Abarumi 12

Obogima oboyia

1Gaki baminto, nabasoroire mono ase amaabera a Nyasae, morue emebere yaino ebe ekeng’wanso kere moyo, egechenu, ekeranyare gwanchwa na Nyasae, nakio ogosasiima kwaino gw’ekeene. 2Gose timwereng’ania ne chingencho chi’ense eye; korende moonchorwe, mokorwe koba abayia ase emioyo yaino, monyare korigia na komanya boronge ogwancha kwa Nyasae, na erire rigiya, na eriranchwe, na oboikeranu.

Buna etogwenerete tokore nebiegwa bi’Omoika

3Inaki ase obuya naetwe nigo ngoteebia kera omonto oyore ase more, tabaisa kweenenia ere omonyene ase ebirengererio biaye kobua buna emogwenerete korengereria; korende abe n’ebirengererio ebironge koreng’ana buna Nyasae aeire kera omonto ekerengo gi’okwegena. 4#1 Abakr 12:12Inaki buna ase omobere tore nebiimo ebinge, na birobio tibiri gokora omoremo oyomo; 5naboigo naintwe, nonya tore abange, nigo tore omobere oyomo ase Kristo, na intwe twensi nigo tore buna ebiimo kera oyomo ase oy’omwabo. 6#1 Abakr 12:4-11Nigo tore nebiegwa ao ao koreng’ana n’obuya twaeirwe; onye n’obobani tobane koreng’ana n’okwegena gwaito; 7onye n’ogokorera, tobeo ase ogokorera gwaito; oyo okworokereria abe ase okworokereria kwaye; 8oyo okoremia abe ase okoremia kwaye; oyo okorua arue ase omoyo omorabu; oyo ogotenenera atenenere ase omokia; oyo okororera amaabera arorere amaabera n’omogooko.

Emeroberio y’obogima bw’obokristo

9Obwanchani bobe botari n’obong’ainereria. Gecha erire riibe, bwatana n’erire rigiya. 10Obwanchani bw’obomino bobe ase egati yaino; mobe ab’eritang’ani kworokia abamino amasikani. 11Ase omokia oino timoba aboro; mobe n’Omoika ogwoka, mogokorera Omonene. 12Mogoke ase ogosemeria, moremererie ase emechando, mogenderere n’ogosaba. 13Mobe ang’e gokoonya abachenu ase okoremerwa kwabo, mobe abanyamokia ase okoroisia abageni.

14 # Mat 5:44; Luk 6:28 Mosesenie abwo bakobachaanda; basesenie, timobaragereria. 15Goka amo nabwo bakogoka; rera amo nabwo bakorera. 16#Emeb 3:7Mobe n’omoyo oyomo inwe ase inwe. Timorengereria ayare amanene, korende mosange n’abare n’oboitongo. Timoba abanto bakoenenera obong’aini. 17Timoakana omonto obobe ase obobe, tang’ania ayare amaya ase amasio y’ abanto bonsi. 18Keranyarekane ase ensemo yaino, mobe n’omorembe n’abanto bonsi. 19#Okoir 32:35Abanchwa, timorigia kweruseria egesiomba, tiga ribaga ase endamwamu ya Nyasae, ekiagera neriikire, “Omonene oteebire: Egesiomba n’ekiane; inche ning’akane.” 20#Emeb 25:21,22Naboigo, “Omobisa oo karabe nenchara, moragerie, kar’abe n’erang’o, moe anywe, ekiagera korakore ayio, nomobekere amakara y’omorero ase omotwe oye.” 21Tobugwa n’obobe, korende obue obobe ase obuya.

Currently Selected:

Abarumi 12: EKGE

Highlight

Copy

Compare