AEFESO 1
1
1 #
Atũm 18.19-21; 19.1. NĨ niĩ Paulo, mũtũmwo wa Kristo Jesu nĩ ũndũ wa ũrĩa Ngai endete, ngwandĩkĩra marũa maya andũ arĩa aamũre [marĩ Efeso], o arĩa mehokekete tondũ wa ũrĩa manyitaine na Kristo Jesu. 2Mũroheo Wega na thayũ ciumĩte kwĩ Ngai Ithe witũ o na Mwathani Jesu Kristo.
3Atĩrĩrĩ, Ngai arogoocwo, o we Ngai wa Mwathani witũ Jesu Kristo, na nowe Ithe, ũrĩa ũtũrathimĩte thĩinĩ wa Kristo na irathimo ciothe cia kĩĩroho, iria ciumaga Igũrũ, 4kũringana na ũrĩa aatũthurire thĩinĩ wake thĩ ĩtanombwo, nĩ getha tũtuĩke atheru na twage kaũũgũ agĩtuona. 5Na tondũ wa gũtwenda-rĩ, nĩaatuorereire o mbere nĩguo tũtuĩke ciana ciake na ũndũ wa Jesu Kristo, agĩgĩĩka ũguo no ũndũ wa ũrĩa endete gũtugana, 6na nĩ getha Wega wake ũrĩa ũiyũire rĩrĩ ũkumagio, o Wega ũcio aatũitũrũrĩire na ũtana thĩinĩ wake we ũrĩa endete mũno. 7#Kol 1.14.Na nĩ thĩinĩ wake twakũũrirũo, nĩ ũndũ wa thakame yake, o na tũkoherũo mehia maitũ kũringana na ũrĩa Wega wake ũingĩhĩte, 8o Wega ũcio aatũingĩhĩirie na ũndũ wa ũũgĩ wake, o na ũtaũku wake, 9aarĩkia gũtũmenyithia ũndũ ũrĩa wa hitho aatanyĩte gwĩka. Ekire ũguo na kwĩendera gwake, o kũringana na ũrĩa aatanyĩte gwĩka thĩinĩ wa Kristo; 10naguo nĩguo atĩ, rĩrĩa hĩndĩ ĩrĩa njagĩrĩru ĩgakorũo ĩkinyĩte-rĩ, nĩagacokanĩrĩria maũndũ mothe thĩinĩ wa Kristo, o marĩa marĩ Igũrũ na marĩa marĩ gũkũ thĩ; ĩĩ-ni, o thĩinĩ wake we.
11Ningĩ nĩ thĩinĩ wake ithuĩ twatuirũo ũgai wa kũgayũo nĩwe, tondũ wa ũrĩa tworereirũo o mbere tũtuĩke ũguo, kũringana na kwenda gwake, we wĩkaga maũndũ mothe o ta ũrĩa aciragĩra gwĩka. 12Ningĩ ekire ũguo nĩ getha ithuĩ tũtuĩke a gũtũma riri wake ũkumagio, o ithuĩ arĩa twaambire kwĩrĩgĩrĩra Kristo. 13Na rĩrĩ, nĩ thĩinĩ wake o na inyuĩ, mwarĩkia kũigua ũhoro-ũrĩa-wa-ma, nĩguo Ũhoro-ũrĩa-Mwega watũmire mũhonokio-rĩ, o na ningĩ mwarĩkia kũmwĩhoka-rĩ, mũgĩĩkĩrũo rũũri nĩ kũheo Roho Mũtheru ũrĩa weranĩirũo: 14Na kũheo Roho Mũtheru ũguo nĩ mũtũrio wa mbere wa kuonania na ma atĩ nĩtũkagaĩrũo igai riitũ rĩothe, rĩarĩkia gũkũũrũo nĩ Ngai rĩtuĩke rĩake kĩũmbe; ũguo noguo twekirũo nĩ getha riri wake ũkumagio.
15Nĩ ũndũ wa ũguo, o na niĩ-rĩ, tondũ nĩnjiguĩte ũhoro wa wĩtĩkio ũrĩa mwĩtĩkĩtie Mwathani Jesu naguo, o na wendani ũrĩa mwendaga andũ arĩa othe aamũre naguo, 16nditigithagĩria gũcokia ngatho nĩ ũndũ wanyu, ngĩmũgwetaga mahoya-inĩ makwa; 17ngahoyaga atĩ Ngai wa Mwathani witũ Jesu Kristo, o we Ithe witũ mwene riri, amũhe o mũndũ roho wa kũmũũhĩgia na wa kũmũguũrĩria maũndũ, muongererũo ũmenyi wa kũmenyana nake; 18ningĩ atĩ maitho manyu ma ngoro mathererũo nĩ ũtheri, nĩ getha mũmenye wega kĩĩrĩgĩrĩro kĩrĩa mwĩtĩirũo nĩwe mũgĩe nakĩo; o na mũmenye ũrĩa igai rĩake rĩĩ na riri rĩingĩhĩte ta arĩ ũtonga mũnene, narĩo nĩrĩo rĩa andũ ake aamũre; 19na ningĩ mũmenye ũrĩa ũhoti wake ũnenehete hatarĩ mũhaka, o ũcio aatũkinyĩirie ithuĩ arĩa twĩtĩkĩtie, kũringana na ũrĩa arutaga wĩra na hinya wake mũnene, 20#Thab 110.1.o hinya ũcio onanirie akĩrutaga wĩra wake thĩinĩ wa Kristo, rĩrĩa aamũriũkirie oime kũrĩ arĩa akuũ, akĩmũikaria guoko-inĩ gwake kwa ũrĩo kũrĩa Igũrũ, 21atũũgĩrĩtio mũno igũrũ rĩa wathani o wothe, na ũthamaki, na ũhoti, na ũnene, na igũrũ rĩa marĩĩtwa mothe marĩa magwetagwo, to mahinda maya moiki, no ningĩ o na mahinda marĩa magoka. 22#Thab 8.6.#Kol 1.18.Na ningĩ akĩiga maũndũ mothe ruungu rũa magũrũ make maathagwo nĩwe, agĩkĩmũtua mũnene wa gwathaga maũndũ mothe harĩ kanitha; 23naguo nĩguo mwĩrĩ wake, o ũiyũru wake, we ũiyũrĩte maũndũ mothe o na kũndũ guothe.
Currently Selected:
AEFESO 1: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
