Cantar de los cantares 1
1
1Salomonan wali suma k'ochunacapa:
Nayrïri k'ochu
Warmi
2¡Lacamampi jamp'att'itasma!
Munasiñamajj vinot sipansa juc'ampi mojjsawa,
3perfumeman k'aphipas muct'atajj wali sumaraquiwa,
sutimasti suma perfume wartatjamaw k'aphiraqui.
¡Ucatwa warminacajj wali munapjjaractamjja!
4¡Janc'aqui jumamp chica irpita!
¡Oh, rey, utamar irpita!
Waljani
Jumampejj wali cusisitäñäniwa;
munasiñamatsti vinot sipansa juc'ampwa amtasiñäni.
¡Ucatpï warminacajj munapjjaractamjja!
Warmi
5Jerusalenanquir warminaca,
nayajj ch'iyar janchinïtwa, ucampis muncañätwa.
Wasaranquir Cedar carpanacjam ch'iyarätwa,
Salomonan palaciopan cortinanacapjama jiwaquiraquïtwa.
6Jan uñch'uquipjjestati ch'iyarätajjata,
lupiwa uqhama janchejjar nacsutu.
Jilanacajjajj nayataquejj coleratäpjjewa,
ucatsti uva yapunac uñjañ jaytapjjetu,
¡ucat uvas yapojjat armasta!
7Munatajjay sitaya,
¿cawqhansa tamanacam awattajja?
¿Cawqharusa cheka urojja samart'ayirejj anaktajja?
Yatiyitaya yakha awatirinac taypin jumar jan thakhascañajjataqui.
Waljani
8Take warminacat sipansa sinti suma warmi,
janitejj jumajj yatcsta ucqhajja,
tamanacan saräwipa arctam;
ucatsti cabritonacam awatim,
awatirinacan chhujllanacap jac'ana.
Chacha
9Jumajj nayanctawa, suma munasitajja,
jumajj nayataquejj Faraonan carropanquir suma caballopjamätawa.
10¡Ajanumajj cunja sumasa aretenac taypinjja!
¡Cunja jiwaquisa cuncamajja perlanacat lurata collaranac taypinjja!
11¡Kori aretenaca lurarapipjjäma kollkenacampi c'achachata!
Warmi
12Reyejja samarañapan samart'qui ucchañcama,
nardo sat kollajjas sumwa k'aphitati.
13Nayan munatajjajj nayataquejj mirra sat chinur uñtatawa,
ucasti nayan ñuñunacajj taypincapuniwa.
14Munatajjasti nayataquejj utjir alheña sat pankarjamawa,
En-gadi sat uva yapunacana.
Chacha
15¡Munatajjay, cunja muncañätasa!
¡Sinti muncañätawa!
¡Nayranacamasti pä palomanacar uñtatjamawa!
Warmi
16¡Munatajjay, cunja muncañätasa, sinti muncañätawa!
Chacha
¡Ch'ojjña ch'ijinacaw jiwasan iquiñasajja!
17Cedro alinacaw utasana viga lawanacapajja,
uta techosti ciprés sat lawanacat lurataraquiwa.
Currently Selected:
Cantar de los cantares 1: AYOP
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.