KŨGUŨRĨRIO 14
14
1 #
Ezek 9.4; Kũg 7.3. NGĨCOKA ngĩrora, ngĩona atĩrĩ, nĩ Gatũrũme, arũngiĩ kĩrĩma gĩa Sayuni igũrũ, e na andũ ngiri igana rĩa ngiri mĩrongo ĩna na inya, me na rĩĩtwa rĩake, na rĩĩtwa rĩa Ithe, maandĩkĩtwo mathiithi mao. 2Ningĩ ngĩigua mũgambo woima Igũrũ, ta mũrurumo wa maĩ maingĩ, ningĩ ta mũgambĩre wa ngwa nene; naguo mũgambo ũcio ndaiguire watariĩ ta wa ainia a inanda cia mũgeto makĩinia inanda ciao; 3nao nĩ ta rũĩmbo rũerũ maainaga me mbere-inĩ ya gĩtĩ kĩrĩa gĩa ũthamaki, na mbere ya ciũmbe iria inya ii muoyo, na athuri. Na gũtirĩ mũndũ ũngĩhota kwĩruta rũĩmbo rũu, tiga acio ngiri igana rĩa ngiri mĩrongo ĩna na inya, arĩa maagũrĩtwo thĩ makaamũranio nayo. 4Acio nĩo arĩa matarĩ methũkia na andũ-a-nja, amu nĩ thingi. Nĩo marũmagĩrĩra Gatũrũme o kũrĩa guothe athiaga. Nĩo maagũrirũo makĩamũranio na andũ arĩa angĩ, matuĩke maciaro ma mbere ma kũgetherũo Ngai o na Gatũrũme. 5#Zef 3.13.Na matiarĩ hĩndĩ marĩ maakorũo maarĩtie maheni na tũnua twao; o, matirĩ na kaũũgũ.
6Ningĩ ngĩona mũraika ũngĩ arerete rĩera-inĩ o gatagatĩ, arĩ na Ũhoro-Mwega ũtagathira o na tene wa kũũmĩrĩria andũ arĩa matũire gũkũ thĩ, auumĩrĩrie ndũrĩrĩ ciothe na mĩhĩrĩga yothe na andũ a mĩario yothe na iruka ciothe; 7akiuga atĩrĩ, na mũgambo mũnene, Wĩtigĩrei Ngai, na mũmũgooce we, amu ihinda rĩake rĩa gũtuanĩra nĩ ikinyu; mũthathaiyei arĩ we wombire Igũrũ na thĩ na iria rĩrĩa inene o na ithima cia maĩ.
8 #
Isa 21.9; Jer 51.8; Kũg 18.2. Agĩcoka agĩũka mũraika ũngĩ, wa kerĩ, akiuga atĩrĩ, Nĩ igũu! Babuloni-rĩ, itũũra rĩrĩa inene-rĩ, nĩ igũu, o rĩrĩa rĩnyuithĩtie ndũrĩrĩ ciothe ndibei ya marakara ma ũmaraya warĩo.
9Ningĩ mũraika ũngĩ, wa gatatũ, akĩrũmĩrĩra acio, akiuga atĩrĩ, na mũgambo mũnene, Mũndũ aainamĩrĩra nyamũ ĩo na mũhianano wayo, na etĩkĩra gwĩkĩrũo ruoro thiithi kana guoko, 10#Isa 51.17; Kĩam 19.24; Ezek 38.22.we nake-rĩ, nĩakanyua ndibei ya marakara ma Ngai, ĩrĩa ĩthondeketwo thĩinĩ wa gĩkombe kĩa marakara make manene ĩtarĩ ndukanie na maĩ, na anyarirũo na mwaki o na ũbiriti, harĩ araika arĩa atheru o na Gatũrũme; 11#Isa 34.10.nayo ndogo ya kĩnyarirĩko kĩao nĩyambataga hingo ciothe tene na tene, na mationaga kũhurũka mũthenya o na ũtukũ, acio mainamagĩrĩra nyamũ ĩo na mũhianano wayo, o na ũrĩa o wothe wĩtĩkĩrĩte gwĩkĩrũo ruoro rũa rĩĩtwa rĩayo. 12Hau nĩho harĩonekaga ũkirĩrĩria wa andũ arĩa aamũre, nĩo arĩa mamenyagĩrĩra maathani ma Ngai o naguo wĩtĩkio wa Jesu.
13Ngĩcoka ngĩigua mũgambo woima Igũrũ, ũkiuga, Andĩka atĩrĩ, Gũkena-rĩ, nĩ arĩa akuũ, arĩa marĩkoragwo makuĩte me thĩinĩ wa Mwathani gwata rĩu thutha ũyũ. Nake Roho ekuuga, Ĩĩ, nĩguo; makĩhurũke matiganĩte na mawĩra mao maritũ, amu maũndũ mao nĩmarũmanagĩrĩra nao, marĩa maaneka.
14 #
Dan 7.13. Ningĩ ngĩrora, ngĩona atĩrĩ, gwĩ itu rĩerũ, na itu rĩu igũrũ ngĩona ũrĩikarĩire ahaana ta mũrũ wa mũndũ, e na thũmbĩ ya thahabu mũtwe, na guoko e na rũhiũ rũũgĩ rũa igetha. 15#Joel 3.13.Na mũraika ũngĩ akiuma thĩinĩ wa hekarũ, akĩanĩrĩra ũcio waikarĩire itu na mũgambo mũnene, akĩmwĩra, Ikia rũhiũ rũaku ũgethe, tondũ ihinda rĩa kũgetha nĩ ikinyu, amu irio cia thĩ nĩirĩkĩtie kũũma buru! 16Nake ũcio waikarĩire itu agĩikia rũhiũ rũake thĩ, nayo thĩ ĩkĩgethwo.
17Ningĩ mũraika ũngĩ akiuma thĩinĩ wa hekarũ ĩo ĩrĩ Igũrũ, o nake e na rũhiũ rũũgĩ rũa igetha. 18Na mũraika ũngĩ akiuma kĩgongona-inĩ, ũrĩa wathaga mwaki; nake akĩanĩrĩra ũcio wĩ na rũhiũ rũũgĩ na mũgambo mũnene, akiuga atĩrĩ, Ikia rũhiũ rũu rũaku rũũgĩ, ũtue imanjika cia mũthabibu ũrĩa wa thĩ, tondũ thabibu ciaguo nĩirĩkĩtie kwĩrua o kwĩrua. 19Nake mũraika ũcio agĩikia rũhiũ rũake thĩ, agĩtua mũthabibu wa thĩ thabibu ciaguo, agĩciikia thĩinĩ wa ihihĩro rĩrĩa inene rĩa marakara ma Ngai. 20#Isa 63.3; Maca 1.15; Kũg 19.15.Na ihihĩro rĩu rĩkĩhihĩrũo mwena-inĩ wa nja wa itũũra, narĩo ihihĩro rĩkiuma thakame ĩgĩkinya kũndũ kũigana ta mairo magana merĩ, ĩkinyĩte mbarathi mĩkwa ya kanua kũrika.
Currently Selected:
KŨGUŨRĨRIO 14: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
