1 MAKABAYO 12
12
Vuhambani Hakari ha Varoma nende Spata
1Lwa Yonatsani yalola ndi vindu vitsilililanga vulahi khuluveka lwelwe, yarovola vandu navaruma khutsia mu litaala lia Roma, khulomoloma nu khukalushitsa vulina hakari havo na Varoma. 2Yahandika tsibarwa tsili na makhuva malala mele, manatsiruma mu tsisomo tsia Spata khandi havundu handi. 3Vasimukha nivatsia mu litaala lia Roma, nivinjila mu inzu yu vwamihi nivavoola, “Mukali wa vasalisi voosi Yonatsani halala ni shivala shieru shia Vayahudi vakhurumi khwitsa khulomoloma khulondokhana khuli khunyala khukalushitsa vulina vuli hakari heru na munyi khandi khuli khunyala khukhola lilakano na munyi.” 4Varoma vavaha tsibarwa tsiu khutsia khuhila khu vimilili va shia havundu, nivavasayanga nivayaanza vamuvukule mu liiva lilahi mu shivala shia Yuda. 5Ibarwa ilondakhu iyi, neyo ibarwa isasanga ibarwa ya Yonatsani yahandika khu vandu va Spata,
6“Khutsi, Mukali wa vasalisi voosi Yonatsani, shikhaalo shia vandu vi shivala shieru, vasalisi, halala na Vayahudi valala khuhandichilanga vashieru varulanga Spata ibarwa iyi. Nyoli milembe. 7Mumatukhu kavira, Mwami wenyu Aria yahandika ibarwa, nachiruma khu Mukali wa vasalisi voosi Oniasi, navoolanga ndi munyi muli vashieru, manya khuli ibarwa indala yene iyi imanyinyanga. 8Mukali wa vasalisi voosi Oniasi, yinjilitsa murumwa wenyu nu luyali, nanyola ibarwa, yali na makhuva ka havulavu khulondokhana khu vulala nende lilakano liu vulina. 9Lwa khuvula lienya liu khuva ni vindu vienevo, nikhali khutinyilitswangwa ni vitabu vitakatifu via khuli navio, 10khuloli nu vulahi nikava khunyala khulomba vuyia vulala vwa vandu vi inzu yeru khandi vulina vweru na munyi, khulu khuvula khwavukhana na munyi; shichila khumali matukhu manyishi khurula lwa mwakhurumila tsibarwa tsienyu. 11Khumwitsushitsanga shia khase khosi mu liiva lieru liosi, khali kave khulitukhu liu khwikhoyela milukha inoho mumatukhu kaviritswa kandi, mumatukhu ku khukhola misango khandi mu lisaala lieru, manya khuli kali malahi khandi katoto khwitsushitsa vashieru. 12Khwikhoyelanga luyali lwa mwaheelwa. 13Navutswa khwamenya nu khuvirilanga mu matiinyu khandi liihe lia khutiila shia khase khosi. Vami vi vivala vindi va hahimbi vamenya ni vakhukwananga. 14Mumatukhu kiliihe kenako, shiukhwali ni lienya liu khumunyashitsa munyi, khali vandu vakhukhonyanga nende valina veru tawe; 15shichila vukhonyi vwa khuli navwo vurulanga khu Mwami Nyasaye, wa khukuurila vatsiku veru khandi nakhuhavina khurula khuvo. 16Khulwa yako, khumali khurovola Numenia mwana wa Antioko, nende Antipatera mwana wa Yasoni, khandi khuvarumi khutsia Roma khukhola vuyia vulina nende lilakano lia khwali nu khwakhola navo. 17Khuvarumi khandi khu munyi khwitsa khumuha milembe chieru, nu khumulerela ibarwa yeru khulondokhana khulu khulomba vuyia vulala vwa vandu vi inzu yeru. 18Numuyaanza mukhurumile lichipu khulondokhana khu ibarwa yeru.”
