Hosea 12
12
1Worri Israeli halkani guyya wo balleese male woma imid'aasu. Worri haga qarale ira wolsobe wolhad'e wolballeesa. Ammalle worra Ashurutini wold'aqani worra Misiritiini woliini daldalani.
2AABBO Waaqi waan worra Yuda himatu qaba, ammalle worra Yakobo maro huji worratiifi gaargalcha; inni huji worraa gula gaargala kennaafi. 3#Uum 25.26 #Uum 32.24-26 Yakobooni gaafa garaa haad'a keesa jiru, oboleesa isaa ka lakooletiini woli wollaanani; eegi guddatele Waaqaani woli wollaanani — 4#Uum 28.10-22 inni malaikaani woli wollaanani isi dabsate, ammalle bohe, Naa eebisi jed'eeni. Bethelileti Waaqi iti d'ufe isaani dubbate. 5Waaqi suni AABBO Waaqa, Waaqa Gudda — maqaani isaani kad'atani AABBO Waaqa. 6Tanaafi isani ammatana Waaqa keesani d'ugeefad'a, iti deebia; jaalalaafi d'uga jabeesa, biraa indeemina, obsaa, waan Waaqi keesani tolchu eega.
Dubbi d'ibi ta qorsumaa
7AABBO Waaqi waan jed'u, Worri Israeli akuma worri Kanaani bunaqa keesa waan woini biimani nama dabsu jaalatu jaalata. 8Ammalle worri waan jed'u, Nu dureeyyi, ya duroomne waan heddu horanne, nami tokoleeni ka dandae, Worri kunini nama dabse akana woi horate jed'u injiru. 9#Law 23.42-43 Ammo anini, AABBO Waaqi keesani, ka lafa Misiri keesaa isani baase, finna gaafa anini lafa gamoojiti isaniti d'ufe, ka isani waaroti galtaniti, isani deebisa.
10Anini raagoota dubbise daayya heddu worra garsiise, ammalle raagani gumi tiyya mammaasa heddu barsiise. 11Ammo Gileaditi waaqoota d'ara kad'atani, nami isa kad'atuleeni inhobaa. Koromile Gileaditi sorio Waaqaa baasani, fullaani artiti sorio iti baasani sunini d'akhaye oobru keesati wolirati tuulani taati.
12 #
Uum 29.1-20 Yakobooni lafa Mesopotamia baqate achiti nama d'ibii ree tisse, akasiini niiti fuud'e. 13#Bah 12.50-51Jennaani AABBO Waaqi raaga erge worra Israeli tissooma lafa Misiri keesaa baase tisse qorqorate. 14Worri Israeli ya aka taka inargini AABBO Waaqa dallansiise; maro ch'ubbu sunitiifi duu malani. Waan worri isa ch'eerseefi, AABBO Waaqi worra gaargalcha.
Waan taka tana worra Israeliti murani
Borana Bible © Bible Society of Kenya, 2019.