MATHAYO 16

1 # Mat 12.38; Luk 11.16. NA rĩrĩ, Afarisai na Asadukai magĩũka makĩmũgeria, makĩmũhoya atĩ aringe kĩama kiumĩte Igũrũ makĩone. 2Nake akĩmacokeria akĩmera atĩrĩ, Gwatua gũtuka, muugaga, Kaĩ nĩgũkaara-ĩ; nĩ ũndũ igũrũ nĩ gũtune. 3Ningĩ rũcinĩ muugaga, Kaĩ ũmũthĩ nĩgũgũthũka-ĩ, nĩ ũndũ igũrũ nĩ gũtune na gũgathimba. Nĩmũũĩ gũkũũrana ũrĩa igũrũ gũtariĩ; no rĩrĩ, imenyithia cia mahinda maya tũrĩ, mũtihotaga gũcikũũrana. 4#Mat 12.39; Luk 11.29.Rũciaro rũrũ rũaganu na rũa ũtharia rũĩtagia kĩama; na gũtirĩ kĩama rũkaringĩrũo tiga kĩama kĩrĩa kĩa Jona. Nake agĩtigana nao, agĩĩthiĩra.

5Nao arutwo ake maakinya mũrĩmo ũrĩa ũngĩ, magĩkorũo mariganĩirũo nĩ gũkuua mĩgate. 6#Luk 12.1.Nake Jesu akĩmera atĩrĩ, Kwĩmenyerera wĩmenyererei ndawa ya kũimbia mũgate ĩrĩa ya Afarisai na Asadukai. 7Nao magĩtarania makiuga atĩrĩ, Nĩ ũndũ tũtinoka na mĩgate. 8Nake Jesu aamenya, akĩmoria atĩrĩ, Inyuĩ, mwĩtĩkĩtie o hanini, nĩ kĩ gĩgũtũma mũtaranie atĩ nĩ ũndũ mũtirĩ na mĩgate? 9#Mat 14.17-21.Kaĩ mũtarĩ mũrakuũka, kana mũkaririkana ũhoro wa mĩgate ĩrĩa ĩtano ya andũ ngiri ithano, na nĩ ciondo ciigana mwoire? 10#Mat 15.34-38.O na kana mĩgate ĩrĩa mũgwanja ya andũ ngiri inya, na nĩ mbawa ciigana mwoire? 11Nĩ kĩ gĩkũgiria mũmenye atĩ ndikũmwaragĩria ũhoro wa mĩgate? Ĩndĩ mwĩmenyagĩrĩre ndawa ya kũimbia mũgate ĩrĩa ya Afarisai na Asadukai. 12Hĩndĩ ĩo magĩkĩmenya atĩ ndaamerire memenyagĩrĩre ndawa ya kũimbia mũgate, no atĩ memenyagĩrĩre ũrutani ũrĩa wa Afarisai na Asadukai.

13Na rĩrĩa Jesu aakinyire hari-inĩ cia Kaisarea-kwa-Filipu, akĩũria arutwo ake atĩrĩ, Andũ moigaga atĩ Mũrũ wa Mũndũ nũ? 14#Mat 14.1,2; Mar 6.14,15; Luk 9.7,8.Nao makiuga atĩrĩ, Amwe moigaga atĩ nĩwe Johana Mũbatithania; na amwe makoiga nĩwe Elija: na angĩ makoiga nĩwe Jeremia, kana ũmwe wa anabii. 15Nake akĩmoria, Inyuĩ na inyuĩ muugaga nĩ niĩ ũ? 16#Joh 6.68,69.Nake Simoni Petero akĩmũcokeria akĩmwĩra atĩrĩ, Wee, nĩwe Kristo, Mũrũ wa Ngai ũrĩa wĩ muoyo. 17Nake Jesu akĩmũcokeria akĩmwĩra, Gũkena-rĩ, nĩwe Simoni, mũrũ wa Jona: nĩ ũndũ ti mũndũ wĩ mwĩrĩ na thakame ũkũguũrĩirie ũguo, no nĩ Awa ũrĩa wĩ Igũrũ. 18Na niĩ ngũkwĩra atĩrĩ, Wee nĩwe Petero, o na igũrũ rĩa ndũmba ya ihiga#16.18 Ndũmba ya ihiga: Kĩyunani nĩ Petra Nĩho hoimĩte rĩĩtwa rĩa Petero (Petros). rĩrĩ nĩngaaka kanitha wakwa: o na ihingo cia kwa-ngoma itikaũtoria. 19#Mat 18.18; Joh 20.23.Nĩngakũhe ihingũro cia ũthamaki wa Igũrũ: na kĩrĩa o gĩothe ũkoha gũkũ thĩ nĩgĩkohwo Igũrũ: na kĩrĩa o gĩothe ũkohora gũkũ thĩ, nĩgĩkohorũo Igũrũ. 20Hĩndĩ ĩo agĩkaania arutwo ake matikae kwĩra mũndũ o na ũmwe atĩ nĩwe Kristo.

21Gwata hĩndĩ ĩo Jesu agĩitĩka kũmenyithia arutwo ake atĩ no kinya athiĩ Jerusalemu, na athĩnio na maũndũ maingĩ moru nĩ athuri, na athĩnjĩri-Ngai arĩa anene, na aandĩki-marũa, na oragwo, na mũthenya wa gatatũ nĩakariũkio. 22Nake Petero akĩmũhira ndundu, agĩitĩka kũmũkaania, akĩmwĩra atĩrĩ, Ũroaga gwĩkwo ũguo, Mwathani: maũndũ macio matikanagũkore, o rĩ o rĩ. 23Nake Jesu akĩĩhũgũrĩra Petero akĩmwĩra atĩrĩ, Coka na thutha wakwa, Shaitani: wee ũrĩ mũ’hĩngithia, nĩ ũndũ ndwĩciragia maũndũ marĩa ma Ngai, tiga ma andũ. 24#Mat 10.38; Luk 14.27.Hĩndĩ ĩo Jesu akĩĩra arutwo ake atĩrĩ, Mũndũ o wothe angĩenda kũnyuma thutha, nĩerege, oe mũtĩ wake wa kwambĩrũo, anũmagĩrĩre. 25#Mat 10.39; Luk 17.33; Joh 12.25.Nĩ ũndũ mũndũ ũrĩa wendaga gũtũũria muoyo wake, ũcio nĩ kũũrũo akorũo nĩguo; na ũrĩa ũkorũo nĩ muoyo wake nĩ ũndũ wakwa, ũcio nĩakaũtũũria. 26Nĩ ũndũ-rĩ, mũndũ eguna na kĩ, o na angĩĩgwatĩra thĩ yothe, na orũo nĩ muoyo wake? Kana nĩ kĩ mũndũ angĩruta akũũre muoyo wake nakĩo? 27#Mat 25.31; Thab 62.12; Rom 2.6.Tondũ rĩrĩ, Mũrũ wa Mũndũ ndarĩ hingo atagoka e na riri wa Ithe, hamwe na araika ake; na hĩndĩ ĩo nĩagatuĩra o mũndũ o ũrĩa ũringaine na ciĩko iria aaneka. 28Ngũmwĩra atĩrĩ na ma, Atĩ andũ aya marũngiĩ haha, nĩharĩ amwe ao matagacama gĩkuũ o na atĩa, mataambĩte kuona Mũrũ wa Mũndũ agĩũka e na ũthamaki wake.

Currently Selected:

MATHAYO 16: OGKBIBLE

Highlight

Copy