LIVALITSWA 21
21
Vaisraeli Vakuura Vakanaani
1Lwa Mwami wa Vakanaani wamihanga lusomo lwa Aradi khuluveka luli ikuvanda wi shivala shia Kanaani, yahulila ndi Vaisraeli vitsanga khuvirila khu muhaanda kwa Atsarimu, yavakwana, khali nakumila ni tsingulu valala khuvo. 2Nalwo lwa Vaisraeli visuuha khu Mwami Nyasaye, nivavoola, “Niiva ni kilikali, uliitsa khukhuha tsingulu tsiu khukuura vandu yava, khuliitsa khuvamulula nu khutivitsa mataala kavo koosi.” 3Mwami Nyasaye yavahulila, navakhonya khukuura Vakanaani. Nalwo lwa Vaisraeli va vamulula voosi, khandi nivativitsa mataala kavo. Vakulikha havundu henaho lira Horuma #21:3 Horuma: Likhuva yili livoolanga “Litivitswa.”
Musa Yalomba Inzukha Khurula khu Mukasa
4Vaisraeli varula khu Shikulu shia Hori, nivatsia khu muhaanda kutsitsanga khu Inyanza Imuuchi, khuvotokhana lusomo lwa Edomu. Navutswa lwa vali nivali khu muhaanda, vandu vakhutsa mwoyo; 5nivalomoloma vindu vitamanu khu Nyasaye nende Musa. Vavoola, “Shichila shina nu mukhurulitsa mu shivala shia Misri, khukhutsila mu shiangalangwi, mwi shiukhulia inoho matsi kavula yumu? Khuvula khuli khunyala khutsililila khwikhutsila khulia shiukhulia shitamanu yishi!” 6Mwami Nyasaye yaruma tsinzukha tsiu vutsiva mu vandu. Tsialuma Vaisraeli vanyishi, nivakhutsa. 7Vandu vatsia khu Musa, nivamuvoolela, “Khukholi vwoni lwa khulomolome vindu vitamanu khu Mwami Nyasaye nende yivi. Ukhusaalile nunundi khu Mwami Nyasaye khurulitsaho tsinzukha yitsi.” Nalwo lwa Musa yasaalila vandu. 8Mwami Nyasaye yavoolela Musa, “Ulombe inzukha uchire khu musala; shia mundu wosi, wi inzukha iliitsa khuluma naheenzakhu alahona.” 9Nalwo lwa Musa yalomba inzukha khurula khu mukasa, nachira khu musala. Lwa inzukha yalumanga mundu, ma mundu mwenoyo aheenza khu inzukha yalombwa khu mukasa, yahonanga.
Luchendo lwa Vaisraeli
10Vaisraeli vatsililila nu luchendo lwavo, nivasimiikha maheemo kavo ku khumenyamu havundu halaangwangwa Obotsi. 11Lwa varulaho, vasimiikha maheemo kavo ku khumenyamu havundu hali nahapomolwa hakwa lichiinga halaangwangwa Iye Abiramu, hali mwichendanyama khuluveka luli ivukwi wu lusomo lwa Moabu. 12Vasimukha nivatsililila nu luchendo lwavo, nivasimiikha maheemo kavo ku khumenyamu mu Luhoongo lwa Zeredi. 13Varulaho nivisuunda, khandi nivasimiikha maheemo kavo ku khumenyamu, khuluveka luli ivuluka wu Muchela kwa Arunoni, kuli mwichendanyama khutsia khutukha mu shivala shia Vaamori. (Muchela kwa Arunoni, nakwo mupaka kwa Vamoabu nende Vaamori.) 14Nashio shivune shichilanga Shitabu shiahandikwa khu Maahe ku Mwami Nyasaye, nishivoola:
“Litaala lia Wahebu lili mu lusomo lwa Sufa,
nende luhoongo lu Muchela kwa Arunoni,
15nende vikulu vili mu luhoongo lwa vambalala khutukha mu litaala lia Ari,
khutukha khu mupaka kwa Moabu.”
16Varulaho nivatsililila nu luchendo lwavo, nivatsia khutukha havundu halaangwangwa Tsisieveye, wu Mwami Nyasaye yavoolela Musa, “Laanga halala vandu voosi, ninzi vahe matsi.” 17Mumatukhu kenako, Vaisraeli vimba lwimbo yulu,
“Tsisieveye, khuhi matsi kenyu;
khandi khutsitsanga khukimbila lwimbo --
18Isieveye yayeevwa na vaana va vami nende vimilili va vandu,
yayeevwa ni indovoshi yu khwamiha nende tsindovoshi tsiavo.”
