Salmos 15
15
Cuntejj Diosajj jaket suyqui uca
(Davidan k'ochupa)
1Tatay, ¿qhitirac kollan utaman jacaspasti?
¿Qhitirac kollan kolluman utjasispasti?
2Qhititejj juch jan luras jacqui uca, ascpun lurqui uca;
qhititejj take chuymamp chekap arsqui uca;
3qhititejj jake masipar jan c'arintqui uca,
jilaparus ñankha jan lurqui uca,
uta jac'a masiparus jan jisc'achqui uca,
4qhititejj ñankha lurañarojj jisc'achqui uca,
Tatitur ajjsartirirus jach'añchqui uca,
qhititejj jan walir purcasas arsutap phokqui uca;
5qhititejj kollke mayt'asin jalaktap jan apsqui uca,
jan juchanir aynacht'ayañatac kollk jan catokasqui uca.
Qhititejj uqham lurasapun sarnakqui ucajja,
janipuniw aynacht'caniti.
Currently Selected:
Salmos 15: AYOP
Highlight
Copy
Compare
Share
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
