LIVALITSWA 19
19
Mulukha ku Khurulitsaho Vwoni
1Mwami Nyasaye yavoolela Musa nende Haruni, 2“Yaka nako mechitso, khulondokhana khu malako, ka inzi Mwami Nyasaye mbolanga: Voolela Vaisraeli vakhulerele shimoli shimosi shi imuuchi, vuchila vutavata viosi inoho imbala yosi; khandi shia vali nivashili khulimilakhu khu muchochi. 3Muliitsa khuvukula shimoli shimosi shienesho, muhe musalisi Eliazari. Shiliitsa khuhilwa ihale wene, khurula mu maheemo ka vandu vamenyamu; nu khusinzwa imbeli wa Eliazari. 4Eliazari aliitsa khuvukula malala khu masahi ki shimoli shimosi shienesho ni shitere shieshie, makamitse hali saba imbeli wi Liheemo Litakatifu. 5Muruku kwosi, khali khumeetakhu liseelo, inyama, masahi, na maala, viliitsa khusambwa imbeli wu musalisi. 6Musalisi aliitsa khuvukula musala kwa ceda, lusia lwa hisopu nende mukoye mumuuchi, nu khuvisiuva mu mulilu. 7Namali khukhola kenako, aliitsa khufuya tsinguvu tsietsie; khali khwisinga na matsi. Niyakhamala khukhola ndio, nalwo lwa anyala khwinjila mu maheemo ka vandu vamenyamu; navutswa aliitsa khuva woneshe khutukha halukolovo. 8Mundu uliitsa khuva nasambi shimoli shimosi shienesho, aliitsa khufuya tsinguvu tsietsie, nu khwisinga na matsi. Khali ye khandi aliitsa khuva woneshe khutukha halukolovo. 9Mundu uli munihu khulondokhana khu mulukha, neye uliitsa khuvunjelitsa likooshe li shimoli shimosi shiasambwa nu khulivikha havundu halahi, khulondokhana khu mulukha ihale wene, khurula mu maheemo ka vandu vamenyamu. Vaisraeli voosi valiitsa khulivikha khurumishila khulomba matsi, ku khukholela mulukha ku khwinihitsa. Mulukha yuku kuliitsa khurulitsa vandu mu vwoni. 10Mundu wa vunjelitsanga likooshe li shimoli shimosi, aliitsa khufuya tsinguvu tsietsie; navutswa khali ye, aliitsa khuva woneshe khutukha halukolovo. Lilako yili lilatsililila khulondwa khumatukhu koosi kaliitsa khuvaho, khali khu Vaisraeli nende vandu vacheni vamenyanga navo.
Ka Vanyala Khukhola Mundu Natiili khu Mmbili ku Mukhutsu
11“Mundu utiila khu mmbili ku mukhutsu, aliitsa khuva woneshe khumatukhu saba. 12Aliitsa khwinihitsa mwene na matsi ku khunihitsa, khulitukhu lia khavaka khandi khulitukhu lia saba, mave munihu. Niiva aliitsa khuvula khwinihitsa mwene, khulitukhu lia khavaka khandi khulitukhu lia saba, aliitsa khuva woneshe. 13Mundu utiila khu mmbili ku mukhutsu, khali khuvula khwinihitsa mwene, aliitsa khuva woneshe; shichila matsi ku khunihitswa kashili khumitswakhu khuye. Umali khwononyinywa Liheemo Litakatifu liu Mwami Nyasaye, khandi aliitsa khukhungwa mu vandu va Nyasaye.
14“Niiva mundu aliitsa khukhutsila mu liheemo, shia mundu wosi uliitsa khuva nali mu liheemo lienelo, lwa mundu mwenoyo ava niyakhutsa inoho winjilakhu mulio, aliitsa khuva woneshe khumatukhu saba; 15khandi shindu shiosi shialaminywa, shivula shikhunikho mu liheemo lienelo, shiliitsa khuva shioneshe. 16Niiva mundu aliitsa khutiila khu mmbili ku mundu wiirwa, inoho wakhutsa vuchila vulwale vwosi, inoho khutiila khu shikuumba shiu mundu inoho khu shilindwa, aliitsa khuva woneshe khumatukhu saba.