19“Iyi nayo ibarwa indala yene yarumwa khu Oniasi,
20“‘Inzi Mwami Aria wa Spata mbandichilanga Mukali wa vasalisi voosi Oniasi. Nyola milembe. 21Khunyoli likhuva mu vuhandichi khulondokhana khu Vaspata nende munyi Vayahudi ndi muli vamwavo khandi murulanga mu vandu vu lwivulu lwa Aburahamu. 22Lwa khumanyi makhuva kenako, numuyaanza khakhuhandichilikhu shindu shiosi khulondokhana khuli mumenyanga. 23Khumuhandichilanga nu khumuvoolela ndi miruku chienyu nende miandu chienyu ni chieru, khandi chieru ni chienyu.’ ”
Maahe ka Yonatsani nende Simoni Vakwana
24Nalwo lwa Yonatsani yahulila makhuva ndi vimilili vi mikaanda chiliihe vu Mwami Demeturio vali vakalushi, halala na vasikali vanyishi khwitsa khumukwana. 25Yonatsani yambakhana khuvaha vwiyangu vu khukwana shivala shieshie. Khulwa yako, yarula mu Yerusalemi natsia khukwana navo mu lusomo lwa Hamaatsi. 26Yonatsani yaruma varunishitsi khutsia khurunishitsa havundu ha vamenyanga. Vakalukha nivamuvoolela ndi vasikali vu mutsiku vitsanga mu vutukhu khukwana Vayahudi. 27Lwa liuva liali niliakhayeela, Yonatsani yavoolela vandu veve virecheshe, khandi viyavaale viuchi viavo khu vakwane mu vutukhu vwosi. Yavukula vasikali vandi navara khulinda havundu ha vamenyanga yaho. 28Lwa mutsiku yavoolelwa ndi Yonatsani halala nu mukaanda kwa vasikali veve vamali khwirechekha khukwana, vamanya nivaria, nivaraanga khutechela. Vahaambitsa mulilu havundu ha vamenyanga nivarulaho. 29Yonatsani nende vandu veve valola mulilu kwakhanga havundu ha vasikali vamenyanga, navutswa shivali vamanya kakholekhanga nu vushili khu shia mu mavwevwe tawe. 30Yonatsani yavahitsanyinya, navutswa yakhaywa khuvakumila, shichila vali nivamali khwambukha Muchela kwa Elehutseri. 31Nalwo lwa Yonatsani yishevukha inyuma nakwana vandu vuluhia lulala khu vandu vi tsimbia tsia Vaarabu lwalaangwangwa Zabadeha. Yavakuura khandi navayaaya miandu chiavo. 32Yarula havundu ha vasikali vamenyanga mu maheemo, natsia mu litaala lia Damasika, nakolanga shia havundu hosi nali khu luchendo lwelwe.
33Khali Simoni yasimukha narulaho, nakhalakanyila mu shivala shienesho khutsia khutukha mu litaala lia Ashikaloni nende tsimbinga tsiliyo mu vureende. Yakomokha natsia mu litaala lia Yopa 34navikhayo mukaanda kwa vasikali, shichila yali umali khuhulila ndi vandu viweneyo vali valoshitsi khuha Mwami Demeturio wa Khavili tsimbinga tsili Yopa.
35Lwa Yonatsani yakalukha, yalaanga shikhaalo shia vimilili va vandu, manivaloshitsa khuli vumbakha tsimbinga mu shivala shia Yudeya, 36khumeeta vuraambi vwi lisisi lia Yerusalemi, khandi khuli vumbakha lisisi liraambi muno khwahukhanyinya imbinga khurula mu litaala likali. Imbinga yakharikale yonyene vutswa, khwikalila mutsiku khuvula khwitsa khukuula inoho khukuulitsa shindu shiosi. 37Vandu vivunjelitsa halala khulomba vuyia litaala likali. Luveka lulala lwi lisisi lili mu luhoongo liali liakwa. Yalomba vuyia luveka lulaangwangwa Kafenatsa. 38Simoni yalomba vuyia litaala lia Adida, liali mu lwomera. Yaliumbakha ni imbinga, khali nalomba vilivwa vi milondi khulio.
