1 Petro 2
2
1Hameenna ch'ufa lakisa; nama insobina, inkiyyibiina, wolinqot'isiina, wolinarabsiina! 2Aka ijoolle d'io d'alatte taha, nama hojja ch'ufa aanani qulqullo ka lubbuti beelau, aka eegi d'uddani gugurdattani baafamtani. 3#Far 34.8 Wonti akanatiifi isani ya arjooma Waaqaa gartani. 4Gara Aabbo koota, inni d'akha jiru ka biyyiti ch'ufti didde, ammo Waaqi fohate. 5Aka d'akha jiru koota, aka mana lubbutiini isani jaarani, aka qaalole qulqullo taatani, sorio dansa ta Waaqi fed'u Aabbo Yeso Kristo keesa baaftani. 6#Isa 28.16 Wonti akanatiifi t'aafiini waan jettu:
Anini d'akha gati guddo qabu fohad'e,
aka fiit'e mana tahu Sioni keesa kaya:
Nama isa d'ugefatu tokole inch'eersani.
7 #
Far 118.22
Tanaafi isani worra d'ugefatu, d'akhaani kunini d'akha jaba; ammo worra ind'ugefanne:
D'akhaani ijartuuni tuffate dide
yayu d'akha jaba tahe.
8 #
Isa 8.14-15
T'aafiini d'ibileeni waan jettu:
D'akhaani nama gufachiisu kana,
d'akha nama buusu.
Worri waan dubbi ind'ugefatiiniifi gufata; wonti Waaqi worraa herege tana.
9 #
Bah 19.5-6; Isa 43.20,21; Qab-Ser 4.20; 7.6; 14.2; Tit 2.14; Isa 9.2 Ammo isani gosa Waaqi fohate, qaalole hayyuti, gosa qulqullo, gumi Waaqaati, ta aka huji Waaqa ta mama odeesitaniifi fohatani, ka dukana keesaa ifsa isaa ka mamaati isani yaame. 10#Hos 2.23 Duri isani gumi Waaqatiiniti, ammo amma gumi isaati; duri naasu Waaqa imbeetani, ammo amma ya naasu isaa argattani.
Aka hojattu Waaqa taa
11Anini isani kad'ad'a, jaalaani tiyya, ta aka keessumatiifi aka nama baqaa yau lafa tana keesa jirtani! D'araa nafa gula imbadiina, ta hojja ch'ufa lubbuuni woli haatu. 12Adabi keesani gara worra Waaqa imbeenne ha dansa tahu, aka yo worri hameenna isani himate, huji teesani dansa argani, duuba Guyya d'ufiisa Waaqa isa faarsani.
13Maro maqa Aabbootiifi aadafi seera nami baasu ch'ufa guuta: Hayyu ka waan ch'ufa harkaa qabuufi 14worra gugurda d'ibile, ka inni aka worra daba tolchu gaargalche worra waan dansa tolchu saaduufi ergele guuta. 15Fed'iini Waaqa tana: aka isani hasaa daalluma, ka worra woma imbeenne, huji teesani dansaani ch'allisiiftani. 16Aka nama balchaa taa; ammo anini balcha jette waan hamtu intolchiini, aka hojattu Waaqaa taa. 17Nama ch'ufa ch'eera, oboleyaani ta d'ugefatte jaalad'a, Waaqa sodaad'a, hayyulee ch'eera.
Akheekha gaargala Kristo
18Isani hojattuleeni, abbooti teesani guuta saalfad'a ch'eerafi, worra laanaa ka isanii nahu ch'allaaniti, ammo ka isanii innaanele. 19Tanaafi yo isani waan fed'i isaa guutanifi, gaargala isani himmalini argatani, Waaqi isani eebisa. 20Yo wollaala tolchitani isani d'aanani, ammo wollaala suni obsitani, maani isanii baati? Ammo yo waan qajeela tolchitani gaargala obsitani, Waaqi maro suniifi isani eebisa. 21Waan kanati Waaqi isani yaame; wonti akasitiifi Kristoni duri maro teesaniifi gaargale akheekha isanii tahe, aka isani faana isaa gula yaatani. 22#Isa 53.9 Inni taka daba intolchine, yokhaani nami tokoleeni isa d'ara dubbatu ind'ageenne. 23#Isa 53.7 Gaafa isa arabsani inni taka nama inarabsine; isa gaargalchinaani inni nama tokole insodachiimne, ammo abdi ufi, Waaqa d'uga, ka d'uga gula wo qoru, gubba keyate. 24#Isa 53.5Kristoni daba keenna maskaliti baate, aka nu dabaani doone d'ugaani jiraannu. Madaa isatiini isani fayyisani. 25#Isa 53.6 Isani qara aka hooliye kara iraa badde jirtani; ammo amma ya Tissitufi Qorqorattu lubbu teesaniti deebitani.
D'iirsafi niiti
Borana Bible © Bible Society of Kenya, 2019.