Isabulin 2
2
Ejakait lo Eseut Akuju
1Kanuka inyo itemetemata akwapin ejie?
Inyo itemetemiata itung'a nukarokok nu emam adumunet?
2Ijakaa luka akwap itemonokinosi; lukepugak irara nenipe
aking'ere Lokapolon nepepe kalo inyonyoikit nesi.
3Ebalasi kesi, “Kalomasi kotoma apugan kes,”
“Kacakasi aunoi kes.”
4Ng'olo lo iboe kotoma kuju ekwena;
ekwenar Lokapolon kesi.
5Kosodi nesi ejori ka kesi kotoma anyunyura keng',
bobo itukuriani kesi ka adedeng'u keng'.
6Ebala nesi, “Epiak eong' ejakait kang' Sayon, emoru kang' lokalaunan.”
7“Alimori eong' nu atema Lokapolon:
Abu nesi kolimok eong', ‘Irait ijo okoku kang';
lolo araun eong' papa kon.
8Kilip eong', kasodi eong' ainakini ijo akwapin kere;
kosodete esial ka akwapin araun nu kon.
9Ibuni ijo akibil kesi kebela kaloka acumat;
kosodi ijo aterar kesi bala amot naka adwat.’”
10Kipokona kanuka ng'unu, okwai, ijakaa, kocoaka;
kikwenyarite osi, okwai lukepugak ka akwap.
11Kijaanakisi Lokapolon ka akurianu; 12konuikisi akejene keng',
kemam, enyouni anyunyura keng', kosodete osi atwakare atipet;
naarai ebenene anyunyura keng' anokun.
Erereng' ng'ulu kere lu elosete nama keng' akidario.
Currently Selected:
Isabulin 2: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
