MATHAYO 18

1 # Luk 22.24. O thaa ĩo arutwo magĩũka kũrĩ Jesu makĩmũũria atĩrĩ, Nũ mũnene gũkĩra arĩa angĩ ũthamaki-inĩ wa Igũrũ? 2Nake agĩĩta kaana goke harĩ we, agĩkarũgamia gatagatĩ-inĩ kao, 3#Mar 10.15; Luk 18.17.akiuga, Ngũmwĩra atĩrĩ na ma, mũngĩaga kũgarũrũka mũtuĩke o ta twana, mũtirĩ hingo mũgatonya ũthamaki-inĩ wa Igũrũ. 4Nĩ ũndũ ũcio, o mũndũ ũrĩa ũkwĩnyihia o ta kaana gaka, ũcio nĩwe mũnene gũkĩra arĩa angĩ ũthamaki-inĩ wa Igũrũ. 5Na ũrĩa ũgwĩtĩkĩra kaana kamwe ta gaka nĩ ũndũ wa rĩĩtwa rĩakwa, nĩ niĩ etĩkĩra: 6no ũrĩa ũkahĩngithia kamwe ga twana tũtũ tũnjĩtĩkĩtie, nĩaagĩrĩirũo nĩ kũharũkio ihiga rĩnene rĩa gĩthĩi ngingo, ahorokerio harĩa hariku iria-inĩ.

7Kaĩ gũkũ thĩ kwĩ na haaro-ĩ, nĩ ũndũ wa maũndũ marĩa mahĩngithanagia! Tondũ maũndũ macio mahĩngithanagia-rĩ, matirĩ hingo matagoka; no mũndũ wa gũtũma ũndũ wa kũhĩngithania ũũke-rĩ, kaĩ ũcio arĩ na haaro-ĩ! 8#Mat 5.30.Na kũngĩtuĩka atĩ guoko gwaku kana kũgũrũ gwaku nĩ gwa gũkũhĩngithia, gũtinie, ũgũte: nĩ kaba gũtonya muoyo-inĩ wĩ kĩonje kana gĩthua, kũrĩ gũikio mwaki-inĩ ũrĩa ũtahorekaga, wĩ na moko merĩ kana magũrũ merĩ. 9#Mat 5.29.Na kũngĩtuĩka atĩ riitho rĩaku nĩ rĩa gũkũhĩngithia, rĩkũũre, ũrĩte: nĩ kaba gũtonya muoyo-inĩ wĩ na riitho rĩmwe kũrĩ gũikio Jehanumu-inĩ kũrĩa kwĩ mwaki, wĩ na maitho merĩ.

10 # Luk 19.10. Menyai mũkanyarara kamwe ga twana tũtũ; nĩ gũkorũo ngũmwĩra atĩrĩ, kũrĩa Igũrũ, araika atuo nĩmaroraga hĩndĩ ciothe ũthiũ wa Awa ũrĩa wĩ Igũrũ. 11[Nĩ ũndũ-rĩ, Mũrũ wa Mũndũ okire kũhonokia kĩrĩa kĩũrĩte.] 12Rĩu-rĩ, mũgwĩciria atĩa? Mũndũ angĩkorũo arĩ na mbũri igana, na ĩmwe yacio yũre, githĩ ndangĩtiga iria ingĩ mĩrongo kenda na kenda, athiĩ irĩma-inĩ agacarie ĩrĩa yũrĩte? 13Na angĩmĩona-rĩ, ngũmwĩra atĩrĩ na ma, aamĩkenera kũrĩ ũrĩa angĩkenera icio ingĩ mĩrongo kenda na kenda itorĩte. 14O ũguo nake Ithe wanyu, ũrĩa wĩ Igũrũ, ndendaga o na hanini kamwe ga twana tũu kore.

15 # Luk 17.3. Na mũrũ wa thoguo angĩkwĩhia-rĩ, thiĩ ũmuonie rĩĩhia rĩake mwĩ ndundu inyuerĩ: na angĩkũigua-rĩ, nĩmwacokanĩrĩra na mũrũ wa thoguo. 16#Gũcok 19.15.No rĩrĩ, angĩrega gũkũigua, thiĩ kũrĩ we mwĩ na mũndũ ũmwe, kana erĩ, nĩ getha ũhoro o wothe ũmenyeke wega nĩ ũndũ wa tũnua twa aira erĩ, kana atatũ. 17Nake angĩrega kũigua acio, ĩra kanitha: nake angĩrega kũigua kanitha naguo, mũtue o ta mũrũrĩrĩ na ta mwĩtia mbia cia igoti. 18#Mat 16.19; Joh 20.23.Ngũmwĩra atĩrĩ na ma, indo ciothe iria mũkoha gũkũ thĩ, nĩikohwo Igũrũ: na indo ciothe iria mũkohora gũkũ thĩ, nĩikohorũo Igũrũ. 19Ningĩ ngũmwĩra atĩrĩ, atĩ andũ erĩ anyu mangĩkarĩkanĩra gũkũ thĩ ũhoro wa ũndũ o wothe makahoya, nĩmagekwo ũndũ ũcio nĩ Awa ũrĩa wĩ Igũrũ. 20Tondũ harĩa andũ erĩ kana atatũ monganĩte hamwe nĩ ũndũ wa rĩĩtwa rĩakwa, ngoragwo ndĩ o ho gatagatĩ-inĩ kao.