Khuli Turifo Yakumila Yonatsani
39Nalwo lwa Turifo yachelitsa khwikhola mwami mu shivala shia Asia nu khwifwala itaachi, khandi nachelitsa khukwishitsa vwamihi vu Mwami Antioko. 40Navutswa yaria ndi Yonatsani yakhambakhani khuhuchilila khukhola kenako, khandi amukwane khumwikalila. Yatsililila khuli anyala khumukumila nu khumwiira, manaroonjela khutsia khutukha mu litaala lia Betsi shani. 41Navutswa khali Yonatsani yitsa Betsi shani, halala nu mukaanda kwa vasikali tsiheelefu makhomi kane vechela khukwana. 42Lwa Turifo yalola ndi Yonatsani umali khwitsa halala nu mukaanda kwa vasikali vanyishi, yaria khumukwana. 43Nalwo lwa yinjilitsa nu luyali Yonatsani, namumanyinya varumishi veve voosi. Yamuha vihanwa, khandi navoolela varumishi veve nende vasikali veve valonde malako ka Yonatsani. 44Nalwo lwa yareeva Yonatsani, “Shichila shina uvishi vandu yava mu matiinyu makali navutswa shiukhuli mu liihe tawe? 45Shichila shina wambakhane khuvaseevula vatsi ingo? Rovola isavu indititi ya vandu vurikala navo, nu khumbeleshitsa mu litaala lia Putolemi. Nzitsanga khukhuha litaala lienelo, tsimbinga tsialio, mikaanda chia vasikali valio, halala na varumishi valio. Ninakhakhola ndio, narulaho. Khali ndio, nashio shivune shichilanga nimba hanu.” 46Yonatsani yamusuuvila, nakhola khuli yamuvoolela alakhola. Yaseevula mikaanda chia vasikali khutsia, manichikalukha mu shivala shia Yudeya. 47Yavukula mwene vasikali veve tsiheelefu tsivaka , navutswa yarika vasikali tsiheelefu tsivili Galilaya, vasikali iheelefu indala nivamulonda. 48Navutswa lwa Yonatsani yinjila mu litaala lia Putolemi, vandu vamenyanga mu litaala lia Putolemi vikala vilivwa, manivamukumila. Viira ni shivavi vandu voosi vali nivinjile mulio.
49Nalwo lwa Turifo yaruma mikaanda chia vasikali vakwanilanga khu vilenje mu lusomo lwa Galilaya khandi mu Luhoongo lwa Yezireli khutsia khwiira vasikali va Yonatsani voosi. 50Navutswa vali vamanyi ndi Yonatsani umali khukumilwa nu khwiirwa halala na vasikali veve. Vatinyinyana vene, manivaroonjela khutsia khukwana mu liihe. 51Lwa vandu va vahitsanyinya valola ndi vanyala khuvula khwihonolokha, vakalukha inyuma. 52Khulwa yako, voosi vatukha mu shivala shia Yudeya mu vulindi vulahi. Vikhula nivalila shichila Yonatsani nende valina veve, khali nivaria muno. Vaisraeli vikhula mu vuveleli vululu muno. 53Vandu vi tsimbia tsia ha himbi vachelitsa khuvativitsa, shichila vavoola, “Vavula mwimilili inoho mukhonyani. Leshi khuvakwane, khandi khuvativitsi voosi.”
Currently Selected:
1 MAKABAYO 12: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
1 MAKABAYO 12
12
Vuhambani Hakari ha Varoma nende Spata
1Lwa Yonatsani yalola ndi vindu vitsilililanga vulahi khuluveka lwelwe, yarovola vandu navaruma khutsia mu litaala lia Roma, khulomoloma nu khukalushitsa vulina hakari havo na Varoma. 2Yahandika tsibarwa tsili na makhuva malala mele, manatsiruma mu tsisomo tsia Spata khandi havundu handi. 3Vasimukha nivatsia mu litaala lia Roma, nivinjila mu inzu yu vwamihi nivavoola, “Mukali wa vasalisi voosi Yonatsani halala ni shivala shieru shia Vayahudi vakhurumi khwitsa khulomoloma khulondokhana khuli khunyala khukalushitsa vulina vuli hakari heru na munyi khandi khuli khunyala khukhola lilakano na munyi.” 4Varoma vavaha tsibarwa tsiu khutsia khuhila khu vimilili va shia havundu, nivavasayanga nivayaanza vamuvukule mu liiva lilahi mu shivala shia Yuda. 5Ibarwa ilondakhu iyi, neyo ibarwa isasanga ibarwa ya Yonatsani yahandika khu vandu va Spata,
