Matayo 7
7
1Waan nama inqorina, aka namileeni waan keesani inqorre; 2#Mar 4.24 qorsuma isani namaani qortani isanile qorani; ammalle kiila isani biimitaniini isanile biimani. 3Atini maafi filida ila oboleesa keti keesa jiru argita ammo jirma ila tante keesa jiru inargine? 4Yokhaani akami dandeete oboleesa keetiini, Filida ila keesaa si fuud'a jetta, ka ila tante keesa jirmi jiru? 5Kiyyiba! Qaraa fiit'e jirma ila tante keesaa fuud'i, duuba aka dansaa lafa agarta, aka ila oboleesa keti keesaa filida fuutu.
6Waan qulqullo saree inkennani; ammalle booyye dura dooqa imbuusina, aka isiini miilaani ira ejaanjatte isaniti garagalte isani inyaanne.
Kad'acha d'uga
(Luka 11.9-13)
7Kad'ad'a, isanii kennani; barbaada, inargitani; balbala d'ad'aa, isani duraa banani. 8Nami wo kad'atu inargata, nami barbaadu inarga, ammalle nama balbala d'ad'au imbananiifi. 9Eentu yo ilmi isaa qit'a kad'ate d'akha kennaafi? 10Yokhaani yo inni qurt'umi kad'ate bofa kennaafi? 11Yo isanu ka hameenna qabdani, waan dansa ilmaani teesani kennu beetani, Abbaani keesani hagasi ira waan dansa worra isa kad'atu kenna!
12 #
Luk 6.31 Akuma aka nami waan dansa isani tolchu feetani, akasuma namale tolcha; tunini dubbi Seeratiifi ta raaga.
Waan balbala d'ipo
(Luka 13.24)
13Balbala d'ipooni olseena. Balbala ballofi karaani laafaani gara badi nama geesa, nami achi deemuleeni heddu. 14Balbala d'ipofi karaani jabaani jireennati nama geesa, nami argatuleeni diqa.
Waan d'arafi d'uga
(Luka 6.43-44)
15Raagoota d'ara eegad'a, ta bifa jijiratte isaniti d'uftu, ammo keesi worraa aka yai jira. 16Mid'aani worraatiini worra beetani. Mid'aani zabibu qoraati iraa guurani? Yokhaani d'eeka mogorre iraa guurani: 17Mukhi dansaani ch'ufti mid'aani dansa baasa, ammo mukhi hamaani mid'aani hamo baasa. 18Mukhi dansaani mid'aani hamo dandae imbaasu; mukhi hamaleeni mid'aani dansa dandae imbaasu. 19#Mat 3.10; Luk 3.9 Mukha mid'aani dansa imbaamne ch'ufa muraniti ibida keesa buusani. 20#Mat 12.33 Tanaafi mid'aani worraatiini worra beetani.
Aka gubba seenani
(Luka 13.25-27)
21Nami Aabbo, Aabbo, naani jed'u ch'ufti Finna gubba inargattu, ammo nama fed'i Abba kiyya ka gubba jiru guutu ch'allati argata. 22Guyya suni nami hedduuni, Nu maqa keetiini fanne, maqa keetiini jinni baamne, ammalle maqa keetiini waan mama heddu tolchine jed'a. 23#Far 6.8 Jennaani anini diideese worrati hima, anini fuula isani imbeekhu; na biraa fagaad'a, isani nama dabaati.
Yayaba lama
(Luka 6.47-49)
24Duuba, nami dubbi tiyya tana d'agaye guutu nama qalbi qabu fakaata, ka d'akha gubbati mana ijaare. 25Bokeeni roobe, guddo lolaase, bubbeeni bubbifte mana suni d'oofte. Ammo mani jigu dide, maro yayabi d'akha gubba jiruufi. 26Nami dubbi tiyya tana d'agaye inguunne nama daalle ka mana maansa irati ijaare fakaata. 27Bokeeni roobe, guddo lolaase, bubbeeni bubbifte mana kaani d'oofte, mani jige. Jigisi mana suni waan gudda!
28 #
Mar 1.22; Luk 4.32 Yesoni dubbi tana barsiimnaani, nami ch'ufti guddo waan barsiisa isaa mame. 29Inni aka jara Seera beekhu nama imbarsiimne, ammo aka nama jabeenna qabu barsiise.
Fayyisa qomaat'a
(Mariko 1.40-45; Luka 5.12-16)
Currently Selected:
Matayo 7: BOR
Highlight
Share
Compare
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