Vasimukha nivatsililila nu luchendo lwavo khurula mwichendanyama, nivatsia khutukha mu litaala lia Matana; 19varulamu nivatsia khutukha havundu halaangwangwa Nahalieli; varulaho nivatsia khutukha mu litaala lia Bamotsi; 20varula Bamotsi nivatsia mu luhoongo, luli mu lusomo lwa Vamoabu, hasi hi Shikulu shia Pisiga, khuluveka lundi lwi shiangalangwi.
Vaisraeli Vakuura Mwami Sihoni nende Mwami Ogu
(Litsu 2:26—3:11)
21Nalwo lwa Vaisraeli varuma vandu khutsia khu Mwami Sihoni wa Vaamori, khumuvoolela, 22“Lekha khukhalakanyile mu shivala shioshio. Khutsi ni tsing'ombe tsieru khulalekha khusila muhaanda, khwinjila mu milimi chienyu inoho mu milimi chienyu chi misabibu, khandi khulalekha khung'wa matsi mu tsisieveye tsienyu. Khutsitsanga khuchenda vutswa khu muhaanda mukali, khutukha lwa khurula mu lusomo lwolwo.” 23Navutswa Mwami Sihoni yikalila Vaisraeli, khukhalakanyila mu lusomo lwelwe. Yalaanga halala vasikali veve natsia, navo mu litaala lia Yahazi lili mwichendanyama; khali nakwana Vaisraeli. 24Navutswa Vaisraeli vamwiira, khandi nivamenya mu shivala shieshie, khuraanjila khu Muchela kwa Arunoni kuluveka luli ivuluka khutsia khutukha mu litaala lia Yaboku, nakhwo khuvoola khu Vaamoni, shichila mupaka kwa Vaamoni, kwali kwalindwa vulahi muno. 25Nalwo lwa Vaisraeli vavukula ni tsingulu mataala makali koosi ka Vaamoni, khali litaala likali lia Heshiboni nende mataala koosi kali himbi khulio; nivamenyamu. 26Litaala lia Heshiboni nalio liali litaala likali liu Mwami Sihoni wa Vaamori. Mwami Sihoni wa Vaamori yali wakwanakhu khale Mwami wa Vamoabu. Yali wavukula ni tsingulu shivala shieshie shiosi, khali khutukha khu Muchela kwa Arunoni. 27Nako kachilanga vimbi vi tsinyimbo nivimba,
“Hambi Heshiboni, leshi khuliumbashe,
leshi litaala likali liu Mwami Sihoni live nu vuhinda!
28Mulilu kwarula mu litaala lia Heshiboni,
tsimemo tsiu mulilu khurula mu litaala lia Sihoni,
kwativitsa litaala lia Ari mu lusomo lwa Moabu,
nu kwononyinya vikulu viu Muchela kwa Arunoni.
29Wooyi, muli khuvutiinyu munyi Vamoabu!
Munyi vasaalanga khu nyasaye wenyu Chemoshi, mumali khutivitswa!
Neye wachila numwilushila mu shivala shindi,
khali vandu vakhali khukumilwa khuli vavohe,
vu Mwami Sihoni wa Vaamori.
30Navutswa nunundi vitsukhulu vavo, vamali khutivitswa,
khuraanjila Heshiboni khutsia khutukha Diboni,
khuraanjila mu litaala lia Nasimu khutukha Nafa, himbi Medeba.”
31Nalwo lwa Vaisraeli vamenya mu lusomo lwa Vaamori. 32Musa yaruma vandu khutsia khurunishitsa injila indahi, ya vanyala khuvirilamu nivatsia khukwana vandu vi litaala lia Yazeri. Vaisraeli vavukula ni tsingulu litaala lienelo, nende michitsi chili himbi khulio; nivakhungamu Vaamori, vali nivamenyamu.
33Nalwo lwa Vaisraeli vakomokha, nivalonda khu muhaanda kutsitsanga Bashani. Mwami Ogu wa Bashani yaroonjela na vasikali veve, khutsia khukwana Vaisraeli havundu halaangwangwa Edurehi. 34Navutswa Mwami Nyasaye yavoolela Musa, “Lekha khumuria. Mali khukhuha tsingulu tsiu khumukuura ye, vandu veve voosi, nende shivala shieshie. Uliitsa khumukhola, khuli wakhola Mwami Sihoni wa Vaamori, wamihanga nali Heshiboni.” 35Nalwo lwa Vaisraeli viira Mwami Ogu, vaana veve vi shiyayi, halala na vandu veve voosi; mundu avulakhuho khali mulala khuvo, wihonolokhakhu. Nalwo lwa vavukula shivala shieshie, nivamenyamu.