6“Khutsi, Mukali wa vasalisi voosi Yonatsani, shikhaalo shia vandu vi shivala shieru, vasalisi, halala na Vayahudi valala khuhandichilanga vashieru varulanga Spata ibarwa iyi. Nyoli milembe. 7Mumatukhu kavira, Mwami wenyu Aria yahandika ibarwa, nachiruma khu Mukali wa vasalisi voosi Oniasi, navoolanga ndi munyi muli vashieru, manya khuli ibarwa indala yene iyi imanyinyanga. 8Mukali wa vasalisi voosi Oniasi, yinjilitsa murumwa wenyu nu luyali, nanyola ibarwa, yali na makhuva ka havulavu khulondokhana khu vulala nende lilakano liu vulina. 9Lwa khuvula lienya liu khuva ni vindu vienevo, nikhali khutinyilitswangwa ni vitabu vitakatifu via khuli navio, 10khuloli nu vulahi nikava khunyala khulomba vuyia vulala vwa vandu vi inzu yeru khandi vulina vweru na munyi, khulu khuvula khwavukhana na munyi; shichila khumali matukhu manyishi khurula lwa mwakhurumila tsibarwa tsienyu. 11Khumwitsushitsanga shia khase khosi mu liiva lieru liosi, khali kave khulitukhu liu khwikhoyela milukha inoho mumatukhu kaviritswa kandi, mumatukhu ku khukhola misango khandi mu lisaala lieru, manya khuli kali malahi khandi katoto khwitsushitsa vashieru. 12Khwikhoyelanga luyali lwa mwaheelwa. 13Navutswa khwamenya nu khuvirilanga mu matiinyu khandi liihe lia khutiila shia khase khosi. Vami vi vivala vindi va hahimbi vamenya ni vakhukwananga. 14Mumatukhu kiliihe kenako, shiukhwali ni lienya liu khumunyashitsa munyi, khali vandu vakhukhonyanga nende valina veru tawe; 15shichila vukhonyi vwa khuli navwo vurulanga khu Mwami Nyasaye, wa khukuurila vatsiku veru khandi nakhuhavina khurula khuvo. 16Khulwa yako, khumali khurovola Numenia mwana wa Antioko, nende Antipatera mwana wa Yasoni, khandi khuvarumi khutsia Roma khukhola vuyia vulina nende lilakano lia khwali nu khwakhola navo. 17Khuvarumi khandi khu munyi khwitsa khumuha milembe chieru, nu khumulerela ibarwa yeru khulondokhana khulu khulomba vuyia vulala vwa vandu vi inzu yeru. 18Numuyaanza mukhurumile lichipu khulondokhana khu ibarwa yeru.”
19“Iyi nayo ibarwa indala yene yarumwa khu Oniasi,
20“‘Inzi Mwami Aria wa Spata mbandichilanga Mukali wa vasalisi voosi Oniasi. Nyola milembe. 21Khunyoli likhuva mu vuhandichi khulondokhana khu Vaspata nende munyi Vayahudi ndi muli vamwavo khandi murulanga mu vandu vu lwivulu lwa Aburahamu. 22Lwa khumanyi makhuva kenako, numuyaanza khakhuhandichilikhu shindu shiosi khulondokhana khuli mumenyanga. 23Khumuhandichilanga nu khumuvoolela ndi miruku chienyu nende miandu chienyu ni chieru, khandi chieru ni chienyu.’ ”
Maahe ka Yonatsani nende Simoni Vakwana
24Nalwo lwa Yonatsani yahulila makhuva ndi vimilili vi mikaanda chiliihe vu Mwami Demeturio vali vakalushi, halala na vasikali vanyishi khwitsa khumukwana. 25Yonatsani yambakhana khuvaha vwiyangu vu khukwana shivala shieshie. Khulwa yako, yarula mu Yerusalemi natsia khukwana navo mu lusomo lwa Hamaatsi. 26Yonatsani yaruma varunishitsi khutsia khurunishitsa havundu ha vamenyanga. Vakalukha nivamuvoolela ndi vasikali vu mutsiku vitsanga mu vutukhu khukwana Vayahudi. 27Lwa liuva liali niliakhayeela, Yonatsani yavoolela vandu veve virecheshe, khandi viyavaale viuchi viavo khu vakwane mu vutukhu vwosi. Yavukula vasikali vandi navara khulinda havundu ha vamenyanga yaho. 28Lwa mutsiku yavoolelwa ndi Yonatsani halala nu mukaanda kwa vasikali veve vamali khwirechekha khukwana, vamanya nivaria, nivaraanga khutechela. Vahaambitsa mulilu havundu ha vamenyanga nivarulaho. 29Yonatsani nende vandu veve valola mulilu kwakhanga havundu ha vasikali vamenyanga, navutswa shivali vamanya kakholekhanga nu vushili khu shia mu mavwevwe tawe. 30Yonatsani yavahitsanyinya, navutswa yakhaywa khuvakumila, shichila vali nivamali khwambukha Muchela kwa Elehutseri. 31Nalwo lwa Yonatsani yishevukha inyuma nakwana vandu vuluhia lulala khu vandu vi tsimbia tsia Vaarabu lwalaangwangwa Zabadeha. Yavakuura khandi navayaaya miandu chiavo. 32Yarula havundu ha vasikali vamenyanga mu maheemo, natsia mu litaala lia Damasika, nakolanga shia havundu hosi nali khu luchendo lwelwe.
