ZEFANIA KUKHURAANJILILA
KUKHURAANJILILA
Muprofeti Zefania yilwatsa likhuva lia Nyasaye mu shivala shia Yuda, khurula khumuhika kwi tsimia sita na makhomi kane khutukha khumuhika kwi tsimia sita (640-600 KNK), mumatukhu ka Yosia yamihanga Yuda khumuhika kwi tsimia sita na makhomi kane khutukha khumuhika kwi tsimia sita na tisa (640-609 KNK).
Likhuva likali mu milwatso keke liali ndi Nyasaye aliitsa khusalilitsa vandu va Yuda nende vi litaala likali lia Yerusalemi, shichila varumishilanga vanyasaye vu vuvehi. Mumatukhu ka Nyasaye aliitsa khuvasalilitsa, nalwo lwa valiitsa khumanya ndi nalio litukhu livoolwangwa “Litukhu liu Mwami Nyasaye.” Mwami Nyasaye aliitsa khusalilitsa khandi vandu vi tsimbia tsindi. Vindu vienevo nivishili khwikholekha, vandu va Yuda vakanakananga ndi mumatukhu kaliitsa khuvaho, Mwami Nyasaye yali natsitsanga khuvakhola khuva ni tsingulu tsinyishi nu khumulula vatsiku vavo voosi. Navutswa Zefania yavoolela vandu ndi, lwa litukhu liu Mwami Nyasaye aliitsa khukhalachila vandu veve liliitsa khutukha, Mwami Nyasaye aliitsa khusalilitsa shia mundu wosi wambakhananga khuva musuuvilwa khuye. Khali vandu va Yuda nende vandu vi tsimbia tsindi tsiosi valiitsa khusalilitswa. Vandu va Yuda valiitsa khuvula khusalilitswa, niiva valiitsa khulonda malako keke, nu khusaala khuye wonyene.
Kalimu Muvwimbi
Litukhu liu Mwami Nyasaye Aliitsa Khukhalachila Vandu 1:1—2:3
Khuli Vareende va Vaisraeli Vativitswa 2:4-15
Khuli Litaala lia Yerusalemi Liliitsa Khutivitswa nu Khuhonyinywa 3:1-20
Currently Selected:
ZEFANIA KUKHURAANJILILA: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013