17“Nu mwenyi khukhola mundu woneshe khuva munihu, muliitsa khuvukula likooshe litititi khurula khu shimoli shihunwa shi shihanwa shiu khusambwa khurulitsaho vwoni ma mure mu inyungu, nu khutsukhamu matsi kashindi. 18Lukhuraanga lwene, mundu wundi munihu khulondokhana khu mulukha, aliitsa khuvukula lusia lwa hisopu, nu khulwinikha mu matsi, makamitse khu liheemo; khandi khu shia shindu shiosi shili mulio, khandi khu vandu valiitsa khuva nivaliho. Lulondakhu, mundu wundi munihu khulondokhana khu mulukha, aliitsa khumitsa matsi kenako khu mundu watiila khu shikuumba shiu mundu, inoho khu mmbili ku mukhutsu inoho khu shilindwa. 19Mundu munihu aliitsa khumitsa matsi khu mundu woneshe mwenoyo, khulitukhu lia khavaka khandi khulitukhu lia saba; nu khumukhola khuva munihu, khulitukhu lia saba. Mundu wakholwa khuva munihu aliitsa khufuya tsinguvu tsietsie, nu khwisinga na matsi. Aliitsa khuva munihu khulukolovo khwenokho.
20“Navutswa mundu woneshe khulondokhana khu mulukha, vuchila khwikhola khuva munihu, aliitsa khutsililila khuva woneshe; shichila ashili khumitswa na matsi ku khunihitswa. Yononyinyanga Liheemo Litakatifu liu Mwami Nyasaye, khandi aliitsa khukhungwa khurula mu vandu va Nyasaye. 21Muliitsa khulonda mechitso kenako, khumatukhu koosi kaliitsa khuvaho. Mundu umitsanga matsi ku khunihitswa, alafuye tsinguvu tsietsie khandi. Mundu uliitsa khutiila khu matsi kenako alatsililila khuva woneshe khutukha halukolovo. 22Shindu shiosi shiu mundu woneshe atiilakhu, shiliitsa khuva shioneshe. Mundu wundi wosi uliitsa khutiilakhu, alatsililila khuva woneshe khutukha halukolovo.”
Currently Selected:
LIVALITSWA 19: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LIVALITSWA 19
19
Mulukha ku Khurulitsaho Vwoni
1Mwami Nyasaye yavoolela Musa nende Haruni, 2“Yaka nako mechitso, khulondokhana khu malako, ka inzi Mwami Nyasaye mbolanga: Voolela Vaisraeli vakhulerele shimoli shimosi shi imuuchi, vuchila vutavata viosi inoho imbala yosi; khandi shia vali nivashili khulimilakhu khu muchochi. 3Muliitsa khuvukula shimoli shimosi shienesho, muhe musalisi Eliazari. Shiliitsa khuhilwa ihale wene, khurula mu maheemo ka vandu vamenyamu; nu khusinzwa imbeli wa Eliazari. 4Eliazari aliitsa khuvukula malala khu masahi ki shimoli shimosi shienesho ni shitere shieshie, makamitse hali saba imbeli wi Liheemo Litakatifu. 5Muruku kwosi, khali khumeetakhu liseelo, inyama, masahi, na maala, viliitsa khusambwa imbeli wu musalisi. 6Musalisi aliitsa khuvukula musala kwa ceda, lusia lwa hisopu nende mukoye mumuuchi, nu khuvisiuva mu mulilu. 7Namali khukhola kenako, aliitsa khufuya tsinguvu tsietsie; khali khwisinga na matsi. Niyakhamala khukhola ndio, nalwo lwa anyala khwinjila mu maheemo ka vandu vamenyamu; navutswa aliitsa khuva woneshe khutukha halukolovo. 8Mundu uliitsa khuva nasambi shimoli shimosi shienesho, aliitsa khufuya tsinguvu tsietsie, nu khwisinga na matsi. Khali ye khandi aliitsa khuva woneshe khutukha halukolovo. 9Mundu uli munihu khulondokhana khu mulukha, neye uliitsa khuvunjelitsa likooshe li shimoli shimosi shiasambwa nu khulivikha havundu halahi, khulondokhana khu mulukha ihale wene, khurula mu maheemo ka vandu vamenyamu. Vaisraeli voosi valiitsa khulivikha khurumishila khulomba matsi, ku khukholela mulukha ku khwinihitsa. Mulukha yuku kuliitsa khurulitsa vandu mu vwoni. 10Mundu wa vunjelitsanga likooshe li shimoli shimosi, aliitsa khufuya tsinguvu tsietsie; navutswa khali ye, aliitsa khuva woneshe khutukha halukolovo. Lilako yili lilatsililila khulondwa khumatukhu koosi kaliitsa khuvaho, khali khu Vaisraeli nende vandu vacheni vamenyanga navo.
