AMOSI 5
5
Khwenya Vandu Vikanile
1Munyi Vaisraeli, muhulishitsi,
muhulishitsi lwimbo lu khwikhula lwa nzimbanga,
2Munyi Vaisraeli mumali khukwa
muvula khuli muliitsa khusinjila!
Mwarikwa vonyene vutswa mu shivala shienyu;
khali muvula mundu unyala khumusinjilitsa.
3Mwami Nyasaye avoolanga,
“Vandu iheelefu indala valiitsa khutsia khukwana
nikhali ni isavu ya vandu imia indala vonyene valiitsa khukalukha;
valiitsa khutsia imia indala
nikhali valiitsa khukalukha likhomi vonyene.”
4Mwami Nyasaye avoolelanga Vaisraeli,
“Mukhave inzi khu mutsililile khuva mwoyo;
5navutswa muvuli khukhava Betseli
inoho khutsia Gilugali
inoho khwambukha khutsia Beresheba;
shichila ni kilikali, vandu vi litaala lia Gilugali
valahilwa mu vuhaambe,
vi litaala lia Betseli valiitsa khutivilayo.”
6Mukhave Mwami Nyasaye khu mutsililile khuva mwoyo!
Niiva mulambakhana, aliitsa khuyelitsa nu mulilu
vandu vi inzu ya Yosefu,
nu khumulula vandu vi litaala lia Betseli,
khali mundu avulakhuho uliitsa khukutsiminya!
7Munyi vandu vatamanu!
Munyi vamukoyanyinyanga katoto,
nu mukakhola khuva khuli lunyasi lululu khu vamanani khumiila;
khandi mulolanga likhola liu vulunji khuli ni shindu tawe.
8Woyo walomba Kilimia nende Orioni,
ukalukhanyinyanga shisuundi khukwa mbasu,
mbasu khukwa shisuundi.
Neye uleranga halala matsi khurula mu inyanza,
nakhuvitsa imbula khulilova.
Lira lielie nu Mwami Nyasaye!
9Neye utivitsanga vi tsingulu,
nu khusambulanyinya tsimbinga tsiavo.
10Munyi mwambakhananga mundu wenyanga ku vulunji khurweshitswa mushiina,
khali woyo ulomolomanga katoto.
11Munyi mutambitsanga vamanani,
numuvavoolela varunji mirungu chi inganu khuvira shicheelo,
munyi mwayumbakha tsinzu khu machina kakhongwa,
navutswa mwambakhananga khumenya mutsio;
mwaraaka mu milimi misabibu milahi,
navutswa muliitsa khuvula khung'wakhu idivai khurula khuchio;
12shichila namanya muli nu vutamanu vunyishi,
khandi vwoni vwenyu nu vunyishi muno --
munyi vamunyashitsanga vandu vi likhola liu vulunji, vamuheelwa asooya,
nu khwikalila vamanani khukholelwa vwatoto mushiina.
13Khulwa yako, mundu wacheliha aliitsa khuhonjela mumatukhu kenako,
shichila inyinga yeneyo iliitsa khuva indamanu.
14Mukhave khukhola malahi, navutswa mulekhane nu vutamanu,
nikanyalikha mutsililile khuva mwoyo;
nalwo lwa Mwami Nyasaye, uli Nyasaye wi Mikaanda Chiliihe,
aliitsa khuva na munyi khuli vene muvooli.
15Mulekhane ni likhola liu vutamanu, muyaanze malahi;
rweshitsi vwatoto mushiina;
haundi, Mwami Nyasaye, uli Nyasaye wi Mikaanda Chiliihe,
aliitsa khuvela tsimbavasi vandu varikala vi inzu ya Yosefu.
16Khulwa yako, Mwami Nyasaye, uli Nyasaye wi Mikaanda Chiliihe,
ni kilikali, Mwami Nyasaye avoolanga,
“Vandu valiitsa khulila tsikhwili shia havundu hosi mu litaala likali;
nivavoola mu tsinjila tsiosi tsi litaala likali,
‘Wooyi! Khuli khu vutiinyu! Khuli khu vutiinyu!’
Valimi valiitsa khulaangwa khwitsa khulila tsikhwili,
vandu vechela khwikhula khwitsa khwikhula.
17Vandu valiitsa khuhulilikhana nivalililanga mu milimi chiosi chi misabibu;
shichila niitsa khukhalakanyila hakari henyu khumusalilitsa.
Inzi Mwami Nyasaye mali khuvoola.”
Litukhu liu Mwami Nyasaye
18Wooyi! Muli khu vutiinyu munyi vamulindililanga
khulola nu mwoyo kwosi litukhu liu Mwami Nyasaye!
