Isaya 25
25
1Ee AABBO Waaqa, atini Waaqa kiyya;
anini si guddise maqa kanke faarsa.
Atini yayu waan mama tolchite,
waan duri malatte ch'ufa aka dansaa guute.
2Atini dira balleesite ona tolchite,
maneeni isaa jajabdule ch'ach'absite.
Maneeni dadansaani nyaapi keenna jaarate
yayu haga jiru jireenna badde.
3Gochiti jabduuni si faarsite,
dira gosa hamtu keesaleti si sodaatani.
4Hiyyeesafi nami qarqaarsa inqamne
guyya gaargala siti baqate,
qarqaarsa siraa argata.
Atini dao taateefi bubbe iraa d'owarte,
gaadisa taateefi adu ira d'owarte.
Nami hamani aka bubbe adolesa nama d'ae,
akuma oola lafa gamooji nama qabata.
5Ammo atini nyaapa keenna ya ch'allisiifte;
akuma dumansi guyya owa lafa qabaneesu,
akasuma atini iyyana nama hamaa qabaneesita.
Aka Waaqi jila kurfeese
6Gaara Sioni kana irati AABBO Waaqi guddaani gosa lafa ch'ufati jila tolcha; jila sagale dadansaafi daad'i dansa. 7Gaara kana irati inni golla dumansa, ka gosa ch'ufa gubba tau, iraa fuud'e balleesa. 8#1 Kor 15.54; Mul 7.17; 21.4 AABBO Waaqi dua haga jiru jireenna balleese, nama ch'ufa imimaani ira haaqe, ch'eera lafa ch'ufa keesati gumi isaa qabate iraa fuud'a. Dubbi tana AABBO Waaqati jed'e!
9Guyya suni nami ch'ufti waan jed'u, Inni Waaqa keenna! Nu isa abdanne, innileeni ya nu baase. Inni AABBO Waaqa! Nu yayu isa abdanne, amma waan inni nu baaseefi gammada qamna.
Aka Waaqi worra Moabu gaargalchu
10 #
Isa 15.1—16.14; Yer 48.1-47; Eze 25.8-11; Amo 2.1-3; Sef 2.8-11 AABBO Waaqi gaara Sioni qorqorata, ammo worra Moabu, akuma ch'idi d'oqe looni keesati d'id'itani, d'id'itani. 11Worri harka ufi dirirfate aka nama bisaani daakhatu taha. Ammo Waaqi worra ch'eerse, harki worraleeni akanumati bisaani keesa lit'a. 12Inni maneeni Moabu jajabdu girgida d'ed'eera qabdu ch'ach'abse balleese lafati jisse bulleese d'uke tolcha.
Aka Waaqi gumi ufi dabsachiisu
Borana Bible © Bible Society of Kenya, 2019.