Yona 3
3
Pa sa aboro Nineve gayo berã
1Sangba Yekova ki ye koyo du Yona ni ni ue he, niya, 2“Mo gúari, ki ndu ku Nineve yo, nga gu bakere bakporo re, ki tungusi gu tungusapai fu yo nga gu mi aka gumba ha foro.” 3Si du Yona ki guari ka ndu ku Nineve yo kuti sangba Yekova. Ono Nineve angia bakere bakporo gbe, rame nduge rogo ho adu biata. 4Yona ki rimi ku bakporo yo, ki tona nduge tipa uru sa. Ko ki ta paa ku ari niya, “Rame koyo kina 40, i ki gbarasi Nineve!” 5Aboro Nineve ki idi pa Mbori; i ki taki pande pa gina riahe, ki nivo mbuzaroko, tona ti bakikindigi yo ki da ti umba pa yo.
6Pandehe ki da koyo du bakindo aboro Nineve ni, ko ki guari auru gako mbatabakindo, ki uru gako gbanga baukadi, ki vo mbuzaroko, ki nisungu kuke yo. 7Ko ki taki pande pai i ki tungusi he fu aboro Nineve yo dũ, “Ni gu ndika nga ga bakindo na gako abaakumba: Ka boro rí nga riahe ya, anya, na rimbasa abagara na rimbasa akandoro a ya; ka i rígi nga tiyo wa sa ya, watadu mbira ime a ya, 8ono aboro vódi kina mbuzaroko dũ, i úkadi anya na ni a, ki nikpari kpe ni ome fu Mbori. Ii, aboro sá tiyo ni ba sa sa ti gayo gbigbitapai na ti gu zuu du ti yo. 9Da ini he, si ngia Mbori abírã tiko ki za tiko ti gako ngariangaria zinga, ya ka ani kpiki nga ya?”
10Ho Mbori abi gu pai ni i amangi he, Mbori ki sa tiko ti manga gu gbigbitapai, nga gu ko aya ko amanga yo na ni; ka ko amanga nga ha ya.
Currently Selected:
Yona 3: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
