Mariko 15
15
1Lafti bariinaani, qaalole gugurdofi jaarolefi jara Seera beekhufi jaaroleeni kora ch'ufti koratte, Yeso sibiilaani hid'ani, geesani harka Pilatoti kennani. 2Pilatoni isa gaafate waan jed'e, Atini hayyu Yahuditi? Inni waan jed'eeni, Atu ya jette. 3Qaaloleeni gugurdooni waan hedduuni isa himatte. 4Pilatoni ammalle isa gaafate waan jed'e, Atini woma indeebiftu? Me, waan heddu ka siini himatani kana ilaali! 5Yesoni ammalle woma indeebimne, tanaafi Pilatoni guddo mame.
Yeso duisati murani
(Matayo 27.15-26; Luka 23.13-25; Yohana 18.39—19.16)
6Jila keesa aadaani isaa nama toko ka hid'aansa keesa jiru hiiti. 7Bara suni namicha toko ka Baraba jed'ani, jara lafa garagalchu fed'e nama ijeese woliini hid'ani. 8Gumiini Pilatoti d'ufte, aka inni aada ufi guutu kad'atte. 9Inni waan worraani jed'e, Aka anini hayyu Yahudi isanii hiikhu feetani? jed'eeni. 10Inni aka qaaloleeni gugurdooni d'iibifi Yeso harka isati kennite imbeekha. 11Ammo qaaloleeni gugurdooni gumi gorsite aka inni fulla Yeso Baraba hiikhu. 12Pilatoni ammalle waan worraani jed'e, Nama hayyu Yahudi jettaniini, kana maani tolcha re? 13Worri ammalle gohe waan jed'e, Isa fannisi jed'ani. 14Pilatoni waan worraani jed'e, Maafi akana jettani? Inni hameenna maani tolche? Ammo worri guddise gohe waan jed'e, Isa fannisi. 15Tanaafi Pilatoni, maro inni gumi gammachiisu fed'eefi, Baraba hiikhe, Yeso lichooni d'aane, Fud'ad'a, fannisa jed'eeni.
Askartiini Yeso goyeesiti
(Matayo 27.27-31; Yohana 19.2-3)
16Askartiini mana hayyu, ka Praitoria jed'ani, keesa isa seensifte, duuba askarti ch'ufa wolti yaamani. 17Woya diimtu iti uyisani, qoraati aka sure tolchani, mata isaa ira kayani. 18Duuba iti d'iaannaani, Hayyu Yahudi, lubbuuni tante ha d'eeratuuti jed'aniini. 19Jennaani mata isaa harch'umeeni d'aanani, hanch'ufa iti tufani, durati jilbifatani, aka waan isa guddisani. 20Goyeesinaani, woya diimtu iraa baasani, woya isaa uyisaniifi. Ammalle isa fannisitifi alati geesani.
Yeso maskaliti fannisani
(Matayo 27.32-44; Luka 23.26-43; Yohana 19.17-27)
21 #
Rum 16.13 Duuba nama toko ka lafa oobruti bahe dabru jiru qabani, mukha maskali Yeso baachisani. Inni Simoni Kirene jed'ani, abba Iskandafi Rufo. 22Fulla toko ta Golgotha jed'ani d'ufaniini. (Golgotha jechaani Buqe Mata jecha.) 23Daad'iifi qumbi wolti naqani iti kennu fed'ani, ammo inni d'ugu dide. 24#Far 22.18 Jennaani maskali irati isa fannisani, woya isaa qoodatani, hit'a buufatani, waan namu argatu ilaalani. 25Hojja isa fannisani suni saa sadi. 26Hayyu Yahudi jed'ani, waan isaani himatani t'aafani. 27Isa bira shifta lama fannisani, toko gama mirga, kaani gama bita. [ 28#Isa 53.12Kara kanaani t'aafiini guutamte ta, Nama hamama isa woliini heregani jettu.]
29 #
Far 22.7; 109.25; Mar 14.58; Yoh 2.19 Nami d'aatu isaa yau isa arabse, mata iti irbe waan jed'ani, Lee! Atini ka sila Mana Waaqa ch'ach'absite, guyya sadi keesati jaartu, 30ufi baasi, maskali iraa bui! 31Akasuma qaalole gugurdofi jara Seera beekhuleeni isa goyeesani waan woliini jed'ani, Inni ka nama d'ibi baase, dandae ufi imbaasu. 32Kristoni, hayyuuni Israeli, ha amma maskali ira gadi buu, aka nu argine d'ugefannu. Jari isa woliini fannisanileeni isa arabse.
Duisa Yeso
(Matayo 27.45-56; Luka 23.44-49; Yohana 19.28-30)
33Saa jaa geennaani, lafti ch'ufti dukanoofte haga saa sagali. 34#Far 22.1 Ammalle saa sagali geennaani, Yesoni qonqo guddooni iye waan jed'e, Eli, Eli, lama sabakthani? Akasi jechaani, Waaqa kiyya, Waaqa kiyya, maafi na lakifta? 35Jari gari ka bira ejaanju akasi d'ageennaani waan jed'e, Me ilaala, inni Eliya yaamu jira. 36#Far 69.21 Namichi toko utaale, bututu laaftu toko daad'i keesa kaye, hokoti fannise. Jennaani aka inni d'ugu iti kenne waan jed'e, Eega! Aka Eliyaani d'ufe maskali ira isa buusu laala. 37Yesoni qonqo guddooni lalabe, hafuura baafate ch'iche.
38 #
Luk 8.2-33 Golli Mana Waaqa fulla lamati gubbaa gadi tarsae. 39Guddaani askarti ka isa dura eju, aka inni akasi hafuura baafatu arginaani waan jed'e, D'uguma nami kunini Ilma Waaqaati. 40#Luk 8.2-3 Nad'eeni garileeni waan kana fagoo ilaalte. Worra keesa, Mariamu Magdalenefi Mariamu haad'a Yakobo maand'ichafi Yose, ammalle Salometi jira. 41Isiini gaafa Yesoni Galilaya jiru isa gula yaate hojateefi. Ammalle nad'eeni heddu d'ibiti, ta isa woliini Yerusalemu olqabatte achi jira.
Awaala Yeso
(Matayo 27.57-61; Luka 23.50-56; Yohana 19.38-42)
42Lafti galgaloomnaani Yusufuni, ka dira Arimathaya d'ufe. 43Inni nama gurra qabu, kora Yahudi keesa, ka d'ufiisa Finna Waaqa eegu. Guyyaani suni guyya Kurfefacha (akasi jechaani guyya Sabato dura jecha); tanaafi Yusufuni garaa jabaate, gara Pilato d'aqe, reefa Yeso kad'ate. 44Pilatoni, aka Yesoni yoosu due mame, gudda askarti yaame, aka Yesoni yoosu due gaafate. 45Gudda askarti ira d'ageennaani, inni reefa Yusufuti kenne. 46Yusufuni woya boofta bite, isa gadi buuse, woya taaniini mamare, goda d'akha keesaa boch'ani keesati awaale, d'akha toko afaanti gangalche. 47Mariamu Magdalenefi Mariamu haad'a Yose, fulla Yeso iti awaalani argani.
Kaisa Yeso
(Matayo 28.1-8; Luka 24.1-12; Yohana 20.1-10)
Currently Selected:
Mariko 15: BOR
Highlight
Share
Compare
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
