Zekaraya 11
11
1Ako Rebanona, mo zá gamo angbadimo,
we riti ga ngua akedara!
2Ako ngua kupuresa, mo yóro wawa
bambiko kedara ti, bambiko i gbarasi angua taarimo!
Oni agero du Basa na yo, oni yóro wawa,
bambiko i dewe angua nanaga bire yo!
3Oni gi nga, woro yora wawa nga ga ababanda akandoro,
bambiko gayo taarimo gberẽ!
Oni gi nga pa pazuo abahu,
bambiko gbuku Yaradene yo du ni gbarasigbarasi he!
Pa gu babanda akandoro angba nga ya
4Ya Yekova nga gi Mbori wẽ: “Mo dú ni babanda gu rimbasa akandoro nga agu ra rengbe tipa imo ra. 5Agu yo nangbe ra i niimi ra ki ga zanga pai ku ri yo; ya agu yo nabaga ra, ‘Am sámbua Yekova, bambiko mi sa tire ni irakumuko’; ka nunga ra adu nga ti ndikidi ababanda ra ya. 6Bambiko mi adú nga na nunga araki rogo gi ringara berewe te re, wo poi Yekova. Mo ngére, mi afú aboro ni ba sa sa ku be ababanda yo, agu yo ni ba sa sa ku be gayo baKindo; i ki gbarasi kpotosende, ka mi abátasa nga boro sa be yo ya.”
7Si du mi ki sa tire ni babanda rimbasa agu anya ababagi ra aberẽ pa imo ra. Mi ki rogodi angau ue; gu sa mi ayambu rimoho nga Undahe, gu kura ha ki ngia Kpamiatise. Mi ki mangi pa akandoro. 8Mi agbarasi ababanda akandoro biata rogo diwi sa. Ono mi ki mbu be yo, i ki nisogo re asoga. 9Si du mi ki ya, “Mi adú nga ni babanda roni te. Gu ni ka kpi, ni kpí akpi; gu ni ka i gbarasi ni, i gbarasi ni agbarasa; agu yo ka nye gu ni ki riti pasio gu ni.” 10Mi ki di gi ngau nga Undahe, ki kuadi he, ki mbu pa gu zunga he nga gu mi amangi he fu aboro dunduko. 11Si du i ambu he ni gu uru re, ababagi akandoro nga agu yo nibi re, i ki ini he ya sangba Yekova nidu. 12Mi ki ya fu yo, “Ka si ru bangironi, oni fú gimi amosoro sunge fere; ono ka si aru nga bangirironi ya, oni ka na ami be re.” I ki ringbisi he ni gi mosoro nga asekere feda 30. 13Yekova ki ya fere, “Mo ba ra ku rogo baigaamarã yo” nga gu iiriwo marã i afu he fere. Si du mi ki rogo gu 30 asekere feda re ki ba ra ku rogo baigaamarã du rogo ga Yekova bambu yo. 14Si du mi ki kuadi gu ue ngau nga Kpamiatise, ki mbu pa gu kpamiatise du dagba Yuda na Yisaraere.
15Yekova ki ya fere, Mo di gu úsunge berewe nga ga mumungo babanda akandoro. 16Bambiko mo ngére, mi namaa kura babanda akandoro rogo ringara aberã nga pa agu ra nakpi ya, watadu ka gbata agu ra nagbandaka, watadu ka husa gu gbarĩgbarĩ ra, na ka mbu ti gu wasawasa ra a ya, ono ni ki niriti pasio agu ra nze anze, ki nisipi sukutura ku sa yo a.
17“Na gberẽ he fu mumungo babanda akandoro,
nga gu ni mbu rimbasa anya!
Basape déwe beni
na kumbabangirini!
Beni úgu dunduko,
kumbabangirini dú dunduko na vurari!”
Currently Selected:
Zekaraya 11: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