Currently Selected:
LIVALITSWA 21: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LIVALITSWA 21
21
Vaisraeli Vakuura Vakanaani
1Lwa Mwami wa Vakanaani wamihanga lusomo lwa Aradi khuluveka luli ikuvanda wi shivala shia Kanaani, yahulila ndi Vaisraeli vitsanga khuvirila khu muhaanda kwa Atsarimu, yavakwana, khali nakumila ni tsingulu valala khuvo. 2Nalwo lwa Vaisraeli visuuha khu Mwami Nyasaye, nivavoola, “Niiva ni kilikali, uliitsa khukhuha tsingulu tsiu khukuura vandu yava, khuliitsa khuvamulula nu khutivitsa mataala kavo koosi.” 3Mwami Nyasaye yavahulila, navakhonya khukuura Vakanaani. Nalwo lwa Vaisraeli va vamulula voosi, khandi nivativitsa mataala kavo. Vakulikha havundu henaho lira Horuma #21:3 Horuma: Likhuva yili livoolanga “Litivitswa.”
Musa Yalomba Inzukha Khurula khu Mukasa
4Vaisraeli varula khu Shikulu shia Hori, nivatsia khu muhaanda kutsitsanga khu Inyanza Imuuchi, khuvotokhana lusomo lwa Edomu. Navutswa lwa vali nivali khu muhaanda, vandu vakhutsa mwoyo; 5nivalomoloma vindu vitamanu khu Nyasaye nende Musa. Vavoola, “Shichila shina nu mukhurulitsa mu shivala shia Misri, khukhutsila mu shiangalangwi, mwi shiukhulia inoho matsi kavula yumu? Khuvula khuli khunyala khutsililila khwikhutsila khulia shiukhulia shitamanu yishi!” 6Mwami Nyasaye yaruma tsinzukha tsiu vutsiva mu vandu. Tsialuma Vaisraeli vanyishi, nivakhutsa. 7Vandu vatsia khu Musa, nivamuvoolela, “Khukholi vwoni lwa khulomolome vindu vitamanu khu Mwami Nyasaye nende yivi. Ukhusaalile nunundi khu Mwami Nyasaye khurulitsaho tsinzukha yitsi.” Nalwo lwa Musa yasaalila vandu. 8Mwami Nyasaye yavoolela Musa, “Ulombe inzukha uchire khu musala; shia mundu wosi, wi inzukha iliitsa khuluma naheenzakhu alahona.” 9Nalwo lwa Musa yalomba inzukha khurula khu mukasa, nachira khu musala. Lwa inzukha yalumanga mundu, ma mundu mwenoyo aheenza khu inzukha yalombwa khu mukasa, yahonanga.
Luchendo lwa Vaisraeli
10Vaisraeli vatsililila nu luchendo lwavo, nivasimiikha maheemo kavo ku khumenyamu havundu halaangwangwa Obotsi. 11Lwa varulaho, vasimiikha maheemo kavo ku khumenyamu havundu hali nahapomolwa hakwa lichiinga halaangwangwa Iye Abiramu, hali mwichendanyama khuluveka luli ivukwi wu lusomo lwa Moabu. 12Vasimukha nivatsililila nu luchendo lwavo, nivasimiikha maheemo kavo ku khumenyamu mu Luhoongo lwa Zeredi. 13Varulaho nivisuunda, khandi nivasimiikha maheemo kavo ku khumenyamu, khuluveka luli ivuluka wu Muchela kwa Arunoni, kuli mwichendanyama khutsia khutukha mu shivala shia Vaamori. (Muchela kwa Arunoni, nakwo mupaka kwa Vamoabu nende Vaamori.) 14Nashio shivune shichilanga Shitabu shiahandikwa khu Maahe ku Mwami Nyasaye, nishivoola:
“Litaala lia Wahebu lili mu lusomo lwa Sufa,
nende luhoongo lu Muchela kwa Arunoni,
15nende vikulu vili mu luhoongo lwa vambalala khutukha mu litaala lia Ari,
khutukha khu mupaka kwa Moabu.”
16Varulaho nivatsililila nu luchendo lwavo, nivatsia khutukha havundu halaangwangwa Tsisieveye, wu Mwami Nyasaye yavoolela Musa, “Laanga halala vandu voosi, ninzi vahe matsi.” 17Mumatukhu kenako, Vaisraeli vimba lwimbo yulu,
“Tsisieveye, khuhi matsi kenyu;
khandi khutsitsanga khukimbila lwimbo --
18Isieveye yayeevwa na vaana va vami nende vimilili va vandu,
yayeevwa ni indovoshi yu khwamiha nende tsindovoshi tsiavo.”