33Khali Simoni yasimukha narulaho, nakhalakanyila mu shivala shienesho khutsia khutukha mu litaala lia Ashikaloni nende tsimbinga tsiliyo mu vureende. Yakomokha natsia mu litaala lia Yopa 34navikhayo mukaanda kwa vasikali, shichila yali umali khuhulila ndi vandu viweneyo vali valoshitsi khuha Mwami Demeturio wa Khavili tsimbinga tsili Yopa.
35Lwa Yonatsani yakalukha, yalaanga shikhaalo shia vimilili va vandu, manivaloshitsa khuli vumbakha tsimbinga mu shivala shia Yudeya, 36khumeeta vuraambi vwi lisisi lia Yerusalemi, khandi khuli vumbakha lisisi liraambi muno khwahukhanyinya imbinga khurula mu litaala likali. Imbinga yakharikale yonyene vutswa, khwikalila mutsiku khuvula khwitsa khukuula inoho khukuulitsa shindu shiosi. 37Vandu vivunjelitsa halala khulomba vuyia litaala likali. Luveka lulala lwi lisisi lili mu luhoongo liali liakwa. Yalomba vuyia luveka lulaangwangwa Kafenatsa. 38Simoni yalomba vuyia litaala lia Adida, liali mu lwomera. Yaliumbakha ni imbinga, khali nalomba vilivwa vi milondi khulio.
Khuli Turifo Yakumila Yonatsani
39Nalwo lwa Turifo yachelitsa khwikhola mwami mu shivala shia Asia nu khwifwala itaachi, khandi nachelitsa khukwishitsa vwamihi vu Mwami Antioko. 40Navutswa yaria ndi Yonatsani yakhambakhani khuhuchilila khukhola kenako, khandi amukwane khumwikalila. Yatsililila khuli anyala khumukumila nu khumwiira, manaroonjela khutsia khutukha mu litaala lia Betsi shani. 41Navutswa khali Yonatsani yitsa Betsi shani, halala nu mukaanda kwa vasikali tsiheelefu makhomi kane vechela khukwana. 42Lwa Turifo yalola ndi Yonatsani umali khwitsa halala nu mukaanda kwa vasikali vanyishi, yaria khumukwana. 43Nalwo lwa yinjilitsa nu luyali Yonatsani, namumanyinya varumishi veve voosi. Yamuha vihanwa, khandi navoolela varumishi veve nende vasikali veve valonde malako ka Yonatsani. 44Nalwo lwa yareeva Yonatsani, “Shichila shina uvishi vandu yava mu matiinyu makali navutswa shiukhuli mu liihe tawe? 45Shichila shina wambakhane khuvaseevula vatsi ingo? Rovola isavu indititi ya vandu vurikala navo, nu khumbeleshitsa mu litaala lia Putolemi. Nzitsanga khukhuha litaala lienelo, tsimbinga tsialio, mikaanda chia vasikali valio, halala na varumishi valio. Ninakhakhola ndio, narulaho. Khali ndio, nashio shivune shichilanga nimba hanu.” 46Yonatsani yamusuuvila, nakhola khuli yamuvoolela alakhola. Yaseevula mikaanda chia vasikali khutsia, manichikalukha mu shivala shia Yudeya. 47Yavukula mwene vasikali veve tsiheelefu tsivaka , navutswa yarika vasikali tsiheelefu tsivili Galilaya, vasikali iheelefu indala nivamulonda. 48Navutswa lwa Yonatsani yinjila mu litaala lia Putolemi, vandu vamenyanga mu litaala lia Putolemi vikala vilivwa, manivamukumila. Viira ni shivavi vandu voosi vali nivinjile mulio.
49Nalwo lwa Turifo yaruma mikaanda chia vasikali vakwanilanga khu vilenje mu lusomo lwa Galilaya khandi mu Luhoongo lwa Yezireli khutsia khwiira vasikali va Yonatsani voosi. 50Navutswa vali vamanyi ndi Yonatsani umali khukumilwa nu khwiirwa halala na vasikali veve. Vatinyinyana vene, manivaroonjela khutsia khukwana mu liihe. 51Lwa vandu va vahitsanyinya valola ndi vanyala khuvula khwihonolokha, vakalukha inyuma. 52Khulwa yako, voosi vatukha mu shivala shia Yudeya mu vulindi vulahi. Vikhula nivalila shichila Yonatsani nende valina veve, khali nivaria muno. Vaisraeli vikhula mu vuveleli vululu muno. 53Vandu vi tsimbia tsia ha himbi vachelitsa khuvativitsa, shichila vavoola, “Vavula mwimilili inoho mukhonyani. Leshi khuvakwane, khandi khuvativitsi voosi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013