Efeso 6
6
1 #
Kol 3.20
Ijoolle, maro Kristotiifi worra keesani saalfad'a, wonti kunini waan tolchu malani. 2#Bah 20.12; Qab-Ser 5.16 Jechi abbeetiifi haateti saalfad'a jed'u kakhu d'ibi iti darani qaba; 3kakhuuni suni waan jettu, aka lafa Aabbo Waaqi sii kennu keesati lubbuuni tante d'eeratu jetti.
4 #
Kol 3.21
Aabbooti, ijoolle teesani imufachisiina, ammo barsiisafi gorsa Aabbootiini guddisa.
Gorsa tisselefi aabbooti
5 #
Kol 3.22-25
Tissele, abbooti teesani, sodaafi holachani ch'aqasa, akuma waan Kristo hojattani garaa tokooni hojad'afi. 6Hojja worri isani ilaalu ch'alla inhojatiinaafi, ammo garaa keesani ch'ufaani waan Waaqi fed'u tolcha, aka tissele Kristo. 7Huji teesani ta tisse gammadaani tolcha, akuma waan nama inhojanne ammo Aabbo hojatanu. 8Qaabad'a, aka Aabbooni nama ch'ufaa galata kennu, tisseefi balchale, maro huji dansa ta inni tolchuufi.
9 #
Qab-Ser 10.17; Kol 3.25; 4.1 Aabbooti tisselee, tissele teesani akuma suni tolcha, insodaachiisiina. Qaabad'a, aka isanifi tisseleeni teesanileeni abba taka gubbaa qabdani, ka nama ch'ufa waan takaa tolchu.
Waan miha lola nama Kristiana
10Dubbi buufata, Aabbo keesa jabaad'a, irre isaa guddooni. 11Miha lola ka Waaqi isanii kennu ch'ufa guurad'a, aka malte Sheet'ana dabsattani. 12Wonti akanatiifi nu namaani woli had'uuti injirru, ammo qilleensa hama lafafi gubbatiini wolhad'u jirra, jabeennaafi irre gubba ta bara dukana kanale. 13Tanaafi ammatana miha lola ka Waaqa olfud'ad'a! Duuba yo guyyaani hamaani d'ufe dandeetani irre nyaapa dabsattani, aka eegi haatanile duddaduuba indeebine.
14 #
Isa 11.5; 59.17 Tanaafi kurfo taa, eegad'a: d'uga aka gurda hid'aanati hid'ad'a; dubbi d'ugatiini hameenna qoma teesani iraa d'owad'a, 15#Isa 52.7 kurfo taa, aka hojja ch'ufa Odu Dansa ta nagaya aka kobe keyattani. 16Hojja ch'ufa d'ugefacha aka wonte baad'a; aka t'iya bobeetu ta Hamaani Kaani darbatu d'aamfitani. 17#Isa 59.17 Baafama aka ruufa marad'a, dubbini Waaqaleeni ha sheefti Lubbuuni isanii kennitu taatu. 18Waan kana ch'ufa kad'achaani tolfad'a qarqaarsa Waaqa kad'ad'a. Hojja ch'ufa Waaqa kad'ad'a, akuma Lubbuuni isani agarsiiftu. Maro waan kanatifi hojja ch'ufa kurfo eegad'a; ufi injibaatiina, hojja ch'ufa gumi Waaqati kad'ad'a. 19Anale Waaqa kad'ad'a, aka Waaqi, hojja anini dubbachu fed'u, dubbi anini jabeennaani dubbad'u naa kenne d'ossa Odu Dansa mullisu. 20Maro Odu Dansa tanaatiifi gara na ergani, ato anini amma hid'aansa keesa jiraad'ele. Tanaafi Waaqa naa kad'ad'a, aka anini jabeese dubbad'u, akuma tolchu male.
D'aamsa eege
21 #
Huji 20.4; 2 Tim 4.12 #
Kol 4.7-8
Tikikoni, oboleesa keennafi hojattuuni teenna ta d'uga huji Aabbo keesa, odu tiyya ch'ufa isaniti odeesa, aka isani waan anini keesa jiru hubattani. 22Maro waan kanatifi anini isa gara keesani erga, aka waan nuuni ch'ufti keesa jirru inni isani beesise garaa isani jabeesu.
23Waaqa Abbaafi Aabbo Yeso Kristoni nagayafi jaalala oboleyaani ch'ufaa kenniina, d'ugefacha woliini. 24Eebiti Waaqa nama Aabbo Yeso Kristo guddo jaalatu ch'ufa woliini tahinna.
Borana Bible © Bible Society of Kenya, 2019.