Vaheberu 5
5
1Muprista lwenkulu mun'wana ni mun'wana, lesvi ahlawuliweke xikarhi ka vanhu, avekiwile lesvaku atayimela vanhu kuhlanganeni ka vona ni Xikwembu, ni lesvaku ahumesa tinyiko ni timhamba hikolaho ka svijoho sva vona. 2Angakota kutirha hi vunene ka lavangativiki nchumu ni ka lavahambukaka ndleleni, lesvi na yena arhendzeliweke hi minkarhalo. 3#Vona ni: Levh. 9:7. Xilesvo wa boheka kutihumesela timhamba hikolaho ka svijoho sva yena, svin'we ni kuhumesela vanhu. 4Nasvona, munhu angatihlawuleli ntirho lowu wo dzuneka, kambe avitaniwa hi Xikwembu, kukota lesvi svingayendliwa ka Aroni.
5 # Vona ni: Psal. 2:7. Svive tano na yena Kriste: Angatitlakusanga kuyendliwa Muprista lwenkulu, kambe ayo vekiwa hi Xikwembu, lexi xingate ka yena:
“U n'wananga,
namuntlha ni kuvelekile.”
6Kun'wana xitlhele xivula xiku:
“U Muprista hilaha kungaheliki, hi lesvi unga wa rixaka rin'we
na Melkisedeke.”
7Masikwini ya yena ya kuhanya laha misaveni, Yesu akhongelile nikukombela hi kutitsongahata, ahuwelela hi matimba ni kurila minhloti, ka lweyi anga ni matimba ya kumuponisa kufeni, kutani ayingisiwile hikolaho ka xichavu xa yena. 8Hambilesvi aali N'wana wa Xikwembu, ajondzile kuyingisa hi mhaka ya kuxaniseka ka yena. 9Kutani loko ayendliwile lweyi ahetisekeke, ahundzukile xihlovo xa kuponisiwa lokungaheliki ka hinkwavu lava vamuyingisaka, 10hikuva avekiwile Muprista lwenkulu hi Xikwembu, hi lesvi anga wa rixaka rin'we na Melkisedeke.
Hingatshukeni hitlhelela ndzhaku!
11Ka mhaka leyi, hi ni lesvotala lesvi hingasvivulaka, lesvi svinonon'hwaka kusvitlhamusela, hikuva tindleve ta n'wina ti ni vulolo bza kuyingisa. 12#Vona ni: I Kor. 3:2. Hikuva hambilesvi svosvi amifanela kuva vajondzisi, mahalava kujondzisiwa, atijondzo tosungula mayelanu ni Rito ra Xikwembu, hi munhu mun'wana. Mahalava ntswamba, kungali svakuja lesvitiyeke. 13Mani na mani lweyi ahanyaka hi ntswamba, angasikuma jondzo ya lesvolulama, hikuva i xihlangi. 14Kambe svakuja lesvitiyeke i sva lava vakuleke, i sva lava miyehleketo ya vona yitoloveleke kuyehleketa, lavatoloveleke kuhlawula lesvinene ka lesvobiha.
Currently Selected:
Vaheberu 5: NTC2014
Highlight
Copy
Compare
Share
Want to have your highlights saved across all your devices? Sign up or sign in
Novo Testamento Changana © Bible Society of Mozambique, 2014.
