Isabulin 12
12
Akilip naka akote Aking'arasit
Nama kalo epolokiit ekiruke: Atupa ka Seminit. Ekiruke ka Daudi.
1King'arak siong', Lokapolon!
Emam itwan nikajokan ideuna;
emam cut itung'a lumunokina bobo kedaunosi.
2Kesi kere ing'alasi ikulopek;
ing'alasi kesi ka aliokonu.
3Okwai Lokapolon, kitatau tii akituke ng'unu nu ing'alaete!
Kogolok akituke ng'unu nu ipogasi ebalasi,
4“Ka akiro kosi, idumunete siong' nu ikotosi siong'.
Itemarete siong' nu ikotosi siong' atemar,
bobo emam itwan ni ebeikini akirebokin siong'.”
5Ebala Lokapolon, “Konye kipokona abuuti eong',
naarai enuyarite ng'ulu lu ekadada,
bobo emonyete kotoma apipilu ng'ulu lu isicanio.
Ainakini eong' kesi akidario na ekotosi kesi.”
6Asumuneta ka Lokapolon amunokin;
eraito abeite bala epuesa lo kicweit akimi kakanykaare.
7Kidara siong' Okwai Lokapolon,
kidara siong' ng'ini pak kauri kanakaronon.
8Elosiete lukarokok kang'olo wai,
kwape itopoloriter arokusio kokiding' ka isapa ka ikiliok.
Currently Selected:
Isabulin 12: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
