Yakobe 5
5
Xitsundzuxu ka lava vanga ni rifuwo
1Twanani ke, n'wina lavafuweke: Mifanela kurila mikolola hikolaho ka mahlomulu lawa mangatamihumelela. 2#Vona ni: Mat. 6:19. Rifuwo ra n'wina ribolile, ni sviyambalu sva n'wina svijiwile hi tinsumba. 3Golidi ni silivhere ya n'wina svikurhile, kutani kukurha ka svona kutaveka vumboni lebzingatalwa na n'wina, nikuja nyama ya n'wina kufana ni ndzilo. Mihlengeletile rifuwo nkarhini lowu masiku ya makumu mafikeke. 4Vonani! Ahakelo ya vatirhi lavatshoveleke masin'wini ya n'wina, leyi mingavakanganyisa, yahuwelela; nasvona svirilo sva vatshoveli svifikile tindleveni ta Hosi ya matimba hinkwawu. 5Misaveni, mihanyile vutomi bzotsakisa na mili karhi mitiphina; kambe minonisile ntsena timbilu ta n'wina, milungisela siku ra kudlayiwa ka n'wina. 6Miyavanyisile ni kudlaya munhu lweyi wolulama, kambe yena angatilwelanga.
Ta kulehisa mbilu ni kukhongela
7Loko svilitano, vamakwerhu, lehisani timbilu, Hosi yikondza yita. Vonani, murimi arindzela mihandzu leyinene ya misava, ayilehisela mbilu yikondza yikuma mpfula yosungula ni leyi yohetelela. 8Na n'wina, lehisani mbilu mitiyisela, hikuva kuta ka Hosi ku kusuhi. 9Vamakwerhu, mingamangalelaneni, lesvaku mitakala mingayavanyisiwi. Vonani, muyavanyisi ayimile nyangweni. 10Loko milava xikombiso xa kulehisa mbilu maxangwini, vamakwerhu, landzani svikombiso sva vaprofeta lavavulavuleke hi vito ra Hosi. 11#Vona ni: Yob. 1:21-22; 2:10; Psal. 103:8. Langutani, lava hivulaka lesvaku vakatekile, hi lava vatiyiseleke. Mitwile ta kutiyisela ka Yobe, nasvona mivonile lesvi Hosi ayikongomile svona, ni hilaha Hosi yitaleke musa ni timpsalu hakona.
12 # Vona ni: Mat. 5:34-37. Kambe, henhla ka svona hinkwasvu, vamakwerhu, mingahlambanyeni hi tilo, hambi hi misava, kumbe hi mahlambanyela man'wana ni man'wana. Kambe loko miku: “Ina”, aave “Ina” ni loko miku: “Ahihim”, aave “Ahihim”, lesvaku mingaweli kuyavanyisiweni.
13Xana ku ni mun'we ka n'wina lweyi axanisekaka? Aakhongele. Xana ku ni lweyi atsakeke? Aayimbelele tinsimu ta kudzunisa. 14#Vona ni: Mar. 6:13. Xana ku ni lweyi avabzaka xikarhi ka n'wina? Aavitane vakulukumba va kereke lesvaku vatamukhongelela, vamutota mafurha hi vito ra Hosi; 15kutani xikhongelo lexiyendliwaka hi kupfumela xitahanyisa muvabzi; Hosi yitamupfuxa, kutani loko ali ni svijoho lesvi asviyendleke, atarivaleliwa svona. 16Hikolaho, tivuleni kujoha ka n'wina mun'we ka mun'wana, mikhongelelana mun'we ka mun'wana lesvaku mitahanya. Xikhongelo xa munhu wolulama xi ni matimba ngopfu, xatirha. 17Eliya aali munhu kufana na hina, aali ni kutwa kofana, kambe akhongelile hi kuhiseka lesvaku mpfula yingani, kutani hi malembe manharhu ni tihweti ta ntlhanu ni yin'we, mpfula ayinanga misaveni. 18#Vona ni: I Tih. 18:42-45.Ndzhaku atlhela akhongela kambe, kutani tilo rinisa mpfula, ni misava yihumesa mihandzu ya yona.
19Vamakwerhu, loko mun'we ka n'wina ahuma ntiyisweni, kutani mun'wana amuvuyisela ndleleni leyinene, 20#Vona ni: Sviv. 10:12; I Pet. 4:8. tsundzukani lesvi: Mani na mani lweyi avuyiselaka ndleleni mujohi lweyi aalahlekile, ataponisa moya wa munhu lweyo kufeni, kutani atafunengeta svijoho lesvotala.
Currently Selected:
Yakobe 5: NTC2014
Highlight
Copy
Compare
Share
Want to have your highlights saved across all your devices? Sign up or sign in
Novo Testamento Changana © Bible Society of Mozambique, 2014.
