AHIBIRANIA 1
1
1NGAI ũrĩa waaragĩria maithe maitũ matukũ-inĩ ma tene na tũnua twa anabii, akaaragia na ikĩro nyingĩ na njĩra nyingĩ-rĩ, 2o matukũ-inĩ maya ma kũrigĩrĩria nĩatwarĩirie ithuĩ na kanua ka Mũriũ, ũrĩa aatuire mũgai wa kũgaya indo ciothe; o nacio thĩ ciothe aaciũmbire na njĩra ya Mũriũ o ũcio. 3Nake we, tondũ wa ũrĩa akengete, nĩonithanagia riri wa Ngai, na nĩwe mũhianĩre kũna wa ũrĩa Ngai atariĩ, na ningĩ nĩwe ũtiiragĩrĩra indo ciothe na kiugo gĩake nĩ ũrĩa kĩĩ na ũhoti. Ũcio-rĩ, aarĩkia kũhoroheria andũ mehia, agĩikara thĩ guoko-inĩ kwa ũrĩo kwa ũrĩa Mwene-Ũkaru o kũu Igũrũ. 4Nake nĩ gũtuwo aatuirũo mũnene gũkĩra araika, o kũringana na ũrĩa aagaĩirũo rĩĩtwa rĩagĩrĩte gũkĩra rĩao.
5 #
Thab 2.7;
2 Sam 7.14; 1 Maũ 17.13. Nĩ ũndũ araika-rĩ, nĩ ũrĩkũ wao aanera ũũ o na rĩ, atĩ,
Wee, nĩwe Mũrũ wakwa,
Niĩ ũmũthĩ nĩndagũciara?
O na kana ningĩ-rĩ,
Nĩ niĩ ngũtuĩka Ithe,
Nake atuĩke Mũrũ wakwa?
6 #
Gũcok 32.43. Na ningĩ, aarehe irigithathi rĩake gũkũ thĩ, akoiga atĩrĩ,
Na araika othe a Ngai nĩmamũturagĩrie ndu.
7 #
Thab 104.4. Na ha ũhoro wa araika akoiga atĩrĩ,
Ũrĩa ũtũmaga araika ake matuĩke huho,
Na atungati ake matuĩke o rũrĩrĩmbĩ rũa mwaki.
8 #
Thab 45.6,7. No rĩrĩ, ha ũhoro wa Mũriũ akoiga atĩrĩ,
Gĩtĩ gĩaku gĩa ũthamaki, wee Ngai, nĩ gĩa gũtũũra tene na tene;
Naguo mũthĩgi ũrĩa ũthamakanagĩra naguo nĩ mũthĩgi ũrĩ ũgerereri.
9Ũthingu nĩguo wendete naguo ũremi ũkaũthũũra,
Nĩ ũndũ ũcio Ngai, o Ngai ũrĩa waku, nĩagũitĩrĩirie maguta,
Maguta ma gĩkeno, gũkĩra arĩa a thiritũ yaku.
10 #
Thab 102.25-27. Na ningĩ-rĩ,
Wee, Mwathani, o kĩambĩrĩria-inĩ nĩwaarire gĩtina gĩa thĩ,
O narĩo Igũrũ-rĩ, no wĩra wa moko maku.
11Icio no gũthira igathira: no wee nĩ gũikara ũgaikara o ho;
Nacio ciothe nĩ gũkũra igakũra itambuthĩke o ta nguo.
12Ũgacikũnja o ta ũrĩa itonyo rĩkũnjagwo,
Nacio igarũrũke o ta nguo.
Ĩndĩ wee-rĩ, nowe ũrĩa we,
Nayo mĩaka yaku ndĩgatura.
13 #
Thab 110.1. No araika-rĩ, nĩ ũrĩkũ wao aanera ũũ o na rĩ, atĩ,
Ikara thĩ guoko-inĩ gwakwa kwa ũrĩo,
Kinya ngatũma thũ ciaku ituĩke gaturũa ka makinya maku?
14Githĩ acio othe tio maroho marĩa matungatanagĩra, magatũmwo mateithanagie, nĩguo andũ monage ũteithio, o arĩa makiriĩ kũgaya igai rĩa kũhonokio?
Currently Selected:
AHIBIRANIA 1: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
