Filipi 2
2
1Jireenni keesani ka Kristo keesaa isani jabeesa mo? Jaalalti isaa garaa keesani jabeesiti? Lubbuuni wold'aqisa qabdu? Woli naatu? 2Herega takafi jaalala takafi lubbu takafi qalbi takaani na gammachiisa duuba. 3Waan tokole ufi jaalalafi yokhaani ufi guddisitiini intolchiina, ammo woldurati ufi diqeesa, waan nama d'ibi ira jirtani ufi insehiina. 4Waan nami d'ibiini fed'u barbaada, waan keesani ch'alla imbarbaadiina. 5Heregi keesani ka Kristo Yesoni qabu ha tahu:
6Inni haguma jiru jireenna Waaqa,
ammo aka irreeni haga Waaqaatiini ufi gahu inherenne.
7Ammo fed'i ufitiini waan ch'ufa lakise tisse ufi tolche.
Aka nama ufi tolche, fakeenna namatiini mullate;
8ufi diqeese, duale ee jed'e fud'ate dua maskali gubba.
9Maro waan kanatifi Waaqi fulla fulla ch'ufa ira guddo,
ta gubba isa geese.
Maqa maqa ch'ufa ira jiru isaa kenne.
10 #
Isa 45.23
Aka, maro ulfinna maqa Yesotiifi,
wonti gubba jiratiifi ka lafa jiratifi ka lafa jala jira ch'ufti jilbifate,
11nami ch'ufti diideese, Yeso Kristoni Aabbo jed'u,
aka maqa Waaqa Abba guddisani.
Lafa keesa ifsa taha
12Tanaafi oboleyaani tiyya, akuma duri gaafa anini isani woliini jiru na ch'aqaftani, ato isani ira fago jiraad'ele, ammatana hagasile ira na ch'aqasa. Sodaafi holachaani hojad'a aka baafami keesani qit'au. 13Wonti akanatiifi Waaqi hojja ch'ufa isani keesa hojachu jira, aka, aka fed'i isaa guuttani, isani feesise dandeesisu.
14Waan ch'ufa dubbifi gungumsu male tolcha, 15#Qab-Ser 32.5 aka ijoolle Waaqa dadansa, ta wollaalafi ch'ubbu inqamne, ammo ta d'aloota hamafi ka daba keesa teteetu. Aka urjiini gubba ifsitu jiddu worrati ifsa, 16d'aamsa jireenna iti hima. Yo isani akasi tolchitani, anini Guyya Kristo, waan keesani dansa ka dubbad'u qaba; wonti akanatiifi aka gaargala kiyyafi hujiini tiyya bilaasha intahiini agarsiifti.
17Mala kiyya, d'iiga kiyya aka sorio ta aadaani teesani maro d'ugefachatiifi Waaqaa baaftu akasuma jissani. Yo akasi taate, anini gammade duuba nu ch'ufti wolumaani qilit'amna. 18Akasuma isanileeni gammaddani, wolumaani qilit'amna.
Waan Timotheofi Epafrodito
19Anini Aabbo Yeso keesa inheregad'a, aka Timotheo d'iotu isaniti ergu, aka eegi odu teesani d'agaye gammadu. 20Isa ch'allati waan anini heregu herege waan keesani qorqorata. 21Nami kaani ch'ufti waan ufi ch'alla herega, nami waan Yeso Kristo heregu injiru. 22Isani aka inni guddo wo bahu imbeetani, ammalle aka anafi inni aka abbaafi ilma maro Odu Dansaatiifi woliini hojanne imbeetani. 23Aka d'iotu isa gara keesani ergu la heregad'e, eegi waan anini ke jiru hubad'e; 24anileeni waan d'iotu d'ufu ufi seha, yo Aabbooni jed'e.
25Mala kiyya, oboleesa keenna Epafrodito isaniti ergu male. Inni wahela naa tahe na woliini hojate, isanileeni isa ergattani aka inni na qarqaaru. 26Inni guddo isani ch'ufa argu fed'a, ammalle aka inni fayya intahiini isani d'ageetani jennaani inni guddo lalefate. 27Inni guddo fayya d'abe, diquma induiini d'uguma ammo Waaqi isaa nahe, isa ch'allaaniti ammo nalee nahe, aka anini hagasi ira illaalefanne. 28Tanaafi anini guddo gara keesani isa ergu fed'a, aka hojja isa argitani gammaddani, naasuuni tiyya baddu. 29Aka oboleesa Aabbo keesa isa fud'ad'a. Nama akana kana ch'ufa ulfeesa; 30wonti akanatiifi inni jireenna ufi baase, diquma induiini maro huji Kristotiifi, aka qarqaarsa isani naa kennu indandeenne naa kennu.
D'uga Kristo keesa argatani
Borana Bible © Bible Society of Kenya, 2019.