Waan Yohanati Mullisani 3
3
1Gara malaika gumi Sardi waan kana t'aafi:
Tunini dubbi nama lubbu Waaqa torbaafi urji torba harkaa qabu. Anini waan atini tolchitu imbeekha; atini maqa nama jiru qabda, ammo la doote. 2Tanaafi kai, waan hafe jabeesi, ato ch'ufti induiini. Anini aka hujiini tante Waaqa kiyya durati qit'e intahiini ya arge. 3#Mat 24.43-44; Luk 12.39-40; Mul 16.15 Barsiisa ati qara d'ageete fud'atte qaabad'u; jabeesi, daba iraa deebii. Yo atini kau didde, anini aka hattu siti d'ufa, atini hojja anini d'ufule imbeetu. 4Ammo isani nami gari ka sardi woya teesani int'ureesine. Isani woya adi keyatani na woliini yaatani, wonti suni ya isani malte. 5#Bah 32.32-33 #Far 69.28; Mul 20.12; Mat 10.32; Luk 12.8Nama dabsatu woya akana adi uyisaniifi ammalle maqa isaa kitaaba jireenna keesaa imballeesu. Aabboofi malaika isaa durati aka worri nama kiyya diideese hima.
6Nami gurra qabu, waan Lubbuuni gumiini jettu ha d'agayu!
Tatabe gara gumi Filadelfia
7 #
Isa 22.22; Ayu 12.14 Gara malaika gumi Filadelfia waan kana t'aafi:
Tunini dubbi nama qulqullotiifi ka d'uga, ka fura Daudi harkaa qabu, ka yo inni bane nami tokoleeni dandae inch'umne, yokhaani yo inni ch'ufe nami tokoleeni dandae imbanne. 8Anini waan atini tolchitu imbeekha; aka atini guddo jabeenna inqamne ammo barsiisa tiyya gula deemte maqa kiyya imormanne imbeekha. Anini ya balbala nami tokoleeni dandae inch'umne sii bane. 9#Isa 49.23; 60.14; 43.4 Ch'aqasi! Gumi Sheet'ana ta kiyyibde gosa Yahudi ufiini jettu suni, anini si durati jisse, aka worri si guddisu tolcha. Worri ch'ufti aka anini si jaalad'u imbeekha 10Waan atini aka anini, Obsi siini jed'e, obsiteefi, anini gaargala lafa ch'ufati d'ufe nama lafa ch'ufa ilaalatu duraa si baasa. 11Anini d'iotu d'ufa. Waan harkaa qabdu jabeesi, aka nami tokoleeni waan atini dabsatte argattu sira inhanne. 12#Mul 21.2; Isa 62.2; 65.15 Nama dabsatu anini utuba Mana Waaqa kiyya tolcha, inni haga jiru keesaa imbahu. Maqa Waaqa kiyyatiifi maqa dira Waaqa kiyyale, Yerusalemu hareeti, ta gubba fulla Waaqa kiyyati baatu, isa irati t'aafa. Anileeni maqa kiyya haraa irati t'aafad'a.
13Nami gurra qabu, waan Lubbuuni gumiini jettu ha d'agayu!
Tatabe gara gumi Laodikia
14 #
Mam 8.22
Gara malaika gumi Laodikia waan kana t'aafi, Tunini dubbi Amini jed'u, inni ka d'ugefataniifi ka d'ugaati, Waaqi waan ch'ufa isaani uume. 15Anini waan atini tolchite imbeekha; aka atini inowinne yokhaani inqabanoomne imbeekha. Yo sila atini toko gula baate guddo fed'a. 16Ammo waan atini diquma toko bullut'uufi inowitu yokhaani inqabanooftu, anini afaani keesaa si buufachu fed'a! 17Atini, Anini dureesa, waan ch'ufa inqaba ufiini jetta. Ammo atini aka gaargalafi d'ipu qabdu ufi ingartu. Atini hiyyeesa, qulla deemta, lafa ingartu. 18Tanaafi anini si gorsa, Worqi qullo nara bitad'u, aka dureesa taatu. Booftale bitad'u, aka uyifatte qulla tante d'ossitu. Qorsa illale bitad'u, aka lafa gartu. 19#Mam 3.12; Ebr 12.6Anini nama jaalad'u ch'ufa gorseti gaargalcha. Jabaad'u daba kanke iraa deebii. 20Ch'aqasi! Anini balbala dura eje d'ad'au jira; yo nami qonqo tiyya d'agaye na bane, anini iti olseene, isa woliini nyaad'a, innileeni na woliini nyaata. 21Nama dabsatu anini d'awatu tiyya barch'uma kiyya ira teesisa, akuma anini dabsad'e amma Aabbo woliini barch'uma isaa ka guddinna ira tau.
22Nami gurra qabu, waan Lubbuuni gumiini jettu ha d'agayu!
Daayya gubba
Borana Bible © Bible Society of Kenya, 2019.