Faaru 78
78
1Ee gumi tiyya,
barsiisa tiyya ch'aqasa,
dubbi tiyyale d'agaya.
2 #
Mat 13.35
Anini mammaasaani dubbad'e,
waan duri d'ossani gabaasa —
3waan nu duri d'ageenne baranne,
ka abbootini teenna nuti himte.
4Nu ijoolle teenna ind'ossinu,
ammo d'aloota taka tanale,
irre AABBO Waaqatifi huji isaa jabdufi
waan mama ka inni tolche iti himna.
5Inni aada gumi Israeliti kenne,
seera d'aloota Yakobo barsiise.
Inni waan abbooti teennaani jed'e,
seera kiyya ilmaani teesani barsiisa
6aka d'alooti taka tanaleeni barate,
ilmaani ufile barsiisu.
7Kara kanaani worrileeni Waaqa d'ugeefate,
waan inni tolche ch'ufa qaabate,
seera isaa guuta.
8Akanaani worri ababoota ufi,
ta mata jabaate, Waaqa dide,
aka dansa garaa tokooni Waaqa d'ugeefate
gula iyyaaiini iraa gora.
9Worri Efraimu, ka t'iyaafi guube qabu
woraani d'ufnaani kae baqate.
10Worri wold'aqisa Waaqa woliini tolfate jabeesu dide,
Seera isale ch'abse,
11waan mama ka inni duri tolche,
ka ila ufiitini arge, ded'e.
12 #
Bah 7.8—12.32
Ato ababooti worra ilaaltu,
Waaqi diida Soani ka lafa Misiri keesati waan mama tolche.
13 #
Bah 14.21-22
Inni baariini gargari kute,
bisaani aka girgida moga lamaani d'ad'aabe,
worra jiddu dabarse.
14 #
Bah 13.21-22
Inni guyya baaldo dumansa worra dura d'aabe,
halkani ch'ufa goola ibidaa worra dura kaye.
15 #
Bah 17.1-7; Hen 20.2-13 Inni lafa gamooji keesa siida d'akha gargari falaanse,
akanaani bisaani lafa jalaa baase worra bisaani obaase.
16Inni siida d'akha keesaa galaana yaase
bisaani aka laga gabaase.
17Ammo worri daba tolchu illakimne,
lafa gamooji keesati AABBO Waaqa guddati garagale.
18 #
Bah 16.2-15; Hen 11.4-23,31-35 Worri sagale guddo jaalatu d'arae,
akasiini Waaqa ilaalate.
19Worri Waaqati gungume waan jed'e,
D'uguma lafa aloo tana keesati
Waaqi dandae sagale nu inkenna?
20D'uguma inni siida d'akhaa d'ae,
bisaani aka galaana keesaa yaase;
ammo inni dandae qit'afi fooni gumi isaati inkenna?
21AABBO Waaqi dubbi tana d'ageennaani dallane,
dallansu isaa keesaa gumi isaa ibidaani balleese;
22wonti akanatiifi worri isa d'ugefachu dide
jabeenna isaa ka inni dandae isaaniini baasule abdachu didde.
23Ammo inni gubbaani dubbate balbala isiile bane.
24 #
Yoh 6.31
Mid'aani gubbaa gadi buuse,
sagale manna jed'ani toko worra nyaachise.
25Duuba akanaani worri sagale malaikaani nyaatu nyaate
Waaqileeni waan worri fed'u ch'ufa kenneefi.
26Inni ammalle bubbe ilaboruti d'ufeeni,
jabeenna ufiitini bitale bubbe kaase,
27simpirre muumme inqamne,
ta aka maansa afaani galaana jirtu,
gumi isaati erge.
28Simpirreeni sunini
olla worraa suni ch'ufa keesati jidde,
waaro ch'ufa jiddu guutte.
29Akanaani Waaqi sagale worri fed'u ch'ufa kenneefi,
worri nyaate quufe.
30Ammo ato worri tae ufuma nyaatu,
ka worri d'araa imbahini,
31Waaqi worrati dallane,
nama worra Israeli,
ka kaima jajaba ch'ufa fit'e.
32Waan kanale ch'ufa irrumaani
worri ammalle ch'ubbu tolche;
ato inni waan mama tolchele
isaa d'ugefachu dide.
33Duuba akanaani inni lubbu worra aka hafuura kute,
jireenna worraa yoosu hobaase.
34Hojja inni nama worra ka gari hobaasu,
worri iraa hafe kaani isati deebie,
ch'ubbu lakise, garaa tokooni isa kad'ata.
35Worri aka Waaqi worra qorqorate,
Waaqi guddaani worra qarqaare qaabate.
36Ammo hataatuti, dubbini
worri jed'e suni d'ugaaniti,
wonti worri jed'e suni kiyyiba.
37Ammo worri garaa tokooni isa gulaa indeemne,
wold'aqisa isa woliini tolfatani kaani injabeesine.
