MIKA 5
5
Mwamihi Walaakwa Khurula Betselehemu
1Nunundi wavotokhanwa ni lisisi;
Vatsiku vakhuvotokhana;
vashiuti mwamihi wa Israeli ni indovoshi
khu luseeye lwelwe.
2Mwami Nyasaye avoolanga,
Navutswa yivi Betselehemu mu lusomo lwa Efuratsa,
yivi uli muti mwene mu vandu vi tsinzu tsia Yuda,
nikhali mwamihi aliitsa khurula mu yivi
uliitsa khwamiha Israeli havukono hanje.
Liiva lielie lialiho khurula khale
khuraanjila mumatukhu kavira.
3Khali ndio, Nyasaye aliitsa khulekha vandu veve khu vatsiku vavo,
khutukha khulitukhu lia mukhali waheelitsa aliitsa khwivula mwana.
Nalwo lwa vamwavo veve varikala valiitsa khukalukha
vahambane na Vaisraeli veshie.
4Mwamihi mwenoyo niyamihe vandu veve mu tsingulu tsiu Mwami Nyasaye,
khandi mu vunyali vwa Nyasaye wewe.
Vandu veve valiitsa khumenya vulahi
shichila aliitsa khuheelwa luyali lunyishi muno
khutukha shia havundu hosi khulilova.
5Neye uliitsa khulera milembe.
Likuura nende Lisalilitswa
Lwa Vashuria vaseera shivala shieru khukhukwana,
nalwo lwa khuruma vamihi saba khuvakwana,
halala na vimilili munane vanyala khukhwimilila.
6Valiitsa khwamiha Ashuria ni shivavi
khandi shivala shia Nimurodi niviyavaale shivavi.
Valiitsa khuhonyinya khurula khu Ashuria
nivinjila mu shivala shieru
inoho nivisuunda khu mipaka chieru.
7Vitsukhulu va Yakobo vamenya mu vandu vanyishi,
valiitsa khukwa khuli liime khurula khu Mwami Nyasaye,
khuli imbula iroonyanga khu vunyasi,
vwa vandu vakhaheenzeshitsanga
inoho vulindililanga mundu khu vumeele tawe.
8Vitsukhulu voosi varikala va Yakobo mu vivala via valimu,
valiitsa khusalana mu vandu vanyishi,
valiitsa khukwa khuli isimba mu tsinyama tsiumbulimu;
khuli mwana wi isimba mu shiayo shia makondi,
lwa ichendanga nitsia iseenelanga hasi shia shindu shiosi
khandi itwelanyinya, vuchila mundu unyala khushihonyinya.
9Muliitsa khukwana vatsiku venyu,
navo voosi valiitsa khutivitswa.
10Mwami Nyasaye avoolanga,
“Mumatukhu kenako, niitsa khutivitsa tsifarasi tsienyu
nu khutivitsa makaare kenyu kiliihe.
11Niitsa khupomolanyinya mataala ki shivala shienyu,
khali sambulanyinyi tsimbinga tsienyu tsiosi.
12Niitsa khutivitsa vuloochi khurula mu shivala shienyu;
mulivula khuva nu mukhumu wosi.
13Niitsa khutivitsa vifwanani vienyu
nende machina matakatifu kenyu,
khu mulivula khusaalakhu khuvio
nivili via vene mwalomba na makhono kenyu.
14Niitsa khusambulanyinya vifwanani via Ashera mu shivala shienyu,
nu khutivitsa mataala kenyu.”
15Niitsa khuvanzila mu vurima vwanje nende vululu,
vivala viambakhananga khulonda malako kaanje.
Currently Selected:
MIKA 5: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
MIKA 5
5
Mwamihi Walaakwa Khurula Betselehemu
1Nunundi wavotokhanwa ni lisisi;
Vatsiku vakhuvotokhana;
vashiuti mwamihi wa Israeli ni indovoshi
khu luseeye lwelwe.
2Mwami Nyasaye avoolanga,
Navutswa yivi Betselehemu mu lusomo lwa Efuratsa,
yivi uli muti mwene mu vandu vi tsinzu tsia Yuda,
nikhali mwamihi aliitsa khurula mu yivi
uliitsa khwamiha Israeli havukono hanje.
Liiva lielie lialiho khurula khale
khuraanjila mumatukhu kavira.
3Khali ndio, Nyasaye aliitsa khulekha vandu veve khu vatsiku vavo,
khutukha khulitukhu lia mukhali waheelitsa aliitsa khwivula mwana.
Nalwo lwa vamwavo veve varikala valiitsa khukalukha
vahambane na Vaisraeli veshie.
4Mwamihi mwenoyo niyamihe vandu veve mu tsingulu tsiu Mwami Nyasaye,
khandi mu vunyali vwa Nyasaye wewe.
Vandu veve valiitsa khumenya vulahi
shichila aliitsa khuheelwa luyali lunyishi muno
khutukha shia havundu hosi khulilova.
5Neye uliitsa khulera milembe.
Likuura nende Lisalilitswa
Lwa Vashuria vaseera shivala shieru khukhukwana,
nalwo lwa khuruma vamihi saba khuvakwana,
halala na vimilili munane vanyala khukhwimilila.
6Valiitsa khwamiha Ashuria ni shivavi
khandi shivala shia Nimurodi niviyavaale shivavi.
Valiitsa khuhonyinya khurula khu Ashuria
nivinjila mu shivala shieru
inoho nivisuunda khu mipaka chieru.
7Vitsukhulu va Yakobo vamenya mu vandu vanyishi,
valiitsa khukwa khuli liime khurula khu Mwami Nyasaye,
khuli imbula iroonyanga khu vunyasi,
vwa vandu vakhaheenzeshitsanga
inoho vulindililanga mundu khu vumeele tawe.
8Vitsukhulu voosi varikala va Yakobo mu vivala via valimu,
valiitsa khusalana mu vandu vanyishi,
valiitsa khukwa khuli isimba mu tsinyama tsiumbulimu;
khuli mwana wi isimba mu shiayo shia makondi,
lwa ichendanga nitsia iseenelanga hasi shia shindu shiosi
khandi itwelanyinya, vuchila mundu unyala khushihonyinya.
9Muliitsa khukwana vatsiku venyu,
navo voosi valiitsa khutivitswa.
10Mwami Nyasaye avoolanga,
“Mumatukhu kenako, niitsa khutivitsa tsifarasi tsienyu
nu khutivitsa makaare kenyu kiliihe.
11Niitsa khupomolanyinya mataala ki shivala shienyu,
khali sambulanyinyi tsimbinga tsienyu tsiosi.
12Niitsa khutivitsa vuloochi khurula mu shivala shienyu;
mulivula khuva nu mukhumu wosi.
13Niitsa khutivitsa vifwanani vienyu
nende machina matakatifu kenyu,
khu mulivula khusaalakhu khuvio
nivili via vene mwalomba na makhono kenyu.
14Niitsa khusambulanyinya vifwanani via Ashera mu shivala shienyu,
nu khutivitsa mataala kenyu.”
15Niitsa khuvanzila mu vurima vwanje nende vululu,
vivala viambakhananga khulonda malako kaanje.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013