Ruthi 4
4
1Boaziini gara fullo dira suni d'aqe achi tae. Duuba namichi miilo aanti, ka Boaziini waan isaa dubbate kaani, gad'ufe. Jennaani Boaziini isa yaame waan jed'eeni, Jaali, kooti me, arma tai; inni gore tae. 2Ammalle Boaziini jaarole kud'ani ta dira suni yaame waan jed'eeni, Koota me, arma tataa. Tatani jennaani 3namicha isaa miilo aanti kaaniini waan jed'e, Naomiini, ta lafa Moabuti galte, oobru namicha gosa teenna, ka Elimeleki jed'ani, gurguru feeti. 4Tanaafi anini si beesisu fed'e, aka fuula jaarole teteetu tana durati, ati yo feete bitattu; yo bitu feete, biti, ammo yo imfeene, nati himi. Wonti akanatiifi nami d'ibiini, ka dandae bitu, injiru, si male, anati siti aana. Namichi waan jed'eeni, Anini imbitad'a.
5Jennaani Boaziini waan jed'e, Ha taatu, ammo guyya atini oobru suni Naomi iraa bittu, atini Ruthile, ta gosa Moabu, ta d'iirsa inqamne, imbitatta, beekhi, aka maqa isaa badi d'owartu. 6Namichi miilo isaa kaani waan jed'e, Anini dandae imbitu, yo isiini akana taate, ta ilmaani tiyya hegeri ind'aalle. Fulla tiyya atumaani bitad'u, ya sii eebise.
7 #
Qab-Ser 25.9 Aadaani gosa Israeli ta duri, hojja wa gurguratani yokhaani wa jijiratani tana — aka nami gurguru kobe ufiraa baase, ka bitatuu kennu. Akanaani dubbi buufatani. 8Tanaafi namichi miilo kaani Boaziini, Atumaani bitad'u jed'e, kobe baafate Boaziti kenne. 9Jennaani Boaziini waan jaaroleefi nama ch'ufa ka arti jiruuni jed'e, Isani arra d'uga tiyya, aka anini Naomi iraa waan Elimelekitiifi ammalle waan Kilionitiifi ka Maloni, ka harka Naomi jiru, ch'ufa bitad'e. 10#Qab-Ser 25.5-6 Suni male, Ruthi ta gosa Moabu, ta Maloniini iraa due, anini ya bitad'e, aka niiti naa taatu. Akanaani worri isaa hori argate, ammalle maqaani isaa dira kankankanafi worra inni keesati d'alate keesaa imbadu. Isani arra d'uga tiyya.
11 #
Uum 29.31
Nama ch'ufafi jaaroleeni fullo dura teteetu waan jette, Nuuni ch'ufti d'uga teeti. AABBO Waaqi niiti ati fuutu tana aka Rahelitiifi Lea, ta ijoolle heddu Yakoboo d'alte, sii tolche sii daraarsinna. Balbala Efrati keesati hori buli, Bethlehemu keesaleti ha si beekhaniti. 12#Uum 38.27-30 Ilmaani tante, ta AABBO Waaqi intala tanaa kenne, isiini si d'altu, worra kanke aka worra Perezi, ilma Yudafi Tamari, ha tolchitu.
Boazifi ilmaani isaa
13Duuba Boaziini Ruthi fuud'e worra ufitiini galate. AABBO Waaqi isi eebise, isiini garachoofte ilma deette. 14Nad'eeni waan Naomiini jette, Maqaani AABBO Waaqa ha guddatu, ka inni si qaabate akko sii kenne. Inni Israeli keesa jabaate ha gurra baafatu. 15Intalti ilma keeti, ta si jaalatte ilmaani tante ta d'iira torbaani ira wa si baate, ya akko si d'alte, ka jireenna sii deebise lubbu si d'eeresu. 16Jennaani Naomiini daima fuute qomati qabatte qabdu isaa taate. 17Nad'eeni reera suni, Ilmi ya Naomi d'alate jette, maqa isaa Obedi baafteefi. Inni Yese d'ale, Yeseni Daudi d'ale.
18-22Ababooti Daudi tana: Daudini ka Yese, Yeseni ka Obedi, Obediini ka Boazi, Boaziini ka Salmoni, Salmoniini ka Nahshoni, Nahshoniini ka Aminadabu, Aminadabuuni ka Ramu, Ramuuni ka Hesroni, Hesronini ka Perezi.
Borana Bible © Bible Society of Kenya, 2019.