MATHAYO 25

1 # Luk 12.35. HĨNDĨ ĩo ũthamaki wa Igũrũ ũkahaananio na airĩtu ikũmi, arĩa moire matawa mao, magĩthiĩ magathaganie mũhikania. 2Na atano ao maarĩ akĩgu, na atano maarĩ ogĩ. 3Nĩ ũndũ arĩa akĩgu-rĩ, rĩrĩa moire matawa mao, matiigana gũkuua maguta: 4no arĩa ogĩ nĩmaakuuire maguta thĩinĩ wa macuba mao, o hamwe na matawa mao. 5Na rĩrĩa mũhikania aaikarire, othe magĩcũnga magĩkoma. 6Na ũtukũ gatagatĩ gũkĩanĩrĩrũo atĩrĩ, Mũhikania nĩ mũũku! Umai mũmũthaganie. 7Hĩndĩ ĩo airĩtu acio othe magĩũkĩra, magĩthondeka matawa mao. 8Na arĩa akĩgu makĩĩra arĩa ogĩ atĩrĩ, Tũhei maguta mamwe manyu: nĩ ũndũ matawa maitũ nĩmarahora. 9No acio ogĩ magĩcokia makiuga, Aca, nĩ ũndũ hihi matitũigana na mamũigane: nĩ kaba mũthiĩ kũrĩ arĩa mendagia, mũkegũrĩre manyu. 10Na hĩndĩ ĩrĩa maathiĩte kũgũra, mũhikania agĩũka; na arĩa methagathagĩte magĩtonyania nake iruga-inĩ rĩa kĩhikanio: naguo mũrango ũkĩhingwo. 11#Luk 13.25.Thutha ũcio airĩtu arĩa angĩ magĩũka o nao, makiuga atĩrĩ, Mwathani, Mwathani, tũhingũrĩre. 12Nake agĩcokia akĩmera, Ngũmwĩra atĩrĩ na ma, Ndimũũĩ. 13Nĩ ũndũ ũcio wĩhũgagei, nĩ gũkorũo mũtiũĩ mũthenya kana thaa.

14 # Luk 19.11-27. Nĩ ũndũ gũkahaana ta arĩ, ta mũndũ wathiaga ũgeni, agĩĩta ngombo ciake, agĩcine indo ciake. 15Akĩne ĩmwe yacio taranda#25.15 Taranda: rora karatathi ka 1,418. ithano, na ĩngĩ taranda igĩrĩ, na ĩngĩ taranda ĩmwe: o ngombo kũringana na ũhoti wayo; agĩgĩthiĩ ũgeni. 16Na kahinda o kau ĩrĩa yaneirũo taranda ithano ĩgĩthiĩ, ĩkĩonjorithia nacio, ĩkĩona ingĩ ithano. 17Nayo ĩrĩa yaneirũo igĩrĩ ĩgĩĩka o taguo, ĩkĩona ingĩ igĩrĩ. 18No ĩrĩa yaneirũo ĩmwe ĩgĩthiĩ ĩkĩenja thĩ, ĩkĩhitha mbia cia mwathani wayo. 19Na rĩrĩ, matukũ maingĩ maathira, mwathani wa ngombo icio akĩinũka gwake mũciĩ, agĩciĩta iheane ũhoro wa mbia ciake. 20Na ĩrĩa yaneirũo taranda ithano ĩgĩũka ĩkiuga, Mwathani, nĩwa’neire taranda ithano: atĩrĩrĩ, nĩnyumithĩtie taranda ingĩ ithano. 21Nake mwathani wayo akĩmĩĩra, Nĩwĩkĩte wega, ngombo ĩno njega na ya kwĩhokeka: nĩwĩhokekete na indo itarĩ nyingĩ, nĩngũgũtua mwathi wa indo nyingĩ: tonya gĩkeno-inĩ kĩa mwathani waku. 22Nayo ĩrĩa yaneirũo taranda igĩrĩ o nayo ĩgĩũka ĩkĩmwĩra, Mwathani, nĩwa’neire taranda igĩrĩ, atĩrĩ, nĩnyumithĩtie taranda ingĩ igĩrĩ. 23Nake mwathani wayo akĩmĩĩra, Nĩwĩkĩte wega, ngombo ĩno njega na ya kwĩhokeka: nĩwĩhokekete na indo itarĩ nyingĩ, nĩngũgũtua mwathi wa indo nyingĩ: tonya gĩkeno-inĩ kĩa mwathani waku. 24Nayo ĩrĩa yaneirũo taranda ĩmwe ĩgĩũka kũrĩ we ĩkĩmwĩra, Mwathani, nĩndakũũĩ atĩ wĩ mũndũ mwĩĩ, ũgethaga kũrĩa ũtaahandire, na ũcokagĩrĩria kũrĩa ũtaahurire; 25ngĩgĩĩtigĩra, ngĩthiĩ ngĩhitha taranda yaku thĩ: atĩrĩrĩ, ĩno nĩyo ĩrĩa yaku ndagũcokeria. 26Nowe mwathani wayo agĩcokia akĩmĩĩra atĩrĩ, Ngombo ĩno njũru na ngũtaru, nĩwoĩ atĩ nĩngethaga kũrĩa itaahandire, na ngacokereria kũrĩa itaahurire; 27nĩ ũndũ ũcio nĩwaagĩrĩirũo nĩ kũiga mbia ciakwa kũrĩ andũ arĩa monjorithagia mbia, na ndacoka-rĩ, nĩingĩacokerio mbia ciakwa o na uumithio wacio. 28Nĩ ũndũ ũcio mũtunyei taranda ĩo, na mũhe ũrĩa wĩ na taranda iria ikũmi. 29#Mat 13.12; Mar 4.25; Luk 8.18.Nĩ gũkorũo mũndũ o wothe wĩ na indo, nĩwe ũkaheo, na akĩrĩrĩrio; no ũrĩa ũtarĩ na indo, nĩagatunyũo o na kĩrĩa arĩ nakĩo. 30#Mat 8.12; 22.13; Luk 13.28.Nayo ngombo ĩo ĩtarĩ bata mũmĩikie na kũu nja kwĩ na nduma: kũu nĩkuo gũkagĩa kĩrĩro na kũhagarania magego.

