Salmos 123
123
Tatitur takpach chuymamp iyawsas mayisiña
(Maqhatäwi k'ochu)
1Tatay, juma tokeruw uñtansma;
juma, alajjpachan jaquiriruw mayisinsma.
2Achict'asiñ chuymampiw Tatit Diosajjarojj uñtapjjta, qhuyapayasiñap suyasa;
uywatanacajj uywiripat suyapqui uqhama,
uywat warmejj uywiripat suyqui uqhama.
Nanacajj Tatitun qhuyapayasiñap suyasipcaracta.
3Qhuyapayasipjjet, Tatay, qhuyapayasipjjeta,
jisc'achat sarnakañampejj karjatäjjapjjtwa.
4Kamirinacajj larch'uquipjjetuwa,
jach'a jach'a tucurinacajj jisc'achapjjetuwa,
ajayojjajj aynacht'atäjjewa.
Currently Selected:
Salmos 123: AYOP
Highlight
Copy
Compare
Share
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
