YONA 3
3
Yona Yatsia Nineve
1Mwami Nyasaye yalomoloma lwa khavili khu Yona; navoola, 2“Simukha utsi mu litaala lia Nineve, wilwatsile vandu likhuva lia khuvoolela.” 3Yona yasimukha natsia Nineve, khulondokhana khuli Mwami Nyasaye yali navooli.
Mumatukhu kenako, Nineve liali litaala likali liene, khali vandu vavukulanga matukhu kavaka khukhalakanyila mulio. 4Yona yaraanga luchendo lu khutsia mu litaala likali, nululi luchendo luvukulanga litukhu lilala. Nalwo lwa Yona yilwatsa, navoola, “Karikale matukhu makhomi kane, khuraanjila nunundi litaala lia Nineve khutivitswa!”
5Vandu vi litaala lia Nineve vasuuvila mu Nyasaye; vaviritsa ndi shia mulala ahonje vuchila khulia; khandi vandu voosi, vakali khu vati vifwale tsinguvu tsia makunia khuli shimanyilu shiu khwikanila.
6Lwa Mwami wa Nineve yavoolelwa makhuva kenako, yasinjila khu shisoko shieshie shiu vwami, nanavula ikaanzu yeye yu vwami. Yifwala inguvu yi likunia niyikhala mu likooshe. 7Mwami wa Nineve yalomoloma likhuva, khali likhuva lienelo nilihandichilwa vandu va Nineve voosi, “Yili nalio lilako lirulanga khwinzi Mwami wa Nineve halala na vimilili va khwamihanga navo: ‘Khuvuli khulolakhu mundu inoho inyama yumbulimu, ing'ombe inoho likondi niviliitsanga shindu shiosi. Muvuli khuvihuchililakhu khulia inoho khung'wakhu matsi. 8Navutswa uhaane lilako khu vandu vifwale tsinguvu tsia makunia khandi tsinyama tsiumbulimu khukhunikhwa na makunia, khandi vandu vasaale ni tsingulu tsiosi khu Nyasaye. Voolela shia mulala alekhane nu vwoni nende vutamanu. 9Ni viina umanyi? Haundi, Nyasaye anyala khukalukhanyinya inganakani yeye, akhuvele tsimbavasi, khuvula khusalilitswa.’ ”
10Lwa Nyasaye yalola ka vali nivakholi, khuli vali nivalekhane ni likhola litamanu, yakalukhanyinya inganakani ya yali nayo yu khuvasalilitsa, khuli lwa yali navooli aliitsa khukhola; nalekha khuvakhola ndio.
Currently Selected:
YONA 3: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
