2 JOHANA 1
1
1NĨ niĩ, mũthuri wa kanitha, ndatũma marũa maya kũrĩ mũtumia ũrĩa mũthure na ciana ciake, arĩa nyendete na ma; o na ti niĩ nyiki, nĩ arĩa othe mamenyete ũhoro-ũrĩa wa-ma, 2tũgakĩmwenda nĩ ũndũ wa ũhoro-ũcio-wa-ma ũtũũraga ngoro-inĩ ciitũ, o na nĩũgũikara na ithuĩ nginya tene na tene. 3Wega, na tha, o na thayũ, ciumĩte kwĩ Ngai Ithe witũ, na kwĩ Jesu Kristo, Mũriũ wa Ithe witũ, irĩikaraga hamwe na ithuĩ tũrĩ o na ũhoro-ũrĩa-wa-ma na tũrĩ o na wendani.
4Nĩngenete mũno nĩ ũndũ nĩngorete ciana ciaku imwe igĩthiĩ na njĩra ĩrĩa ya ma, o ta ũrĩa twaathirũo nĩ Ithe witũ. 5#Joh 13.34; 15.12,17.Na rĩu, mũtumia ũyũ, ngũgũthaitha, na ti ta arĩ rĩathani rĩerũ ndĩrakwandĩkĩra, tiga o rĩrĩa tũtũire narĩo kuuma kĩambĩrĩria, ngĩgũthaithe atĩ twendanage. 6Nakuo kwendana nĩ atĩrĩ, nĩ gũthiaga twerekanĩrĩire na maathani make. Rĩathani-rĩ, nĩrĩo rĩu, o ta ũrĩa mwarutirie kũigua o kĩambĩrĩria, atĩ mũthiage mũrĩ o naguo, wendani ũcio. 7Nĩ gũkorũo ahenania aingĩ nĩmoimĩrĩire gũkũ thĩ, arĩa matangĩĩtĩkia atĩ Jesu Kristo nĩokĩte na mwĩrĩ. Mũndũ ta ũcio nĩwe mũhenania ũrĩa, o na mũmena Kristo. 8Wĩmenyagĩrĩrei, mũtikae kũũrũo tũhũ nĩ wĩra ũrĩa mũrutĩte, no rĩrĩ, mũgakĩgwata ũtungati mũhingu. 9Mũndũ o wothe ũrĩa ũkĩraga njano akarega gũikara ũrutani-inĩ wa Kristo-rĩ, we ndarĩ na Ngai; ũrĩa ũikaraga o ũrutani-inĩ ũcio, we arĩ o na Ithe witũ o na Mũriũ. 10Mũndũ angĩũka kwanyu, na ndoke na ũrutani ũcio, mũtikamũgwate ũgeni, o na mũtikamũgeithie; 11amu ũrĩa wamũgeithia nĩ kũgwatanĩra maagwatanĩra nake mawĩko macio make moru.
12Na tondũ ndĩ na maũndũ maingĩ ma kũmwĩra-rĩ, ndikwenda kũmaandĩka na karatathi na rangi, nĩ kwenda nyendaga njũke kwanyu, twarie tũng’ethanĩire, nĩ getha gĩkeno kĩanyu kĩiganĩre. 13Nĩwageithio nĩ ciana cia mwarĩ wa nyũkwa ũrĩa mũthure.
Currently Selected:
2 JOHANA 1: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