Shichila shina mwenyanga litukhu liu Mwami Nyasaye lienelo?
Liliitsa khuva li shisuundi, vuchila khuva nu vulavu;
19liliitsa khuva khuli mundu wilukhanga isimba,
navutswa khwakana ni likunyuli!
Inoho khuli mundu winjilanga mu inzu yeye
atiilanga mukhono kwekwe khu lisisi,
inzukha imuluma!
20Ni kilikali, litukhu liu Mwami Nyasaye lilava li shisuundi, vuchila vulavu,
lia vandu khutuunya, vuchila vuyaanzi vwosi.
21Mwami Nyasaye avoolanga,
“Nayambakhana, nachaya milukha chienyu shichila idini;
shinyala khuyaanzilila vikhaalo vienyu tawe.
22Khali niiva mumbetsanga vihanwa vienyu
viu khusambwa nende vihanwa vi imu,
mbulakhu khuli nyala khuvihuchilila;
khandi vihanwa vienyu viu khulera milembe vi miruku chienyu mikhomeelu
shinyala khuvihuchilila tawe.
23Muvuli khunzimbilakhu tsinyimbo tsienyu tsi liyooko;
khali shimbulishitsa vukhana vwenyu tawe.
24Navutswa leshi katoto kalangamishwi khuli matsi ku muchela ni kakholomokhanga;
likhola liu vulunji khuli muchela kuvulanga khukhaama.
25“Munyi Vaisraeli, mumatukhu ka mwamenyanga mu shiangalangwi khumihika makhomi kane, munyala khuva mwanderelakhu khali hati hene vihanwa vi misango nende vihanwa? 26Navutswa mumatukhu kenako, mwavukula shimanyilu shia Sakutsi, uli khuli mukali wa vanyasaye venyu; khandi shimanyilu shia Kayiwani, uli nyasaye wenyu wi inyining'ini, nivili vimanyilu via vene mwilombela. 27Khulwa yako, niitsa khumuhila mu vuhaambe, mu shivala khuluveka luli ivukwi wi litaala lia Damasika. Inzi Mwami Nyasaye mali khuvoola. Lira lianje ni Nyasaye wi Mikaanda Chiliihe.”
Currently Selected:
AMOSI 5: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
AMOSI 5
5
Khwenya Vandu Vikanile
1Munyi Vaisraeli, muhulishitsi,
muhulishitsi lwimbo lu khwikhula lwa nzimbanga,
2Munyi Vaisraeli mumali khukwa
muvula khuli muliitsa khusinjila!
Mwarikwa vonyene vutswa mu shivala shienyu;
khali muvula mundu unyala khumusinjilitsa.
3Mwami Nyasaye avoolanga,
“Vandu iheelefu indala valiitsa khutsia khukwana
nikhali ni isavu ya vandu imia indala vonyene valiitsa khukalukha;
valiitsa khutsia imia indala
nikhali valiitsa khukalukha likhomi vonyene.”
4Mwami Nyasaye avoolelanga Vaisraeli,
“Mukhave inzi khu mutsililile khuva mwoyo;
5navutswa muvuli khukhava Betseli
inoho khutsia Gilugali
inoho khwambukha khutsia Beresheba;
shichila ni kilikali, vandu vi litaala lia Gilugali
valahilwa mu vuhaambe,
vi litaala lia Betseli valiitsa khutivilayo.”
6Mukhave Mwami Nyasaye khu mutsililile khuva mwoyo!
Niiva mulambakhana, aliitsa khuyelitsa nu mulilu
vandu vi inzu ya Yosefu,
nu khumulula vandu vi litaala lia Betseli,
khali mundu avulakhuho uliitsa khukutsiminya!
7Munyi vandu vatamanu!
Munyi vamukoyanyinyanga katoto,
nu mukakhola khuva khuli lunyasi lululu khu vamanani khumiila;
khandi mulolanga likhola liu vulunji khuli ni shindu tawe.
8Woyo walomba Kilimia nende Orioni,
ukalukhanyinyanga shisuundi khukwa mbasu,
mbasu khukwa shisuundi.
Neye uleranga halala matsi khurula mu inyanza,
nakhuvitsa imbula khulilova.
Lira lielie nu Mwami Nyasaye!
9Neye utivitsanga vi tsingulu,
nu khusambulanyinya tsimbinga tsiavo.
10Munyi mwambakhananga mundu wenyanga ku vulunji khurweshitswa mushiina,
khali woyo ulomolomanga katoto.
