Faaru 7
7
1Ee AABBO Waaqa kiyya anini ya siti d'eed'e;
na qarqaari, nama na reebu ch'ufa duraa na baasi,
2aka worri aka nyeench'a fuud'e nani deeme,
fulla nami tokoleeni dandae dura na imbaamneti
gargari na intatarsaamne.
3-4Ee AABBO Waaqa kiyya,
yo anini nama tokole woi tolche,
yokhaani jaala kiyya ka waan dansa na tolche
gargale waan hamtu tolche,
yokhaani nyaapa kiyya ka fayuma tana na had'e nahe,
yo anini waan kana tokole tolche —
5nyaapi kiyya ha na reebe na qabe,
lafati na d'id'ite, na ijeese,
lafumati na lakisuti!
6Ee AABBO Waaqa, dallansu tanteetiini lafaa kai!
Nyaapa kiyya, ka nati dallanu kana, kai balleesi;
lafaa kai na qarqaari!
Wonti atini nama iraa barbaaddu aka nami
d'uga gula deemu.
7Tanaafi gosa ch'ufa wolti baasi,
ufiti gayaami, barch'uma kanke ka gubba ira tai,
worra mohad'i.
8Nami dubbi nama lafa keesa jiru ch'ufa qoru si.
Aka anini woma iyyakini atini imbeeta,
d'uga naa muri.
9 #
Mul 2.23 Atini Waaqa d'ugaati,
ka herega keennafi garaa keenna laalu.
Ch'ubbicha hameenna ira balleesi,
nama waan dansa tolchuu nagaya kenni.
10Waaqi wonte tiyya,
inni nama garaa dansaani isa gula deemu imbaasa.
11Waaqi d'uga gula dubbi qora,
inni yo ch'ufa worra ch'ubbu wollaala iti mura.
12Yo nami ch'ubbu iraa deebiu dide
Waaqi goraade ufii qarata.
Inni guube ufii t'iya iti kaye, aka dansaa guura;
13inni woraana isaa ka woini ijeesu fuud'e,
t'iya isaa ta woi gubdu abbira.
14Ilaala, aka ch'ubbichi waan hamtu tae
garaa ufii keesati uumu.
Inni waan hamtu malate kiyyiba gadi d'ala.
15Inni booluma nama d'ibi qote ufii keesa bua.
16Duuba akanaani inni maruma ch'ubbu ufiitiifi gaargala argate,
hameenni isaa matuma isaati deebia.
17Anini AABBO Waaqa, maro inni d'uga tolchufi galata deebise,
AABBO Waaqa ka waan ch'ufa ira jiru, faarsa!
Guddinna Waaqatifi ka namaa
Borana Bible © Bible Society of Kenya, 2019.