31 # Mat 16.27; Mat 19.28. Na rĩrĩ, rĩrĩa Mũrũ wa Mũndũ agoka e na riri wake, na araika othe hamwe nake, hĩndĩ ĩo nĩagaikarĩra gĩtĩ gĩake gĩa ũthamaki kĩrĩa kĩĩ na riri: 32na ndũrĩrĩ ciothe nĩikonganio mbere yake: nake nĩagaciamũrania, o ta ũrĩa mũrĩithi aamũranagia ng’ondu na mbũri: 33aige ng’ondu mwena wake wa ũrĩo, no mbũri aciige mwena wake wa ũmotho. 34Hĩndĩ ĩo Mũthamaki nĩakera arĩa marĩ mwena wake wa ũrĩo atĩrĩ, Ũkani, inyuĩ mũrathimĩtwo nĩ Awa, gwatai igai rĩa ũthamaki ũrĩa mwathondekeirũo gwata rĩrĩa thĩ yombirũo: 35nĩ gũkorũo ndarĩ mũhũtu, na mũkĩ’he irio: ndarĩ mũnyotu, na mũkĩ’he gĩa kũnyua; ndarĩ mũgendi, na mũkĩndaarĩrĩria kwanyu; 36ndarĩ njaga, na mũkĩ’he gĩa kwĩhumba: ndarĩ mũrũaru na mũgĩũka kũndora: ndarĩ korokoro-inĩ, na mũgĩũka kũrĩ niĩ. 37Hĩndĩ ĩo arĩa athingu nĩmakamũcokeria mamũũrie atĩrĩ, Mwathani, nĩ rĩ twakuonire wĩ mũhũtu, tũgĩkũhe irio? Kana wĩ mũnyotu, tũgĩkũhe gĩa kũnyua? 38Ningĩ nĩ rĩ twakuonire wĩ mũgendi, tũgĩkũraarĩrĩria gwitũ? Kana wĩ njaga, tũgĩkũhe gĩa kwĩhumba? 39Na nĩ rĩ twakuonire wĩ mũrũaru, kana wĩ korokoro-inĩ, na tũgĩũka kũrĩ wee? 40Nake Mũthamaki nĩagacokia amere, Ngũmwĩra atĩrĩ na ma, O ta ũrĩa mwekire ũmwe wa ariũ a Awa, o na arĩ arĩa anyinyi mũno, maũndũ macio, o ũguo nĩ niĩ mwekire. 41Hĩndĩ ĩo nĩakera arĩa marĩ mwena wake wa ũmotho atĩrĩ, Umai kũrĩ niĩ, inyuĩ mũgwatĩtwo nĩ kĩrumi, mũthiĩ mwaki-inĩ ũtahorekaga ũrĩa ũthondekeirũo mũcukani na araika ake: 42nĩ gũkorũo ndarĩ mũhũtu, na mũtihe irio: ndarĩ mũnyotu, na mũtihe gĩa kũnyua: 43ndarĩ mũgendi, na mũtindaarĩrĩrie kwanyu: ndarĩ njaga, na mũti’he gĩa kwĩhumba: ndarĩ mũrũaru, na ndarĩ korokoro-inĩ, na mũtiũke kũndora. 44Hĩndĩ ĩo o nao nĩmagacokia mamũũrie atĩrĩ, Mwathani, nĩ rĩ twakuonire wĩ mũhũtu, kana wĩ mũnyotu, kana wĩ mũgendi, kana wĩ njaga, kana wĩ mũrũaru, kana wĩ korokoro-inĩ, na tũtigũtungatĩre? 45Hĩndĩ ĩo nĩagacokia amere, Ngũmwĩra atĩrĩ na ma, o ta ũrĩa mũtekire ũmwe wa acio anyinyi mũno maũndũ macio, o ũguo nĩ niĩ mũtekire. 46#Dan 12.2.Nao andũ acio nĩmagathiĩ kũrĩa kũherithanagĩrio tene na tene: no rĩrĩ, arĩa athingu nĩmagatonya muoyo-inĩ wa tene na tene.

Currently Selected:

MATHAYO 25: OGKBIBLE

Highlight

Copy