LITSUSHITSWA 6
6
Lilako Likali Muno
1“Yaka nako malako, mechitso nende mivaalo ku Mwami Nyasaye, uli Nyasaye wenyu yambolela mwechitsi; lwa muliitsa khuva numuli mu shivala, shia muli himbi khutsia khwinjila khumenyamu. 2Khumatukhu koosi ka muliitsa khuva numushili mwoyo, munyi nende vitsukhulu venyu muliitsa khuha Mwami Nyasaye, uli Nyasaye wenyu luyali; khandi muliitsa khulonda malako keke, ka muheetsanga koosi, mu limenya mu shivala shienesho khumatukhu manyishi. 3Munyi Vaisraeli, muhulishitsi, mamuve vacheli khukalonda, khu mu limenya vulahi; khandi mulivulana mu vunyishi mu shivala shi lilova lilahi khandi shinuulu, nende vushi, khuli Mwami Nyasaye, uli Nyasaye wa vakuuka venyu yalaaka aliitsa khumukholela.
4“Munyi Vaisraeli, muhulishitsi makhuva yaka! Mwami Nyasaye, uli Nyasaye weru, neye Mwami Nyasaye wonyene. 5Muyaanze Mwami Nyasaye, uli Nyasaye wenyu nu mwoyo kwosi, ni liiva lienyu liosi, khandi ni tsingulu tsienyu tsiosi. 6Muvuli khwivilila malako ka muheetsanga nunundi. 7Mwechitsi vaana venyu malako kenako. Kakalushili lwa muvetsanga numuli ingo wenyu, khandi numuli khu luchendo, lwa muvetsanga numuhulukha khandi lwa mukholanga muhinzilu kwenyu. 8Mukavohe khu makhono kenyu khandi mukafwale khu vweni vwenyu, khuli shimanyilu shiu khwitsushitsilakhu. 9Kahandichi khu tsifulemu tsi miliango chi tsinzu tsienyu nende vilivwa venyu.
Lichelihitswa Khuliambakhana Khulonda Malako
10“Lwa Mwami Nyasaye, uli Nyasaye wenyu, aliitsa khumulera mu shivala, shia yali niyalaaka aliitsa khuha vakuuka venyu Aburahamu, Isaka nende Yakobo -- shivala shili na mataala makali malahi ka munyi mwakhumbakha, 11tsinzu tsitsula vindu vinyishi lukanu, na lukanu via mwakhavikhamu, visima via mwakhayeeva, khandi milimi chi misabibu nende misayituni, chia mwakharaaka tawe; lwa muliitsa khuliakhu khandi muve numwakhikura, 12muve vacheli khulu khuvula khwivilila Mwami Nyasaye, wamurulitsa mu shivala shia Misri, shivala shia mwamenyanga mu vurukwa. 13Muliitsa khuha Mwami Nyasaye, uli Nyasaye wenyu luyali; mumurumishile, nu khwisuuha khuvirila khu lira lielie lionyene vutswa. 14Muvuli khusaala khu vanyasaye vandi; khali mulala khu vanyasaye va vandu vamumenyanga navo. 15Niiva muliitsa khusaala khu vanyasaye vandi, Mwami Nyasaye aliitsa khumuvukulila vurima vwakhanga, khuli mulilu nu khumutivitsa; shichila Mwami Nyasaye, wumenyanga mu munyi, nu wi lishiendekha.
16“Muvuli khuchelitsakhu Mwami Nyasaye, uli Nyasaye wenyu, khuli mwakhola numuli mu litaala lia Masa. 17Muheenze mulole ndi mulondanga malako, mivaalo nende mechitso ku Mwami Nyasaye, uli Nyasaye wenyu yamuha. 18Mukhole likhola liu vulunji nende malahi imbeli wu Mwami Nyasaye, mumenye limenya lilahi; khandi mulinjila mu shivala shilahi, shiu Mwami Nyasaye yalaaka aliitsa khuha vakuuka venyu shichila munyi, 19nu khumukhunjila vatsiku venyu, khuli lwa Mwami Nyasaye yavoola.
20“Mumatukhu kaliitsa khuvaho, lwa vaana venyu valiitsa khumureeva, ‘Shichila shina Mwami Nyasaye, uli Nyasaye weru nakhuvoolela khulonde malako keke, mivaalo nende mechitso yaka koosi?’ 21Nalwo lwa muliitsa khuvavoolela, ‘Khwali varukwa vu Mwami wa Misri, navutswa Mwami Nyasaye, yakhurulitsa mu shivala shia Misri khuvirila mu tsingulu tsietsie tsiu khuchenyinya. 22Khwalola ni tsimoni tsieru vene, khuli yakhola viloleshitsu khandi khuli yakhola vindu vindi viu khuchenyinya khu Vamisri halala nu Mwami wa Misri nende vandu vi inzu yeye voosi. 23Navutswa yakhurulitsayo, khukhwinjilitsa mu shivala shinu, khandi khukhuha shivala yishi, khuli yalaaka aliitsa khuha vakuuka veru. 24Mwami Nyasaye uli Nyasaye weru, yakhuvoolela khulonde mechitso kenako koosi, khandi khumuhe luyali. Niiva khuliitsa khukhola ndio, aliitsa khulinda shivala shieru shia khase khosi, khuli lwa shili nunundi. 25Niiva khuliitsa khulonda munjila yatoto shia shindu shiosi, shia Nyasaye avooli khukhole, khuliitsa khuva nu khukholanga likhola liu vulunji.’
