ZEFANIA 3
3
Vwoni vwi Litaala Likali lia Yerusalemi
1Wooyi! Uli khuvutiinyu yivi Yerusalemi,
litaala likali lia mahingani khandi liononyinywa,
litambitsanga vandu!
2Lia yikala maroyi;
lia yambakhana khuchelihitswa.
Lia yambakhana khusuuvilila mu Mwami Nyasaye;
khali lia yambakhana khwisuundakhu khu Nyasaye walio.
3Vimilili valio vali khuli tsisimba tsihuma humanga,
vakhalachi veve vali vutswa khuli visusu via halukolovo
valiitsanga shia shindu shiosi shivwa khutukha mu mavwevwe.
4Vaprofeti veve vavula shia vaheendelanga mwoyo khandi ni vavehi;
Vasalisi veve vayononyinya vindu vitakatifu,
khandi vasalilitsanga malako.
5Navutswa Mwami Nyasaye uli mulio nu wi likhola liu vulunji;
avulakhu vutamanu vwosi;
Arweshitsanga katoto keke shia mu mavwevwe,
khandi avula khucheleva shia litukhu,
khali vandu vakholanga vindu vitamanu vavula tsisoni tsiosi.
6Mwami Nyasaye avoolanga,
“Mali khumulula vandu vi tsimbia tsiosi;
tsimbinga tsiavo tsiapomolanyinywa;
nayononyinya tsinjila tsiavo,
khali mundu avulakhuho uchendelanga khutsio.
Mataala kavo karikala mele,
mundu avulakhuho wamenya muko.
7Navoola, ‘Ni kilikali, litaala likali yili liliitsa khumba luyali,
liliitsa khuhuchilila khuchelihitswa;
liliitsa khwitsushitsa matiinyu koosi
ka nachila nilivirilamu.’
Navutswa shia mundu wosi yatsililila khukhola vindu vitamanu muno.”
8Khulwa yako, inzi Mwami Nyasaye mbolanga,
“Mulindilile litukhu lienelo,
lwa niitsa khusinjila nu khuhaana vushiahidi.
Mali khuviritsa litukhu lia niitsa khulaanga halala vandu vi tsimbia tsiosi nende vwami,
khuvasalilitsa khurulana khu vululu vu vurima vwanje;
nu khutivitsa shia shindu shiosi khulilova.
9“Ni kilikali, mumatukhu kenako,
niitsa khukalukhanyinya lilomoloma lia vandu,
valiva nililomoloma lilahi,
khu voosi valisaala khwinzi Mwami Nyasaye
nikanyalikha voosi vasaalanga khuvirila khu lira lianje inzi Mwami Nyasaye,
nu khundumishila nu mwoyo kwosi.
10Vandu vaanje vasaalanga khwinzi, nivali yavo vasalana,
vamenyanga injelekha wi michela chia Etsopia
valiitsa khunderela shihanwa shianje.
11“Khulitukhu lienelo, valiitsa khuvula khuheelwa tsisoni,
shichila vikholwa vienyu vichilanga nu mumbinjitsa;
narulitsa mu munyi vene vandu vilola khandi vichinjililanga,
nu khulekha khwilola nu muli mu Shikulu shianje Shitakatifu.
12Niitsa khulekha mu munyi vandu vichehitsi
khandi vavula likhuva liosi;
valiitsa khwilushila mwinzi Mwami Nyasaye --
13yavo valiitsa khuva ni varikala mu Israeli;
valiitsa khuvula khukhola shindu shitamanu
inoho khulomoloma vuvehi inoho khukaata.
Valiitsa khwayitsayo miruku chiavo nivamenyayo,
mundu avulakhuho uliitsa khuvarishitsa.”
Lwimbo lu Vuyaanzi
14Yivi mundu wa Sayoni, wimbe lwimbo nu mwoyo mukali;
Yivi Israeli, ulaanjilile!
Yivi Yerusalemi, wikhoye khandi usangale!
15Mwami Nyasaye umali khurulitsaho
vindu vichilanga nukhalachilwa;
umali khukhunga vatsiku vovo.
Mwami Nyasaye, uli Mwami wa Israeli ali nivi.
Uliitsa khuvula khuria matiinyu khandi.
16Khulitukhu lienelo, litaala likali lia Yerusalemi lilavoolelwa,
“Yivi Sayoni, lekha khuria;
lekha khuteteshela.
17Mwami Nyasaye, uli Nyasaye wowo ali nivi;
neye uli khuli musikali uchilanga nukuura;
aliitsa khukhwikhoyela nasangala,
alakhumeeta tsingulu shichila wakhuyaanza;
aliitsa khwimba tsinyimbo nu mwoyo mukali shichila yivi,
18khuli khulitukhu liu mulukha kwi lilia.”
Mwami Nyasaye avoolanga, “Niitsa khurulitsa matiinyu mu munyi,
mulivula khunyola tsisoni shichila kenako.
19Mumatukhu kenako, niitsa khusalilitsa vandu voosi vamutambitsanga.
Niitsa khuhonyinya vandu valema,
nu khulaanga halala yavo valaamwa,
khali ngalukhanyinyi tsisoni tsiavo khukwa litsominywa,
nu khuheelwa luyali shia havundu hosi khulilova.
20Mumatukhu kenako, niitsa khumulera hango henyu,
khulitukhu lia mulaanga halala;
ni kilikali, niitsa khuchila muheelwi luyali
nu khwitsominywa mu vandu voosi khulilova,
lwa niitsa khumukalushitsila vuhinda vwenyu.
Inzi Mwami Nyasaye mali khuvoola.”
