Amosi 1
1
1 #
2 Hay 14.23-29; 15.1-7; 2 Od-dur 26.1-23 Tunini dubbi namicha hori tissu toko ka Amosi jed'ani, ka dira Tekoa. Ganna lama, ka gaafa lafti chochoote dura, ka Uziani hayyu Yuda, ka ammalle Yeroboamuni, ilmi Yoashi, hayyu Israeli, Amosiini dubbi tana, ta waan Israeli dubbattu, daayyani arge.
2 #
Yoe 3.16
Inni waan jed'e,
AABBO Waaqi gaara Sioni iraa mandie lalabe,
qonqo isaa Yerusalemu keesati d'agayani.
Marri horiini d'eedu gogoge,
buuyooni gaara Karmeli gubba jirtu qanch'ooratti.
Siria
3 #
Isa 17.1-3; Yer 49.23-27; Zek 9.1 AABBO Waaqi waan jed'u, Worri Damaski ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri worra Gileadi dabse, sibiilani lafati rige balleese, akuma mid'aani biila d'aanani. 4Tanaafi anini amma ibida mana hayyu Hazaeliini jaare keesa buuse, ibidi suni maneeni jajabdu hayyu Benhadadi gube balleesa. 5Anini sibiila balbala fullo Damaski ch'ach'abse nama Bale Aveni keesa qubateefi nama Bethedeni mohatu keesaa baasa. Ammalle worra gosa Siria qabani hid'ani lafa Kiriti geesani.
Filistia
6 #
Isa 14.29-31; Yer 47.1-7; Eze 25.15-17; Yoe 3.4-8; Sef 2.4-7; Zek 9.5-7 AABBO Waaqi waan jed'u, Worri Gaza ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri gosa toko ch'ufa, haguma geetunu boojie, worra Edomuti aka tisse gurgure. 7Tanaafi anini amma ibida dira worraa keesa buuse, ibida suniini maneeni jajabdu ta dira suni ch'ufa guba. 8Anini worra dira Ashdoditiifi Ashkeloni fidu dira worraa keesaa baasa. Ammalle anini dira Ekroni gaargalche, nami Filisti ka hafe tokoleeni imbahu.
Tiro
9 #
Isa 23.1-18; Eze 26.1—28.19; Yoe 3.4-8; Zek 9.1-4; Mat 11.21-22; Luk 10.13-14 AABBO Waaqi waan jed'u, Worri Tiro ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri gosa toko, ta qara wold'aqani oboleesa woli taani, dabse harka worra Edomu ka nyaapa worrati kenne. 10Tanaafi anini amma ibida Tiro keesa buuse, ibida suniini maneeni jajabdu ta dira suni ch'ufa guba.
Edomu
11 #
Isa 34.5-17; 63.1-6; Yer 49.7-22; Eze 25.12-14; 35.1-15; Oba 1-14; Mal 1.2-5 AABBO Waaqi waan jed'u, Worri Edomu ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri oboleyaani isaani ta Israeli naasu d'abeefi woraanaani reebe. Dallansuuni worraa haga inqabdu, iraale ingaltu. 12Tanaafi anini amma ibida naabo dira Temani keesa buuse, ibida suniini maneeni jajabdu ta dira Bosra guba.
Amoni
13 #
Yer 49.1-6; Eze 21.28-32; 25.1-7; Sef 2.8-11 AABBO Waaqi waan jed'u, Worri Amoni ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi gaafa worri lafa d'ibi fed'ata nama had'e, nad'eeni lafa Gileadi ta garaacha qabdule garaa tarsaasani. 14Tanaafi anini ibida dira Raba keesa buuse, ibida suniini maneeni jajabdu dira suni ch'ufa guba. Duuba guyya suni nami guddo gohe, aka bubbe hamtu shawise woli had'a. 15Hayyu dira sunitifi jara gugurda isaa woliini boojiani lafa d'ibi geesani.
Moabu
Borana Bible © Bible Society of Kenya, 2019.