Vasimukha nivatsililila nu luchendo lwavo khurula mwichendanyama, nivatsia khutukha mu litaala lia Matana; 19varulamu nivatsia khutukha havundu halaangwangwa Nahalieli; varulaho nivatsia khutukha mu litaala lia Bamotsi; 20varula Bamotsi nivatsia mu luhoongo, luli mu lusomo lwa Vamoabu, hasi hi Shikulu shia Pisiga, khuluveka lundi lwi shiangalangwi.
Vaisraeli Vakuura Mwami Sihoni nende Mwami Ogu
(Litsu 2:26—3:11)
21Nalwo lwa Vaisraeli varuma vandu khutsia khu Mwami Sihoni wa Vaamori, khumuvoolela, 22“Lekha khukhalakanyile mu shivala shioshio. Khutsi ni tsing'ombe tsieru khulalekha khusila muhaanda, khwinjila mu milimi chienyu inoho mu milimi chienyu chi misabibu, khandi khulalekha khung'wa matsi mu tsisieveye tsienyu. Khutsitsanga khuchenda vutswa khu muhaanda mukali, khutukha lwa khurula mu lusomo lwolwo.” 23Navutswa Mwami Sihoni yikalila Vaisraeli, khukhalakanyila mu lusomo lwelwe. Yalaanga halala vasikali veve natsia, navo mu litaala lia Yahazi lili mwichendanyama; khali nakwana Vaisraeli. 24Navutswa Vaisraeli vamwiira, khandi nivamenya mu shivala shieshie, khuraanjila khu Muchela kwa Arunoni kuluveka luli ivuluka khutsia khutukha mu litaala lia Yaboku, nakhwo khuvoola khu Vaamoni, shichila mupaka kwa Vaamoni, kwali kwalindwa vulahi muno. 25Nalwo lwa Vaisraeli vavukula ni tsingulu mataala makali koosi ka Vaamoni, khali litaala likali lia Heshiboni nende mataala koosi kali himbi khulio; nivamenyamu. 26Litaala lia Heshiboni nalio liali litaala likali liu Mwami Sihoni wa Vaamori. Mwami Sihoni wa Vaamori yali wakwanakhu khale Mwami wa Vamoabu. Yali wavukula ni tsingulu shivala shieshie shiosi, khali khutukha khu Muchela kwa Arunoni. 27Nako kachilanga vimbi vi tsinyimbo nivimba,
“Hambi Heshiboni, leshi khuliumbashe,
leshi litaala likali liu Mwami Sihoni live nu vuhinda!
28Mulilu kwarula mu litaala lia Heshiboni,
tsimemo tsiu mulilu khurula mu litaala lia Sihoni,
kwativitsa litaala lia Ari mu lusomo lwa Moabu,
nu kwononyinya vikulu viu Muchela kwa Arunoni.
29Wooyi, muli khuvutiinyu munyi Vamoabu!
Munyi vasaalanga khu nyasaye wenyu Chemoshi, mumali khutivitswa!
Neye wachila numwilushila mu shivala shindi,
khali vandu vakhali khukumilwa khuli vavohe,
vu Mwami Sihoni wa Vaamori.
30Navutswa nunundi vitsukhulu vavo, vamali khutivitswa,
khuraanjila Heshiboni khutsia khutukha Diboni,
khuraanjila mu litaala lia Nasimu khutukha Nafa, himbi Medeba.”
31Nalwo lwa Vaisraeli vamenya mu lusomo lwa Vaamori. 32Musa yaruma vandu khutsia khurunishitsa injila indahi, ya vanyala khuvirilamu nivatsia khukwana vandu vi litaala lia Yazeri. Vaisraeli vavukula ni tsingulu litaala lienelo, nende michitsi chili himbi khulio; nivakhungamu Vaamori, vali nivamenyamu.
33Nalwo lwa Vaisraeli vakomokha, nivalonda khu muhaanda kutsitsanga Bashani. Mwami Ogu wa Bashani yaroonjela na vasikali veve, khutsia khukwana Vaisraeli havundu halaangwangwa Edurehi. 34Navutswa Mwami Nyasaye yavoolela Musa, “Lekha khumuria. Mali khukhuha tsingulu tsiu khumukuura ye, vandu veve voosi, nende shivala shieshie. Uliitsa khumukhola, khuli wakhola Mwami Sihoni wa Vaamori, wamihanga nali Heshiboni.” 35Nalwo lwa Vaisraeli viira Mwami Ogu, vaana veve vi shiyayi, halala na vandu veve voosi; mundu avulakhuho khali mulala khuvo, wihonolokhakhu. Nalwo lwa vavukula shivala shieshie, nivamenyamu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013