11Munyi mutambitsanga vamanani,
numuvavoolela varunji mirungu chi inganu khuvira shicheelo,
munyi mwayumbakha tsinzu khu machina kakhongwa,
navutswa mwambakhananga khumenya mutsio;
mwaraaka mu milimi misabibu milahi,
navutswa muliitsa khuvula khung'wakhu idivai khurula khuchio;
12shichila namanya muli nu vutamanu vunyishi,
khandi vwoni vwenyu nu vunyishi muno --
munyi vamunyashitsanga vandu vi likhola liu vulunji, vamuheelwa asooya,
nu khwikalila vamanani khukholelwa vwatoto mushiina.
13Khulwa yako, mundu wacheliha aliitsa khuhonjela mumatukhu kenako,
shichila inyinga yeneyo iliitsa khuva indamanu.
14Mukhave khukhola malahi, navutswa mulekhane nu vutamanu,
nikanyalikha mutsililile khuva mwoyo;
nalwo lwa Mwami Nyasaye, uli Nyasaye wi Mikaanda Chiliihe,
aliitsa khuva na munyi khuli vene muvooli.
15Mulekhane ni likhola liu vutamanu, muyaanze malahi;
rweshitsi vwatoto mushiina;
haundi, Mwami Nyasaye, uli Nyasaye wi Mikaanda Chiliihe,
aliitsa khuvela tsimbavasi vandu varikala vi inzu ya Yosefu.
16Khulwa yako, Mwami Nyasaye, uli Nyasaye wi Mikaanda Chiliihe,
ni kilikali, Mwami Nyasaye avoolanga,
“Vandu valiitsa khulila tsikhwili shia havundu hosi mu litaala likali;
nivavoola mu tsinjila tsiosi tsi litaala likali,
‘Wooyi! Khuli khu vutiinyu! Khuli khu vutiinyu!’
Valimi valiitsa khulaangwa khwitsa khulila tsikhwili,
vandu vechela khwikhula khwitsa khwikhula.
17Vandu valiitsa khuhulilikhana nivalililanga mu milimi chiosi chi misabibu;
shichila niitsa khukhalakanyila hakari henyu khumusalilitsa.
Inzi Mwami Nyasaye mali khuvoola.”
Litukhu liu Mwami Nyasaye
18Wooyi! Muli khu vutiinyu munyi vamulindililanga
khulola nu mwoyo kwosi litukhu liu Mwami Nyasaye!
Shichila shina mwenyanga litukhu liu Mwami Nyasaye lienelo?
Liliitsa khuva li shisuundi, vuchila khuva nu vulavu;
19liliitsa khuva khuli mundu wilukhanga isimba,
navutswa khwakana ni likunyuli!
Inoho khuli mundu winjilanga mu inzu yeye
atiilanga mukhono kwekwe khu lisisi,
inzukha imuluma!
20Ni kilikali, litukhu liu Mwami Nyasaye lilava li shisuundi, vuchila vulavu,
lia vandu khutuunya, vuchila vuyaanzi vwosi.
21Mwami Nyasaye avoolanga,
“Nayambakhana, nachaya milukha chienyu shichila idini;
shinyala khuyaanzilila vikhaalo vienyu tawe.
22Khali niiva mumbetsanga vihanwa vienyu
viu khusambwa nende vihanwa vi imu,
mbulakhu khuli nyala khuvihuchilila;
khandi vihanwa vienyu viu khulera milembe vi miruku chienyu mikhomeelu
shinyala khuvihuchilila tawe.
23Muvuli khunzimbilakhu tsinyimbo tsienyu tsi liyooko;
khali shimbulishitsa vukhana vwenyu tawe.
24Navutswa leshi katoto kalangamishwi khuli matsi ku muchela ni kakholomokhanga;
likhola liu vulunji khuli muchela kuvulanga khukhaama.
25“Munyi Vaisraeli, mumatukhu ka mwamenyanga mu shiangalangwi khumihika makhomi kane, munyala khuva mwanderelakhu khali hati hene vihanwa vi misango nende vihanwa? 26Navutswa mumatukhu kenako, mwavukula shimanyilu shia Sakutsi, uli khuli mukali wa vanyasaye venyu; khandi shimanyilu shia Kayiwani, uli nyasaye wenyu wi inyining'ini, nivili vimanyilu via vene mwilombela. 27Khulwa yako, niitsa khumuhila mu vuhaambe, mu shivala khuluveka luli ivukwi wi litaala lia Damasika. Inzi Mwami Nyasaye mali khuvoola. Lira lianje ni Nyasaye wi Mikaanda Chiliihe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013