Nhlavutelo 15
15
Ta tintsumi ni mintungu leyohetelela
1Kutani nivona tilweni xikombiso xin'wana lexikulu, xohlamalisa, xa tintsumi ta ntlhanu ni timbirhi letinga ni mintungu ya ntlhanu ni mimbirhi. Leyi i mintungu yohetelela, hikuva hi wona makumu ya vukarhi bza Xikwembu.
2Kutani nivona xilo xin'wana lexifanaka ni lwandle ra nghilazi leripatsaneke ni ndzilo, nivona ni lavangahlula xivandzana ni xifaniso xa xona, na vahlulile ni nhlayo leyivulaka vito ra xona. Avayimile kusuhi ni lwandle ra nghilazi na vatamele tiharipa leti Xikwembu xivanyikeke tona, 3#Vona ni: Eks. 15:1. vayimbelela risimu ra Moxe nandza wa Xikwembu, ni risimu ra Xinyempfana, vaku:
“Wena Hosi, Xikwembu xa matimba hinkwawu,
ahi kukula ni kuhlamalisa ka mintirho ya wena;
wena Mufumi wa matiko hinkwawu,
ahi kululama ni kutshembeka ka tindlela ta wena!
4I mani lweyi angatakala angakuchavi, wena Hosi, i mani lweyi angatayala kutwalisa vito ra wena ke?
Hi wena ntsena lweyi akwetsimeke, kutani vamatiko hinkwavu vatata
vatakhinsama mahlweni ka wena, hikuva mintirho ya wena leyolulama
yi le rivaleni!”
5 # Vona ni: Eks. 38:21. Ndzhaku ka svosvo, nivona Tempele na yipfuliwile tilweni, na yili ni tabernakele ya vumboni ndzeni ka yona. 6Tintsumi ta ntlhanu na timbirhi leti atili ni mintungu ya ntlhanu ni mimbirhi, tihuma Tempeleni, na tiyambele sviyambalu sva ntsembzana wunene wa kubasa, titibohe svifuva hi mabandhi ya golidi. 7Kutani xin'we xa svivumbiwa sva mune lesvihanyaka, xinyika tintsumi leti ta ntlhanu ni timbirhi mindzheko ya golidi ya ntlhanu ni yimbirhi, leyitaleke hi vukarhi bza Xikwembu lexihanyaka hilaha kungaheliki. 8Tempele yitala hi musi lowutisiwaka hi kukwetsima ni matimba ya Xikwembu. Aangali kona ni mun'we lweyi aakota kunghena Tempeleni, kukondza kuhela mintungu ya ntlhanu ni yimbirhi leyi yitisiweke hi tintsumi ta ntlhanu ni timbirhi.
Currently Selected:
Nhlavutelo 15: NTC2014
Highlight
Copy
Compare
Share
Want to have your highlights saved across all your devices? Sign up or sign in
Novo Testamento Changana © Bible Society of Mozambique, 2014.