Ka Vanyala Khukhola Mundu Natiili khu Mmbili ku Mukhutsu
11“Mundu utiila khu mmbili ku mukhutsu, aliitsa khuva woneshe khumatukhu saba. 12Aliitsa khwinihitsa mwene na matsi ku khunihitsa, khulitukhu lia khavaka khandi khulitukhu lia saba, mave munihu. Niiva aliitsa khuvula khwinihitsa mwene, khulitukhu lia khavaka khandi khulitukhu lia saba, aliitsa khuva woneshe. 13Mundu utiila khu mmbili ku mukhutsu, khali khuvula khwinihitsa mwene, aliitsa khuva woneshe; shichila matsi ku khunihitswa kashili khumitswakhu khuye. Umali khwononyinywa Liheemo Litakatifu liu Mwami Nyasaye, khandi aliitsa khukhungwa mu vandu va Nyasaye.
14“Niiva mundu aliitsa khukhutsila mu liheemo, shia mundu wosi uliitsa khuva nali mu liheemo lienelo, lwa mundu mwenoyo ava niyakhutsa inoho winjilakhu mulio, aliitsa khuva woneshe khumatukhu saba; 15khandi shindu shiosi shialaminywa, shivula shikhunikho mu liheemo lienelo, shiliitsa khuva shioneshe. 16Niiva mundu aliitsa khutiila khu mmbili ku mundu wiirwa, inoho wakhutsa vuchila vulwale vwosi, inoho khutiila khu shikuumba shiu mundu inoho khu shilindwa, aliitsa khuva woneshe khumatukhu saba.
17“Nu mwenyi khukhola mundu woneshe khuva munihu, muliitsa khuvukula likooshe litititi khurula khu shimoli shihunwa shi shihanwa shiu khusambwa khurulitsaho vwoni ma mure mu inyungu, nu khutsukhamu matsi kashindi. 18Lukhuraanga lwene, mundu wundi munihu khulondokhana khu mulukha, aliitsa khuvukula lusia lwa hisopu, nu khulwinikha mu matsi, makamitse khu liheemo; khandi khu shia shindu shiosi shili mulio, khandi khu vandu valiitsa khuva nivaliho. Lulondakhu, mundu wundi munihu khulondokhana khu mulukha, aliitsa khumitsa matsi kenako khu mundu watiila khu shikuumba shiu mundu, inoho khu mmbili ku mukhutsu inoho khu shilindwa. 19Mundu munihu aliitsa khumitsa matsi khu mundu woneshe mwenoyo, khulitukhu lia khavaka khandi khulitukhu lia saba; nu khumukhola khuva munihu, khulitukhu lia saba. Mundu wakholwa khuva munihu aliitsa khufuya tsinguvu tsietsie, nu khwisinga na matsi. Aliitsa khuva munihu khulukolovo khwenokho.
20“Navutswa mundu woneshe khulondokhana khu mulukha, vuchila khwikhola khuva munihu, aliitsa khutsililila khuva woneshe; shichila ashili khumitswa na matsi ku khunihitswa. Yononyinyanga Liheemo Litakatifu liu Mwami Nyasaye, khandi aliitsa khukhungwa khurula mu vandu va Nyasaye. 21Muliitsa khulonda mechitso kenako, khumatukhu koosi kaliitsa khuvaho. Mundu umitsanga matsi ku khunihitswa, alafuye tsinguvu tsietsie khandi. Mundu uliitsa khutiila khu matsi kenako alatsililila khuva woneshe khutukha halukolovo. 22Shindu shiosi shiu mundu woneshe atiilakhu, shiliitsa khuva shioneshe. Mundu wundi wosi uliitsa khutiilakhu, alatsililila khuva woneshe khutukha halukolovo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013