela ku vulunji. 13Nako kachila nukhutinyilitswa.
Shikali khwatinyilitswa khwonyene tawe; vuyaanzi vwa Tito yali navwo vwakhulomba nu khuva nu vuyaanzi muno, shichila mwachila liheenda mwoyo lia yali nalio nilikora! 14Nali nu vwichinjililu khu Tito shichila munyi; navutswa shiu mwambakhu tsisoni tawe. Navutswa shichila vindu via khwamuvoolela ni viatoto, khu khwichinjilila khweru khu Tito shichila munyi khulolekhanga khuva khwatoto khandi. 15Khulwa yako, ali nu vuyaanzi vunyishi muno shichila munyi, lwa yitsushitsanga khuli munyi voosi mwirechekha khulonda mivaalo keke, khuli mwamwinjilitsa nu vuyaanzi muno. 16Ndi nu vuyaanzi nunundi, shichila ndi ni lisuuvila liu vuseletse mu munyi!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013