Currently Selected:
LITSUSHITSWA 6: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LITSUSHITSWA 6
6
Lilako Likali Muno
1“Yaka nako malako, mechitso nende mivaalo ku Mwami Nyasaye, uli Nyasaye wenyu yambolela mwechitsi; lwa muliitsa khuva numuli mu shivala, shia muli himbi khutsia khwinjila khumenyamu. 2Khumatukhu koosi ka muliitsa khuva numushili mwoyo, munyi nende vitsukhulu venyu muliitsa khuha Mwami Nyasaye, uli Nyasaye wenyu luyali; khandi muliitsa khulonda malako keke, ka muheetsanga koosi, mu limenya mu shivala shienesho khumatukhu manyishi. 3Munyi Vaisraeli, muhulishitsi, mamuve vacheli khukalonda, khu mu limenya vulahi; khandi mulivulana mu vunyishi mu shivala shi lilova lilahi khandi shinuulu, nende vushi, khuli Mwami Nyasaye, uli Nyasaye wa vakuuka venyu yalaaka aliitsa khumukholela.
4“Munyi Vaisraeli, muhulishitsi makhuva yaka! Mwami Nyasaye, uli Nyasaye weru, neye Mwami Nyasaye wonyene. 5Muyaanze Mwami Nyasaye, uli Nyasaye wenyu nu mwoyo kwosi, ni liiva lienyu liosi, khandi ni tsingulu tsienyu tsiosi. 6Muvuli khwivilila malako ka muheetsanga nunundi. 7Mwechitsi vaana venyu malako kenako. Kakalushili lwa muvetsanga numuli ingo wenyu, khandi numuli khu luchendo, lwa muvetsanga numuhulukha khandi lwa mukholanga muhinzilu kwenyu. 8Mukavohe khu makhono kenyu khandi mukafwale khu vweni vwenyu, khuli shimanyilu shiu khwitsushitsilakhu. 9Kahandichi khu tsifulemu tsi miliango chi tsinzu tsienyu nende vilivwa venyu.
Lichelihitswa Khuliambakhana Khulonda Malako
10“Lwa Mwami Nyasaye, uli Nyasaye wenyu, aliitsa khumulera mu shivala, shia yali niyalaaka aliitsa khuha vakuuka venyu Aburahamu, Isaka nende Yakobo -- shivala shili na mataala makali malahi ka munyi mwakhumbakha, 11tsinzu tsitsula vindu vinyishi lukanu, na lukanu via mwakhavikhamu, visima via mwakhayeeva, khandi milimi chi misabibu nende misayituni, chia mwakharaaka tawe; lwa muliitsa khuliakhu khandi muve numwakhikura, 12muve vacheli khulu khuvula khwivilila Mwami Nyasaye, wamurulitsa mu shivala shia Misri, shivala shia mwamenyanga mu vurukwa. 13Muliitsa khuha Mwami Nyasaye, uli Nyasaye wenyu luyali; mumurumishile, nu khwisuuha khuvirila khu lira lielie lionyene vutswa. 14Muvuli khusaala khu vanyasaye vandi; khali mulala khu vanyasaye va vandu vamumenyanga navo. 15Niiva muliitsa khusaala khu vanyasaye vandi, Mwami Nyasaye aliitsa khumuvukulila vurima vwakhanga, khuli mulilu nu khumutivitsa; shichila Mwami Nyasaye, wumenyanga mu munyi, nu wi lishiendekha.
16“Muvuli khuchelitsakhu Mwami Nyasaye, uli Nyasaye wenyu, khuli mwakhola numuli mu litaala lia Masa. 17Muheenze mulole ndi mulondanga malako, mivaalo nende mechitso ku Mwami Nyasaye, uli Nyasaye wenyu yamuha. 18Mukhole likhola liu vulunji nende malahi imbeli wu Mwami Nyasaye, mumenye limenya lilahi; khandi mulinjila mu shivala shilahi, shiu Mwami Nyasaye yalaaka aliitsa khuha vakuuka venyu shichila munyi, 19nu khumukhunjila vatsiku venyu, khuli lwa Mwami Nyasaye yavoola.
20“Mumatukhu kaliitsa khuvaho, lwa vaana venyu valiitsa khumureeva, ‘Shichila shina Mwami Nyasaye, uli Nyasaye weru nakhuvoolela khulonde malako keke, mivaalo nende mechitso yaka koosi?’ 21Nalwo lwa muliitsa khuvavoolela, ‘Khwali varukwa vu Mwami wa Misri, navutswa Mwami Nyasaye, yakhurulitsa mu shivala shia Misri khuvirila mu tsingulu tsietsie tsiu khuchenyinya. 22Khwalola ni tsimoni tsieru vene, khuli yakhola viloleshitsu khandi khuli yakhola vindu vindi viu khuchenyinya khu Vamisri halala nu Mwami wa Misri nende vandu vi inzu yeye voosi. 23Navutswa yakhurulitsayo, khukhwinjilitsa mu shivala shinu, khandi khukhuha shivala yishi, khuli yalaaka aliitsa khuha vakuuka veru. 24Mwami Nyasaye uli Nyasaye weru, yakhuvoolela khulonde mechitso kenako koosi, khandi khumuhe luyali. Niiva khuliitsa khukhola ndio, aliitsa khulinda shivala shieru shia khase khosi, khuli lwa shili nunundi. 25Niiva khuliitsa khulonda munjila yatoto shia shindu shiosi, shia Nyasaye avooli khukhole, khuliitsa khuva nu khukholanga likhola liu vulunji.’
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013