Nhlavutelo Marito yorhanga
Marito yorhanga
Loko buku leyi yitsaliwa, vapfumeli avali karhi vaxanisiwa hi vuhosi bza le Roma, hikolaho ka vukhongeli bza vona, van'wana vakhomiwa ni kunghenisiwa jele, van'wana vadlayiwa. Yohani na yena akhomiwile hikolaho ka Rito ra Xikwembu, ayisiwa xihlaleni lexivuliwaka Patmosi na ali mubohiwa. Akomba vakristekulobze lesvi Yesu Kriste angamuhlavutela svona le Patmosi, akongometa tikereke tin'wana ta ntlhanu ni timbirhi ta le Aziya lweyi Ntsongo.
Nkongometo wa mutsali i kutiyisa vapfumeli kuxanisekeni ka vona, avakhongotela kutshembeka, vatiya kupfumeleni ni le kulanguteleni ka vona na valangutile ka Kriste Muhluli.
Asvinabzali kutwisisa ni kuhlamusela buku ya Nhlavutelo, hikuva yivulavula hi masingita lawa Yohani anyikiweke wona hi svivoniso na ali yexe. Nasvona buku ya Nhlavutelo yivulavula hi svilo lesvingavoniwiki hi mahlo ya nyama, kumbe lesvi svahataka; yitele hi svifananiso ni svihlambanyiso, kun'wana yigega kunene, ngopfungopfu loko yikhumba ta vuhosi bza laha misaveni.
Hambi svilitano vumboni lebzikulu bza buku leyi bzatwala, bzinga lebzi: Mimfumu hinkwayu ya misava yitayavanyisiwa hi Xikwembu. Tihosi ni vanhu vatinxakaxaka ni va tindzimi hinkwatu, va le mavokweni ya xona. Ha Yesu Kriste Xinyempfana lexingatlhaviwa xitlhela xipfuka, Xikwembu xitahelisa valala va xona hinkwavu, xihelisa na yena Sathana. Lava vachivirikaka vaveka vumboni bza vona maxangwini, vatavona misava leyimpsha ni matilo lamampsha; vataja nkhubzeni wa Xinyempfana; vatatshama doropeni lerimpsha ra Yerusalema hilaha kungaheliki.
Tinhlokomhaka ni tindzima
Manghenela ni xivoniso xorhanga...................................................................................... 1
Mapapela ya tikereke ta ntlhanu ni timbirhi 2—3
Ta buku ni svifungu sva yona sva ntlhanu ni svibirhi 4—7
Ta timhalamhala ta ntlhanu ni timbirhi. 8—11
Ta dragona ni svivandzana svimbirhi 12—13
Ta Xinyempfana ni kutshoveliwa ka misava 14
Ta mindzheko ya ntlhanu ni mimbirhi ya vukarhi bza Xikwembu 15—16
Ta kulovisiwa ka Babilona 17—19
Tilo lerimpsha, misava leyimpsha, na Yerusalema lwemumpsha 20—22
Ta kuvuya ka Kriste 22
Currently Selected:
Nhlavutelo Marito yorhanga: NTC2014
Highlight
Copy
Compare
Share
Want to have your highlights saved across all your devices? Sign up or sign in
Novo Testamento Changana © Bible Society of Mozambique, 2014.