Mariko 3
3
1Yesoni ammalle mana Waaqa seennaani, nama toko ka harki kokotae achiti arge. 2Worra tokoti achi jira ka Yeso himachu fed'e tanaafi guyya Sabato aka inni isa fayyisu eegani. 3Yesoni nama harki kokotae kaaniini waan jed'e, Kooti, arma eji. 4Jennaani waan biyyaani jed'e, Guyya Sabato aki waan dansa tolchani fullaa mo fullaaniti? Lubbu baasani mo inijeesani? Ammo worri isa gula dubbachu dide ch'allise. 5Inni dalansuuni worra mimillate, aka garaani worra jabaate lalefannaani nama kaaniini, Harka diriirfad'u jed'e. Inni harka ufi diriirfannaani fayye. 6Farisayooni gadi yaate hojuma suni jara Herode woliini kora tolchite, aka Yeso ijeesani wolmariatani.
Gumi d'aatu galaana
7Yesoni jara ufi woliini galaanati deebie. Gumiini guddooni ta Galilayatiifi ta Yudeatiifi ta 8Yerusalemutiifi ta Idumeatiifi ta Yordani gama sunitiifi ta dira Tirotiifi Sidonileeni wolti baate, waan inni tolche d'ageennaani isati d'ufte. 9#Mar 4.1; Luk 5.1-3 Inni jara isaatiini, Hobolo toko na kurfeesa jed'e, aka gumiini guddooni isa indadarbine. 10Maro inni nama heddu fayyisefi nami d'ukuba qabu ch'ufti isa tuqu fed'e wold'id'ibe. 11Yo jinniini isa argite ch'ufa, isa durati jidde iyite, Atini Ilma Waaqa jette. 12Ammo inni aka isiini nama isa imbeesimne jabeese iti seere.
Yesoni ergattu kud'ani lama fohata
(Matayo 10.1-4; Luka 6.12-16)
13Jennaani Yesoni gaara toko kore, jara fed'u ufiti yaame worri isati d'ufe jennaani, 14Inni jara kud'ani lama fohate ergattu tolfate waan jed'eeni, Anini yayu isani fohad'e aka na woliini teetani. Ammalle isani erga aka yaatani biyya barsiiftani, 15ammalle humna jinniini nama keesa baaftanile isanii kenna. 16Nami kud'ani lama ka inni fohate kana: Simoni, ka inni maqa Petro baaseefi; 17Yakobo ilma Zebedayo, Yohana oboleesa Yakobo (ka worra lachu inni maqa Boanerge iti baase, akasi jechaani Ilmaani Mandiisu jecha), 18Andarea, Filipo, Bartholomayo, Matayo, Tomaso, Yakobo ilma Alfayo, Thadayo, Simoni nama lafa ufi jabeesu, 19Yuda Iskariote ka isa gurgurate.
Yesofi Beelzebuli
(Matayo 12.22-32; Luka 11.14-23; 12.10)
20Jennaani Yesoni worrati gale. Gumiini ammalle wolti baate, tanaafi Yesofi jari isaa sagalele nyaachu dad'abani. 21Waan kana d'ageennaani fiit'aani isaa isa fuud'u d'ufte, waan biyyiti, Inni ya maraate jetteefi.
22 #
Mat 9.34; 10.25 Jari Seera beekhu ka gari ka Yerusalemu gadi bue waan jed'e, Beelzebuliti isa qabate, ammalle humna gudda jinnitiini jinni nama keesaa baasa jed'ani. 23Duuba Yesoni biyya yaame, mammaasaani waan jed'eeni, Sheet'ani akami dandae Sheet'ana baasa? 24Yo gochiti toko sila gargari baate, gochiti suni imbaddi. 25Yo worri mana toko sila gargari bahe, worri suni imbada. 26Ammalle yo Sheet'ani sila woldide, jabeenni isaa qoodame, inni dandae injabaatu; sunini muumme isaati.
27Ammo nami injiru, ka mana nama jaba dandae ch'abse seene miha isa hatu, yo inni qara nama jaba suni hid'e male; yoosi mana suni dandae hata.
28D'uguma, waan anini isaniini jed'u, Dabaafi araba nami jed'u ch'ufa Waaqi nama inaraarama, 29#Luk 12.10 ammo nami Lubbu Qulqullo arabsu araarama inargatu, haga hegeri daba qaba. 30Wonti Yesoni akana jed'eefi, waan qara biyyiti, Inni jinni qaba jetteefi.
Waan oboleyaani d'uga
(Matayo 12.46-50; Luka 8.19-21)
31Jennaani haad'afi oboleyaani Yeso d'ufani, ala ejaanjani, nama isati ergani yaamani. 32Gumiini isa d'aatu teteetu waan jetteeni, Ilaali, haatetiifi oboleyaani tante ala ejaanjani si barbaadani. 33Inni waan jed'eeni, Haad'a tiyyaafi oboleyaani tiyya eennu? 34Biyya isa marsite ch'iiftu millate waan jed'e, Kuno, haad'afi oboleyaani tiyya tana. 35Nami fed'i Waaqa guutu ch'ufti oboleesafi haad'a tiyya.
Mammaasa abba oobru
(Matayo 13.1-9; Luka 8.4-8)
Currently Selected:
Mariko 3: BOR
Highlight
Share
Compare
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
