Isabulin 5
5
Akilipi naka akidario
Nama kalo epolokiit ekiruke: Ka aulerun. Ekiruke ka Daudi.
1Kopup akiro kang', Okwai Lokapolon,
bobo kiira akimonyo kang'.
2Kiira akimony kang', ejakait kang' bobo Akuju kang',
naarai ijo nesi elipit eong'.
3Okwai Lokapolon, taparacu ipupuni ijo eporoto kang';
taparacu asubanakini eong' isubanit kanu kon kasodi eong' akiderit abong'okinet kon.
4Mam ijo kirait Akuju lo italakarito asoma nukarokok;
mam aronus kejaikin nama kon.
5Mam luka epogi kebeikinete agwa kakonyen kon;
ireit ijo luka arokusio kere.
6Imudiari ijo iliokoisik kere;
ereit Lokapolon itung'a lu eminasi aokot ka luce nepepe ka iliokoisik.
7Konye kanuka amina kon na emam esial alomi eong', otogo kon;
abuni eong' akimaa edirarit Otogo kon lokalaunan akuriana ijo.
8Koyaite eong', Okwai Lokapolon kotoma adolite kon
kanuka ipading'atin kang';
korua eroto kon kama kang'.
9Naarai emam abeite kotoma akituke kes;
itauon kes ileleba amudiaro,
iporotoi kes eraito ates na eng'ara,
ing'alaete ka ang'ajepa kes.
10Koinak kesi kocamutu aronus kes, Okwai Akuju;
kinyeki kesi kibirokinosi arokusio nu itemetemete kesi.
Kireng'ia kesi koking'aren kon kanuka arokusio kes nu ipu,
naarai ang'eroto kesi akipup ijo.
11Konye ng'ulu kere lu eng'opete kama kon, ebunete ajaus ka akilele;
kinyek kesi ikaru kere kirukoto ka akilele;
bobo mam akigang' kesi, tetere ng'ulu lu eminasi ekiror kon kiturete ijo.
12Isirereng' ijo ng'ulu lu edolito, Okwai Lokapolon;
imukuori ijo nesi ka amina kon kwape ka ebuku.
Currently Selected:
Isabulin 5: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
