Danieli 7
7
1Ganna qara ka Belshazani hayyu Babiloni tahe, anini halkani gach'iise rafe oobjad'e daayyani wo arge. Duuba oobju suni t'aafad'e; 2wonti anini oobju sunini arge tana: Bubbeeni gara ch'ufaa d'ufte bisaani baariini d'oofte chochoofte. 3#Mul 13.1; 17.8Jennaani bineensi afuri, ka gosa gosa, Baariini suni keesaa gadi yae. 4#Mul 13.2 Ka qara nyeench'a fakaata, ammo koola aka risa qaba. Ato anini tae laalu, koola suni iraa baasani bineensa suni olfuud'ani, miila lamaani aka nama old'aabani qalbi nama kennanifi.
5Bineensi lameeso gorjama fakaata, ammo miila lukhatini oleja. Inni ch'inaacha sadi afaani qaba, duuba qonqooni toko waan jetteeni, Fooni guddisi haga feetu nyaad'i!
6Ato anini tae laalu, bineensi d'ibileeni gabahe, kunini qeeramsa fakaata, ammo dudda ufi ira koola afuri qaba, ka koola allaati fakaatu; ammalle mataani isaa afuri. Isa jabeenna inni lafaani mohatu kennanifi.
7 #
Mul 12.3; 13.1 Ammalle ato anini tae laalu, bineensi afreeso gadi bahe kunini gudda, hama, nama sodaachisu. Ilkaani isaa ka sibiilatini waan ijeesu gargari ch'ire ira ejaanjata. Inni bineensa kaani ch'ufa iraa gore, gaafa kud'ani qaba. 8#Mul 13.5-6Ato anini tae gaafa isaa suni ilaalu, gaafi diqaani toko jiddu gaafa kaanitini bahe, gaafi diqaani suni gaafa gugurda kaani sadi bubuqise. Gaafi diqaani suni ila namaatifi afaani kiyyibo ufi totolcha qaba.
Nama haga jiru jireenna jiru ka Danielini daayyani arge
9 #
Mul 1.14; 20.4 Ato anini tae ilaalu, barch'uma hayyu ka d'ad'aabani arge. Jennaani namichi toko ka haga jiru jireenna jiru d'ufe, barch'uma suni toko ira tae. Woyaani isaa adi ch'aama, rifeensi isaaleeni woya boofta adi fakaata. Barch'uma isaa ibidati iraa bobaa, ammalle miili barch'uma suni ch'ufti ibida, 10#Mul 5.11; 20.12 nafa isaa ch'ufa lola ibidati keesaa yaa. Nama kuma hedduti isaa hojata, ammalle nama muumme inqamne, ka kunki kunkiti, isa, dura ch'iisa, kori tae, kitaaba banani.
11Ato anini tae ilaalu, gaafa diqa kaani, ka tae kiyyibe ufi saadu, d'agaye. Jennaani ato anini tae ilaalu bineensa afreeso kaani ijeesani reefa isaa ibida keesa buusani gubani. 12Bineensa hafe kaani sadeeni jabeenna isaani iraa fuud'ani lubbu isaani haga bulti gabaabdu lakisani.
13 #
Mat 24.30; 26.64; Mar 13.26; 14.62; Luk 21.27; Mul 1.7,13; 14.14 Daayya suni keesa anini waan nama fakaata arge. Inni, ka dumansa keesa deemu, nati gadi d'ufe, namicha haga jiru jireenna jiru kaaniti qajeele, jennaani isa duraani d'ufani. 14#Mul 11.15 Jennaani jabeennafi ulfinnaafi irre inni woini fiddu isaa kennani, aka nami gosafi d'alootafi afaani afaani dubbatu ch'ufti isa hojatu. Jabeenni isaa haga jiru jireenna taa, finna isaa muumme inqabu.
Aka waan daayya taani himani
15Daayyani anini arge sunini na rifachiifte, anini guddo mudame. 16Anini nama arti eju tokoti d'ufe, waan daayyani tunini d'ooftu nati himi jed'eeni. Jennaani inni nati hime 17waan jed'e, Bineensi gugurdaani afrani kunini hayyoota afuri ta takaa tana d'ufte lafa mohatu garsiisa. 18#Mul 22.5Gumiini qulqullooni Waaqa guddaa, jabeenna lafaani fiddu argatte haga jiru jireenna teeti.
19Jennaani anini waan bineensa afreeso kaani, ka bineensa kaani sadeeni iraa gore, beekhu fed'e — bineensa hama nama mudamsiisu, ka waan ijeese qeench'a isaa ka sibiila diimatifi ilkaani isaa ka sibiila guraachatini gargari ch'ire miilaani ira ejaanjattu. 20Anini ammalle waan gaafa isaa kud'annaani kaanitifi gaafa didiqa eege bahe, gaafa sadeeni kaani bubuqise, beekhu fed'e. Gaafi sunini ilaafi afaani kiyyibo ufi totolcha qaba, ammalle gaafa kaani ch'ufa ira nama mudamsiisa.
21 #
Mul 13.7
Ato anini tae ilaau, gaafi suni gumi Waaqa qulqullo taani had'e dabsate. 22#Mul 20.4 Jennaani namichi haga jiru jireenna jiru kaani d'ufe, gumi qulqullo Waaqa guddati d'uga galche. Inni gumi suni jabeenna worri lafaani fidu kenneefi.
23Wonti daayyani suni d'ooftu, ka inni nati hime tana: Bineensi afreeso suni lafa hayyuuni fidu toko ta lafa hayyuuni d'ibiini fidu ch'ufa iraa gortu. Isiini lafa ch'ufa ira ejaanjatte balleesiti. 24#Mul 17.12Gaafi kud'annaani suni hayyoota kud'ani ta lafa suni mohattu. Duuba eege hayyu d'ibiti d'ufa, ka hayyoota taani ch'ufa iraa goru; inni hayyoota sadi dabsata. 25#Mul 12.14; 13.5-6 Inni Waaqa gudda miid'e, gumi Waaqale dabsa. Ammalle inni seerafi aada worrale ch'ufa garagalchu fed'a, gumiini Waaqaleeni ganna sadiifi jia jaa isa jalati bulti. 26Jennaani gubbati kori tae dubbi suni laalani, jabeenna isaa iraa fuud'ani aka hama isa balleesani. 27#Mul 20.4; 22.5 Jabeennafi guddinna lafa hayyuuni fidu ch'ufa gumi Waaqa guddati kennani. Finni worra ka jiru jireennati, nami lafa mohate ch'ufti worraa hojate saalfatafi.
28Wonti daayyani suni d'ooftu hagasuma. Jennaani anini aka male rifad'e, mudame waan suni biyya d'osse akanumati tae.
Elemofi korbeesa Danielini daayyani arge
Borana Bible © Bible Society of Kenya, 2019.