1 AKORINTHO 16
16
1 #
Rom 15.25,26. NAHO ha ũhoro wa mũhothi ũrĩa ũhothagwo nĩ ũndũ wa andũ arĩa aamũre-rĩ, inyuĩ na inyuĩ ĩkagai o ta ũrĩa ndaathanire gwĩkagwo makanitha-inĩ marĩa ma Galatia. 2Mũthenya wa kwambĩrĩria kiumia-rĩ, o mũndũ wanyu nĩaigage mũthithũ, o ta ũrĩa arathimĩtwo, nĩ getha mĩhothi ndĩgatuĩke ya kũhothwo rĩrĩa ndoka. 3Na ndakinya kwanyu, andũ o arĩa mũgakorũo mũgathĩrĩirie na marũa-rĩ, nĩo ngatũma magatware kĩndũ kĩrĩa mũheanĩte na ũtugi Jerusalemu. 4Na kũngĩonwo arĩ wega o na niĩ ’thiĩ, nĩngatwarana nao.
5 #
Atũm 19.21. Na rĩrĩ, nĩngoka kũrĩ inyuĩ ndarĩkia gũtuĩkania Makedonia; amu nĩngũgĩtuĩkania kũu Makedonia; 6na hihi nĩngaikara na inyuĩ ihinda, o na kana hihi ’nine hingo yothe ya heho ndĩ o kwanyu, nĩ getha mũkanyumagaria ngĩgwata rũgendo ’thiĩ o na kũrĩa ngathiĩ. 7Tondũ ndikwenda kuonana na inyuĩ hĩndĩ ĩno ngĩhĩtũka o ro ũguo, nĩ ũndũ ngwĩrĩgĩrĩra atĩ nĩngaikarania na inyuĩ ihinda, Mwathani etĩkĩra. 8#Alaw 23.15-21; Gũcok 16.9-11.#Atũm 19.8-10.No rĩrĩ, ngwamba gũikara gũkũ Efeso nginya Bendegothito, 9nĩ gũkorũo nĩ ta kũhingũrĩrũo ’hingũrĩirũo mũrango mũnene, ngakĩona hingo ya kũruta wĩra mũno kuo, nacio thũ nĩ nyingĩ.
10 #
1 Kor 4.17. Timotheo angĩũka-rĩ, menyererai atĩ aikare kũu kwanyu atarĩ ũndũ egwĩtigĩra, nĩ gũkorũo nĩ wĩra wa Mwathani araruta, o ta ũrĩa niĩ na niĩ ndĩũrutaga. 11Tondũ ũcio-rĩ, mũndũ o na ũrĩkũ ndakanamũmene, no mũmuumagarie agwate rũgendo rũake na thayũ, nĩ getha akinye kũrĩ niĩ, nĩ gũkorũo nĩngũmweterera oke hamwe na ariũ a Ithe witũ arĩa angĩ. 12No rĩrĩ, ha ũhoro wa mũrũ wa Ithe witũ Apolo-rĩ, nĩndamũringĩrĩirie mũno oke kũrĩ inyuĩ hamwe na ariũ a Ithe witũ, nowe ndaigana kwenda o na hanini gũũka rĩu, no nĩagoka rĩrĩa arĩona hĩndĩ njagĩrĩru.
13Ikaragai mwĩhũgĩte, na mwĩhande mũrũmĩte wega ũhoro-inĩ wa gwĩtĩkia; ningĩ mũtuĩkage ta arũme ma, na mũgĩte o kũgĩa na hinya. 14Na maũndũ mothe marĩa mwĩkaga-rĩ, mekagei o na wendani.
15 #
1 Kor 1.16. Ningĩ rĩrĩ, ariũ a Ithe witũ, kũrĩ ũndũ ngũmũthaitha nĩ ũndũ waguo: nĩmũũĩ andũ a nyũmba ya Stefana, atĩ nĩo maciaro ma mbere ma bũrũri wa Akaia, na atĩ nĩmetuĩte a gũtungatagĩra andũ arĩa aamũre; 16ndamũthaitha mwathĩkage nĩ andũ ta acio, o na mũndũ o wothe ũrĩa ũrutaga wĩra hamwe na ithuĩ akĩũnogagĩra. 17Na rĩrĩ, nĩ gũkena ngenete nĩ ũndũ wa ũrĩa Stefana marĩ na Foritunato na Akaiko mokĩte; nĩ ũndũ nĩo maa’hingĩirie ũhoro wanyu ũrĩa itaarĩ naguo. 18Amu nĩ gũcanjamũra maacanjamũrire roho wakwa, na magacanjamũra maroho manyu o namo; tondũ ũcio-rĩ, kĩheagei andũ ta acio gĩtĩo.
19 #
Atũm 18.2. Makanitha ma gũkũ Asia nĩmaamũgeithia. Akula na Pirisila nĩmaamũgeithia mũno thĩinĩ wa Mwathani, me na andũ a kanitha arĩa macemanagia nyũmba-inĩ yao. 20Nĩmwageithio nĩ ariũ a Ithe witũ othe. Geithaniai inyuene, o mũndũ akĩgeithie ũrĩa ũngĩ na ngeithi theru ya kũmumunyana.
21Ngeithi ici ndaciandĩka na guoko gwakwa mwene, niĩ Paulo. 22Mũndũ ũtenda Mwathani-rĩ, arogwatwo nĩ kĩrumi! Mwathani#16.22 Mwathani witũ nĩaroka: Paulo aandĩkire ciugo icio na kĩ-aramaic, Maran atha. witũ nĩaroka. 23Wega wa Mwathani Jesu Kristo ũroikara na inyuĩ. 24O na wendani ũrĩa ndĩmwendaga naguo ũroikaraga na inyuĩ inyuothe mwĩ thĩinĩ wa Kristo Jesu. Amen.
Currently Selected:
1 AKORINTHO 16: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