38Ato akasile taate Waaqi gumi isaati nahe,
ch'ubbu isaani araarameefi,
worra hobaasuu dide.
Maro heddu inni dallansu ufiitini
worra balleesu dide.
39Inni waan jed'e, worri kunini namuma woma keesa na injiru,
worri qilleensuma d'ufe dabru ka keesa indeebine, fakaata.
40Worri maro hagami lafa aloo
ta gamooji keesati isaati gargale,
isa dide garaa isaa yake!
41Worri maro heddu Waaqa laallate,
Waaqa qulqullo Israelii dallansiise.
42Worri irre isaa jabdufi
guyya inni harka nyaapa worraa dura worra baaseefi,
43ka inni waan mama jabdu diida Soani keesa,
lafa Misiri keesati tolche, ded'e.
44 #
Bah 7.17-21
Inni bisaani galaana d'iiga tolche,
worri Misiri waan d'ugu d'abe.
45 #
Bah 8.1-6,20-24 Inni tiite worra gaargalchuufi
raacha lafa worraa balleesuufi,
46 #
Bah 10.12-15
awaanisa mid'aani worraa nyaate
lafa worraa balleesu, iti erge.
47 #
Bah 9.22-25
Inni mukha worraa ka zabibu bokaya d'akhaani roobuuni balleese,
odale bokayaani balleese.
48Ammalle inni looni isaani
bokaya d'akhaani roobuuni hobaase,
ree worrale angaasuuni fit'e.
49Inni aka taka inargini gugubate worrati dallane,
ergattu isaa, ta woi balleesitu worrati erge,
aka hama worra balleese.
50Inni dallansu ufii galfachu dide,
lubbu worrale baasuu dide,
ch'iisa hama iti buuse worra hobaase.
51 #
Bah 12.29
Inni ilmaani d'iira ta angafa,
ta worra Misiri ch'ufa, fit'e.
52 #
Bah 13.17-22
Jennaani inni gumi ufi aka tissitu dura deeme,
lafa aloo ta gamoojiti geese.
53 #
Bah 14.26-28
Inni ka worri soda womaatu inqamne,
nagayaani worra gegeese,
ammo baariinini nyaapa worrati fach'aate balleesite.
54 #
Bah 15.17; Yos 3.14-17 Duuba inni lafa qulqullootini worra d'ufe,
gaareeni inni harka ufiitini dabsate.
55 #
Yos 11.16-23
Inni nama qara lafa suni keesa tau
gumi ufi duraa gusse,
lafa isaani gosa Israeliti gargari qoode,
maneeni worraale gumi isaati kenne.
56 #
Jal 2.11-15
Ammo worri Waaqa gudda ilaalate,
isa dide seera isaale ch'abse,
57isati garagale, akuma abbooti worraa isa dide,
akuma guubeeni dabde qonyatu tahe.
58Worri fulla waaqa d'ara iti kad'atu jaare
waaqa d'ara suni harkani boch'ate,
akanaani isa dallansiise.
59Waaqi waan kana arginaani guddo dallane
worra isaa ka Israeli dide.
60 #
Yos 18.1; Yer 7.12-14; 26.6 Inni waaro ufii ta Shilo jirtu,
fulla inni duri isi keesa nu woliini tae lakise,
biraa iti d'aabate.
61 #
1 Sam 4.4-22
Inni Sanduqa isaa ka Wold'aqisa,
ka jabeennaafi guddinna isaa nama garsiisu,
harka nyaapa keennati lakise.
62Inni gumi ufiiti dallane,
harka nyaapa worraati worraa kenne.
63Kaima worraa ka d'iira woraana keesati fit'ani,
dubarti worraaleeni d'iirsa d'abdi.
64Qaaloleeni woraanaani doote,
nad'eeni worraale boohufi d'owani.
65Jennaani duuba eege, AABBO Waaqi lafaa kae,
aka nama jaba daad'i d'uge iyye lafa gaargalche.
66Inni nyaapa ufi gusse,
haga jiru jireenna ch'eerse.
67Ammo inni d'aloota Yusufu dide,
gosa Efraimule fohachu dide.
68Inni fulla worraa,
gosa Yudatifi gaara Sioni,
ka inni guddo jaalatu, fohate.
69Achiti inni Mana ufi qulqullo,
ka akuma worra isaa ka gubba jiru jaare;
inni mana suni jaba aka d'akha tolche,
haga jiru jireenna qorqorate.
70 #
1 Sam 16.11-12; 2 Sam 7.8; 1 Od-dur 17.7 Inni hojattu isaa Daudi fohate
ree isaa ta inni tissu keesaa fuud'e,
71hayyu Israeli, tissitu gumi Waaqa, isa tolche.
72Duuba Daudini garaa tokooni worra qorqorate,
qalbi dansaani worra dura deeme.
Aka baafama Waaqa worra Israeliti kad'atani
Borana Bible © Bible Society of Kenya, 2019.