Yakobo 5
5
1Ehayi, dureeyi, me, dubbi tiyya ch'aqasa! Boa, ooa, maro gaargala isaniti d'ufu! 2#Mat 6.19 Duroomi keesani ya shame, woya teesani ya barbareeni nyaatte. 3Worqifi qarsiini teesani ya dandoofte, dandi tanati hegeri isani himatte, aka ibida nafa keesani guba. D'io tana ya guddo duroomtani. 4#Qab-Ser 24.14-15 Isani worra oobru isanii hojatu hori imbaamne. Aka worri isani himatu ch'aqasa! Booti worra mid'aani keesani galchu, la gurra Waaqa Aabbo gudda geete! 5Jireenni keesani lafa tana keesati ya ka gammadatiifi ka machi tahe. Ya guyya qalmaati ufi gabbiftani. 6Isani ya nama woma iyakini ka ufi iraa isani d'owu indandeenne, wollaala iti murtani ijeeftani.
Obsafi kad'acha
7Obsaa, oboleyaani tiyya, haga Aabbooni d'ufuuti. Aka abbaani oobru haga mid'aani isaa dansaani bahaniti eegatu, ilaala. Bokaya gannatiifi ka hagayale obse eegata. 8Isanileeni obsu maltani! Garaa jabaad'a, guyyaani Aabbo ya d'iaate.
9Woltingungumiina, oboleyaani, aka Waaqi isani inqorre. Abbaani qorsuma balbala dura eja. 10Oboleyaani, raagoota maqa Aabbootiini odeesite, qaabad'a. Aka worri obse gaargale qaabad'a! 11#Ayu 1.21-22; 2.10; Far 103.8 Waan worri obseefi gammada qabani jenna. Isani ya obsa Ayubu d'ageetani, duuba aka Waaqi waan inni fed'u ch'ufa eege keenneefi imbeetani. Wonti akasitiifi Aabbooni guddo naasu qaba, guddo namaa naha.
12 #
Mat 5.34-37
Ee, oboleyaani tiyya, waan ch'ufaani inkakhatiina, gubbafi lafafi waan tokoleeni inkakhatina. Eetiini teesani ha eeti taatuuti. Hiyyoni teesanileeni ha hiyyo taatuuti, aka qorsuma Waaqa keesa inseenne.
13Nami gaargala qabu jiddu teesani keesa jira? Ha Waaqa kad'atuuti. Nami gammada qabu jira? Ha faaru d'ahatuuti. 14#Mar 6.13 Nama fayya inqamne jira? Ha jaarole gumi Waaqa yaame Waaqa kad'ataniifi, d'ad'a maqa Aabbootiini muudani. 15Kad'achaani tunini, yo d'ugefachaani tolchani, nama suni imfayifti: Aabbooni isa imfayisa, daba inni tolchele inaraaramaniifi. 16Tanaafi daba keesani wolti himad'a, Waaqa woli kad'ad'a, aka fayyitani. Kad'achaani nama d'ugaa waan jabdu, guddo wo baati. 17#1 Hay 17.1; 18.1 Eliyaleeni duri namuma aka keennaati. Inni guddise Waaqa kad'ate, aka bokeeni imbuune, tanaafi ganna sadifi jia jaa bokeeni buu dide. 18#1 Hay 18.42-45 Inni ammalle kad'annaani bokeeni roobe, lafti mid'aani baafte.
19Oboleyaani tiyya, yo nami tokoleeni isani keesa d'uga iraa bade, nami d'ibiini deebise, 20#Mam 10.12; 1 Pet 4.8 waan kana qaabad'a. Nami nama daba tolchu wollaala iraa deebise, lubbu nama suni duisa keesaa baase, daba heddu jalaa baasa.
Borana Bible © Bible Society of Kenya, 2019.