Currently Selected:
ZEFANIA 3: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
ZEFANIA 3
3
Vwoni vwi Litaala Likali lia Yerusalemi
1Wooyi! Uli khuvutiinyu yivi Yerusalemi,
litaala likali lia mahingani khandi liononyinywa,
litambitsanga vandu!
2Lia yikala maroyi;
lia yambakhana khuchelihitswa.
Lia yambakhana khusuuvilila mu Mwami Nyasaye;
khali lia yambakhana khwisuundakhu khu Nyasaye walio.
3Vimilili valio vali khuli tsisimba tsihuma humanga,
vakhalachi veve vali vutswa khuli visusu via halukolovo
valiitsanga shia shindu shiosi shivwa khutukha mu mavwevwe.
4Vaprofeti veve vavula shia vaheendelanga mwoyo khandi ni vavehi;
Vasalisi veve vayononyinya vindu vitakatifu,
khandi vasalilitsanga malako.
5Navutswa Mwami Nyasaye uli mulio nu wi likhola liu vulunji;
avulakhu vutamanu vwosi;
Arweshitsanga katoto keke shia mu mavwevwe,
khandi avula khucheleva shia litukhu,
khali vandu vakholanga vindu vitamanu vavula tsisoni tsiosi.
6Mwami Nyasaye avoolanga,
“Mali khumulula vandu vi tsimbia tsiosi;
tsimbinga tsiavo tsiapomolanyinywa;
nayononyinya tsinjila tsiavo,
khali mundu avulakhuho uchendelanga khutsio.
Mataala kavo karikala mele,
mundu avulakhuho wamenya muko.
7Navoola, ‘Ni kilikali, litaala likali yili liliitsa khumba luyali,
liliitsa khuhuchilila khuchelihitswa;
liliitsa khwitsushitsa matiinyu koosi
ka nachila nilivirilamu.’
Navutswa shia mundu wosi yatsililila khukhola vindu vitamanu muno.”
8Khulwa yako, inzi Mwami Nyasaye mbolanga,
“Mulindilile litukhu lienelo,
lwa niitsa khusinjila nu khuhaana vushiahidi.
Mali khuviritsa litukhu lia niitsa khulaanga halala vandu vi tsimbia tsiosi nende vwami,
khuvasalilitsa khurulana khu vululu vu vurima vwanje;
nu khutivitsa shia shindu shiosi khulilova.
9“Ni kilikali, mumatukhu kenako,
niitsa khukalukhanyinya lilomoloma lia vandu,
valiva nililomoloma lilahi,
khu voosi valisaala khwinzi Mwami Nyasaye
nikanyalikha voosi vasaalanga khuvirila khu lira lianje inzi Mwami Nyasaye,
nu khundumishila nu mwoyo kwosi.
10Vandu vaanje vasaalanga khwinzi, nivali yavo vasalana,
vamenyanga injelekha wi michela chia Etsopia
valiitsa khunderela shihanwa shianje.
11“Khulitukhu lienelo, valiitsa khuvula khuheelwa tsisoni,
shichila vikholwa vienyu vichilanga nu mumbinjitsa;
narulitsa mu munyi vene vandu vilola khandi vichinjililanga,
nu khulekha khwilola nu muli mu Shikulu shianje Shitakatifu.
12Niitsa khulekha mu munyi vandu vichehitsi
khandi vavula likhuva liosi;
valiitsa khwilushila mwinzi Mwami Nyasaye --
13yavo valiitsa khuva ni varikala mu Israeli;
valiitsa khuvula khukhola shindu shitamanu
inoho khulomoloma vuvehi inoho khukaata.
Valiitsa khwayitsayo miruku chiavo nivamenyayo,
mundu avulakhuho uliitsa khuvarishitsa.”
Lwimbo lu Vuyaanzi
14Yivi mundu wa Sayoni, wimbe lwimbo nu mwoyo mukali;
Yivi Israeli, ulaanjilile!
Yivi Yerusalemi, wikhoye khandi usangale!
15Mwami Nyasaye umali khurulitsaho
vindu vichilanga nukhalachilwa;
umali khukhunga vatsiku vovo.
Mwami Nyasaye, uli Mwami wa Israeli ali nivi.
Uliitsa khuvula khuria matiinyu khandi.
16Khulitukhu lienelo, litaala likali lia Yerusalemi lilavoolelwa,
“Yivi Sayoni, lekha khuria;
lekha khuteteshela.
17Mwami Nyasaye, uli Nyasaye wowo ali nivi;
neye uli khuli musikali uchilanga nukuura;
aliitsa khukhwikhoyela nasangala,
alakhumeeta tsingulu shichila wakhuyaanza;
aliitsa khwimba tsinyimbo nu mwoyo mukali shichila yivi,
18khuli khulitukhu liu mulukha kwi lilia.”
Mwami Nyasaye avoolanga, “Niitsa khurulitsa matiinyu mu munyi,
mulivula khunyola tsisoni shichila kenako.
19Mumatukhu kenako, niitsa khusalilitsa vandu voosi vamutambitsanga.
Niitsa khuhonyinya vandu valema,
nu khulaanga halala yavo valaamwa,
khali ngalukhanyinyi tsisoni tsiavo khukwa litsominywa,
nu khuheelwa luyali shia havundu hosi khulilova.
20Mumatukhu kenako, niitsa khumulera hango henyu,
khulitukhu lia mulaanga halala;
ni kilikali, niitsa khuchila muheelwi luyali
nu khwitsominywa mu vandu voosi khulilova,
lwa niitsa khumukalushitsila vuhinda vwenyu.
Inzi Mwami Nyasaye mali khuvoola.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013