Danieli 12
12
1 #
Mat 24.21; Mar 13.19; Mul 7.14; 12.7 Malaikaani woya boofta uyifattu waan jette, Gaafasi malaikaani guddoni, Mikaeli jed'ani, ta gosa tante qorqorattu, ind'ufti. Duuba guyya gaargala ka haga nama lafa irati uumani takaa inarginiti d'ufa. Gaafasi nami gosa teeti, ka maqa isaa kitaaba keesati t'aafani ch'ufti lubbu baha. 2#Isa 26.19; Mat 25.46; Yoh 5.29 Nami hedduuni ka qara due inkaa: ka gari jireenna ind'umanne argata, ammo ka gari ch'eera ind'umanne argata. 3Jaaroleeni qalbi qabdu aka gubbani bilit'u bibilit'i; jari nama heddu d'uga barsiisuleeni akuma urji haga jiru jireenna ifsa.
4 #
Mul 22.10
Inni waan nani jed'e, Danieli, amma kitaaba ch'ufi, beesisa ira kayi, haga muummeeni d'uftuti. Nami hedduuni olgadi orie waan baratu barbaada.
5Jennaani anini jara lama ka galaana moga moga ejaanju arge. 6Worra suni nami toko d'ufe, malaika gara bisaani gadi d'ufanifi ejitu taanini waan jed'e, Wonti mama kunini yoomi guutamti?
7 #
Mul 10.5; 12.14 Malaikaani taani harka lachu gara Waaqa olqabatte, maqa Waaqa haga jiru jireenna jirutini kakhate waan jette, wonti sunini eegi ganni sadiifi jii jaa dabre guutamti. Gaafa gumi Waaqa gaargalchani iraa deebiani wonti kunini gaafasu ya guutamte. Gaafa isiini dubbi suni jette anini artuma jira.
8Anini waan isiini jettu ind'agaye male ammo inhubanne. Tanaafi anini isii gaafad'e, Aabbo, dubbini tunini akami buufatti? jed'e.
9Isiini waan nani jette, Danieli, beeni, ufiraa deemi, wonti akanatiifi haga muummeeni d'uftuti, dubbi tana jabeesani d'ossu malani. 10#Mul 22.11 Nami hedduuni qulqullae aabo womatu d'aba, ammo namnami hamamani woma inhubatu, hameennuma sunini taa; ammo nama qalbi qabu ch'allaati hubata.
11 #
Dan 9.27; 11.31; Mat 24.15; Mar 13.14 Haguma gaafa sorio guyya ch'ufa baasani balleesani, yokhaani haguma gaafa waan hamtu nama rifachiisa kaani old'aabani, guyya kuma tokotifi d'ibba lamafi sagaltamati dabra. 12Nami bulti kuma tokotifi d'ibba sadiifi sodomi shani obse eegatu eeba argata! 13Danieli, atini akuma kanke kaani, haga muumme, kara d'uga keesati buli, Duuba eege indoota, ammo yo dootele gaafa muumme kaate galata kanke argatta.
Borana Bible © Bible Society of Kenya, 2019.