Va le Efesa 6
6
Ta vana ni vapsali
1 # Vona ni: Kol. 3:20. Vana, yingisani vapsali va n'wina, hikuva hi svona lesvilulameke mahlweni ka Hosi. 2#Vona ni: Eks. 20:12; Dew. 5:16. Matsalwa mali: “Uxixima tatana wa wena ni mamana wa wena” (hi wona Nawu loworhanga lowunga ni xitshembiso), 3“akuva ukateka, ni lesvaku uhanya masiku layotala misaveni leyi.” 4#Vona ni: Kol. 3:21. Na n'wina vatatana, mingaxaniseni vana va n'wina, kambe mivawundla, hi kuvalaya ni kuvajondzisa ta Hosi.
Ta svikarawa ni vinyi va svona
5N'wina svikarawa, yingisani vinyi va n'wina va laha misaveni, hi xichavu ni kurhurhumela, misviyendla hi mbilu leyibaseke, kufana ni loko mitirhela Kriste hi xiviri; 6na svona, kungali ntsena loko vamilangutile, wonge hi loko milava kutsakisa vanhu, kambe, lesvi minga svitirhi sva Kriste, yendlani kurhandza ka Xikwembu hi mbilu hinkwayu. 7Tirhani ntirho wa n'wina hi kutsaka, kufana ni loko mitirhela Hosi, kungali vanhu; 8tsundzukani lesvaku Hosi yitanyika mun'wana ni mun'wana, hambi xikarawa, hambi lweyi angaliki xikarawa, hi kuya hi lesvinene lesvi asviyendleke. 9#Vona ni: Dew. 10:17; Kol. 3:25; 4:1. Na n'wina vinyi, yendlisani svosvo ka svikarawa sva n'wina: Tshikani kukho misviholovela, na mili karhi mitiva lesvaku n'wina ni svikarawa sva n'wina mi ni n'winyi wun'we matilweni, ni lesvaku angayi hi nghohe.
Ta kulwa ni lesvobiha
10Kuheteleleni nili, tiyani svinene, minamarhela Hosi, mitiseketela hi ntamu wa yona lowungatsandziwiki hi nchumu. 11Yambalani svisirhelelo ni matlhari hinkwawu lawa Xikwembu ximinyikaka wona, lesvaku mitakota kuyima milwa ni mindzingo yobiha ya Diyavulosi. 12Hikuva ahilwi ni vanhu va misava leyi, kambe hilwa ni mimoya leyobiha leyinga mpfhukeni: Hilwa ni vafumi, ni vuhosi, ni vakhinyavezi va misava leyi ya munyama, ni mimoya yobiha leyi hanyaka pfukeni. 13Hikolaho tamelani svisirhelelo ni matlhari hinkwawu ya Xikwembu na wahali nkama, lesvaku mitakota kutilwela hi siku ra khombo; kutani loko mitava milwile kuyafika makumu, mitatikuma na mahatiyile.
14 # Vona ni: Ez. 11:5; 59:17. Loko svilitano, tshamani na mitilulamisile. Tikhameni hi ntiyiso wuva bandi ra n'wina. Yambalani kululama xiva xisirhelelo xa n'wina xa le xifuveni, 15ni kuhisekela kupaluxa Evhangeli ya kurhula kuva masandhazi ya n'wina. 16Minkama hinkwayu, rhwalani kupfumela, xiva xisirhelelo xa n'wina, kutani mitakota kutimela ha xona mimpaxwa hinkwayu leyipfurhaka ya nala. 17#Vona ni: Ez. 59:17. Yamukelani kuponisiwa, xiva xigqoko xa n'wina xa le nhlokweni, kutani Rito ra Xikwembu riva tlhari ra n'wina leri Moya wuminyikaka rona. 18Yendlani hinkwasvu lesvi hi kukhongela, mikombela kupfuniwa hi Xikwembu; khongelani minkama hinkwayu hilaha Moya wumiletelaka hakona. Hikolaho, tshamani na mihiteka, mingakarhali kukhongelela vahlawuliwa va Xikwembu hinkwavu. 19Na mina minikhongelela, lesvaku Xikwembu xinipfula xifuva loko nilava kujondzisa, nitakota kuvulavula na ningachavi nchumu, ni kutivisa vanhu xihundla xa Evhangeli. 20Nimuyimeli wa Evhangeli leyi, hambi loko nipfaleliwile jele, hi kolaho khongelani lesvaku nitiya nhlana, niyihlaya hilaha nifanelaka kuyihlaya hakona.
Marungula yohetelela
21 # Vona ni: Mint. 20:4; II Tim. 4:12. Tikiko, makwerhu lweyi arhandzekaka ni mupfuni lweyi atshembekeke ntirhweni wa Hosi, atamitivisa mahungu hinkwawu ya mina, lesvaku na n'wina mitativa hinkwasvu sva kuhanya ka mina ni lesvi nisviyendlaka. 22Hi svona lesviyendlaka lesvaku ni murhumela ka n'wina, mitativa hilaha hipfukeke hakona, nasvona atakota kumitiyisa timbilu.
23Kurhula ni rirhandzu leringa ni kupfumela, asvive ni vamakwerhu, svihuma ka Xikwembu Tatana, ni ka Hosi Yesu Kriste. 24Timpsalu ative ni hinkwavu lavarhandzaka Hosi ya hina Yesu Kriste hi rirhandzu leringawonhakiki!
Currently Selected:
Va le Efesa 6: NTC2014
Highlight
Copy
Compare
Share
Want to have your highlights saved across all your devices? Sign up or sign in
Novo Testamento Changana © Bible Society of Mozambique, 2014.
