Salmos 30
30
Yuspagarañamp Diosar yupaychaña
(Davidan k'ochupa: utap utachañ tucuyjjän ucapacha)
1Tatay, jumaruw jach'añchsma, nayar khespiyatamata,
timanacajjan nayat larusiñapjja, janiw munctati.
2Dios Tatay, jumaruw art'asinsma, jumasti waliptayistawa.
3Tatay, jumaw wiñay jiwañat irpsustajja, wiñay jiwañar mantquirit jactayistajja.
4Tatitun arquirinacapa, jupar k'ochupjjam, kollan sutipar yuspagarapjjam;
5k'apisiñapajj mä juc'ataquiquiwa, munasiñapasti wiñayataquiwa;
jayp'u tokerutejj jachañajj puristanejja, willjta tokerojj cusisiñaw utj- jjestani.
6Nayajj walin jicjjatasisajj säyätwa:
“Janipuniw cunas tincuyquitaniti” sasa.
7Tatay, qhuyapayasiñamaw nayarojj thuruñchitäna, aytat cancañamampi, ch'amamampi;
ucampis ajanum nayatac imantasitam laycuw pächasiñar purta.
8Tatay, jumaruw art'asinsma,
jumaruw achict'asinsma:
9¿Cunarac jiwatajjamp jicjjatasmasti?,
¿cunarac sepulturar mantatajjampist apsusmasti?
Lak'ajj janiw yuspagarquiristamti, janiraquiw asqui cancañamats parlcaspati.
10Tatay, ist'aquitaya, nayat qhuyapt'ayasita,
Tatay, nayar arjjatirejj jutaquimaya.
11Jachañajjarojj cusisiñaruw quipstaytajja,
llaqui is apakasinjja, cusisiñ isimpiw isthapiyistajja;
12Dios Tatay, ucat ajayojjajj jan amuct'as jach'añchañ k'ochunac k'ochuni,
jumarusti wiñayaw yuspagaräma.
Currently Selected:
Salmos 30: AYOP
Highlight
Copy
Compare
Share
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
