Isabulin 14
14
Aronus ka etung'anan
Nama kalo epolokiit ekiruke. Loka Daudi.
(Isab 53)
1Ebalasi ibang'aisik ebe, “Emam Akuju.”
Eroko kesi kere,
bobo esomata kesi iboro lukarokok;
emam itwan ipede isomae ibore ni ideere.
2Itee Lokapolon itung'a ko kwap ejii kuju anyun kejaasi ipede lu ecoaka,
ipede lu emaete nesi.
3Konye apacasi kesi kere; eroko kesi kere.
Mere ipede kama kes isomae nu ideerete, mere ipede bon.
4Ing'isit Lokapolon, “Mam kesi kejenete?
Ewolito itung'a lu kere lu isomaete arokusio?
Ejarete kesi ka akideme itung'a kang',
bobo emam kesi kilipete eong'.”
5Konye ebunete kesi ariang'un,
naarai ejaasi Akuju ka ng'ulu lu eyong'ito nesi.
6Itung'a lukarokok emunauto akitemitemisio kalu epalipalito,
konye Lokapolon nesi idari kesi.
7Elipit eong' noi kobuu alakuno nama ka itung'a kaluko Israel alomun ko Sayon.
Ikote itung'a luko Israel elakarosi ai na einakina Lokapolon kesi akibara bobo!
Currently Selected:
Isabulin 14: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