21 # Luk 17.3,4. Hĩndĩ ĩo Petero agĩũka kũrĩ we akĩmũũria atĩrĩ, Mwathani, mũrũ wa Awa angĩnjĩhia manjĩhia maigana, ngĩmuohagĩra? Nĩ maita mũgwanja? 22#Kĩam 4.24.Jesu akĩmwĩra atĩrĩ, Ndigũkwĩra atĩ, No kinya maita mũgwanja; no rĩrĩ, Kaba mĩrongo mũgwanja maita mũgwanja.

23Nĩ ũndũ ũcio ũthamaki wa Igũrũ nĩ wa kũhaananio na mũthamaki mũna ũrĩa wendaga kũheo ũhoro wa mbia ciake nĩ ngombo ciake. 24Na aambĩrĩria kwĩrũo ũhoro ũcio, akĩreherũo ngombo ĩmwe yarĩ na thirĩ wake wa taranda#18.24 Taranda: rora karatathi ka 1,418. ngiri ikũmi. 25Na tondũ nĩyaremetwo nĩ kũrĩha, mwathani wayo agĩathana atĩ yendio, yo nyene na mũtumia wayo, na ciana o na indo ciayo ciothe, nĩ getha thirĩ ũrĩhĩke. 26Nĩ ũndũ ũcio ngombo ĩo ĩkĩĩgũithia thĩ ĩkĩmũthaitha, ĩkĩmwĩraga atĩrĩ, Mwathani, tiga gũ’thethũkĩra na nĩngakũrĩha wothe. 27Na mwathani wa ngombo ĩo akĩringwo nĩ tha, akĩmĩohora, akĩmĩrekera thirĩ ũcio. 28No rĩrĩ, ngombo ĩo ĩkiumagara, ĩkĩona ngombo ĩngĩ yarutaga wĩra nayo, na yarĩ na thirĩ wayo wa ciringi#18.28 Ciringi: rora karatathi ka 1,418. igana rĩmwe: nayo ĩkĩmĩkumbata, ĩkĩmĩnyita mũmero, ĩkĩmĩĩra atĩrĩ, Ndĩha thirĩ wakwa. 29Nĩ ũndũ wa ũguo ngombo ĩo yarutaga wĩra nayo ĩkĩĩgũithia thĩ ĩkĩmĩthaitha, ĩkĩmĩĩraga, Tiga gũ’thethũkĩra na nĩngakũrĩha. 30Nayo ĩkĩrega, ĩgĩthiĩ, ĩkĩmĩikithia korokoro-inĩ, o nginya rĩrĩa ĩkarĩha thirĩ ũcio. 31Na rĩrĩa ngombo iria ingĩ ciarutaga wĩra nayo cionire ũrĩa gwekirũo, igĩkĩigua kĩeha mũno, igĩthiĩ, ikĩĩra mwathani wacio ũhoro ũcio wothe. 32Hĩndĩ ĩo mwathani wayo akĩmĩĩta akĩmĩĩra atĩrĩ, Wee ngombo ĩno njaganu, ngũrekeire thirĩ ũcio wothe, nĩ ũndũ nĩũ’thaithire: 33githĩ ndũkwagĩrĩirũo o nawe nĩ kũiguĩra tha ngombo ĩrĩa mũrutaga wĩra nayo, o ta ũguo niĩ na niĩ ngũiguĩrĩire tha? 34Nake mwathani wayo akĩrakara, akĩmĩneana kwĩ aherithania ĩkohwo o nginya rĩrĩa ĩkarĩha thirĩ ũcio wothe. 35Ũguo noguo Awa ũrĩa wĩ Igũrũ akamwĩka inyuĩ, mũngĩaga kuohanagĩra na ma o mũndũ na mũrũ wa ithe.

Currently Selected:

MATHAYO 18: OGKBIBLE

Highlight

Copy